10
Noa Tafan Rusan Binganggan
1 Nani Noa narun rusan Sem, Ham da Yafet narun rusan rima mingꞌa bampan i mpui tsiraꞌ.
Yafet Tafan Rusan
2 Yafet narun rusan binganggan ibiani, Gomer, Magok, Madai, Dzawan, Tubal, Mesek da Tiras.
3 Gomer irim narun rusan ibiani: Askenats, Rifat da Togarma.
4 Dzawan irim narun rusan: Elisa, Tarsis da Kit da Rodan.
5 Mingꞌa garam utup ani yangin rusan da tafan rusan idzarang impa intap ruga rugan ibafan imingꞌ uruts ringan da intap isiꞌ isiꞌ mingꞌa uruts wasaꞌ da impa utup utup da ini nan nifun ruga rugan.
Ham Tafan Rusan
6 Ham irim narun rusan ibiani: Kus, Mitsraim, Put da Kanan.
7 Kus irim narun rusan ibiani: Seba, Hawila, Sapta, Rama da Sapteka. Rama irim narun rusan iruꞌrun: Siba da Dedan.
8 Kus ibinigi irim narunggan mangan binganggan Nimrod. Nimrod isu garam nampang da nifutsarif i ngants gifan isu miamun imingꞌ intap.
9 Arangan isu garam bangi tatiꞌ yunga apu imingꞌ Yawe maranggan. Ibinigi da garam nida tsarifa mangan i bingan tsiraꞌ, da inang da ini binaꞌ, “Garam igi isu bangi tatiꞌ yunga apu imingꞌ Yawe maranggan isangꞌ Nimrod.”
10 Nimrod gampan miamun mpada tayangꞌ gin ibiani: Babilon (nida Babel gin) da Erek da Akat, gamp santan igi imingꞌ intap Sinar (nida Babilonia gin).
11-12 I mingꞌa nigi da arangan ifa Asiria da iraf gamp Niniwe, Rihobot-Ir da Kala, da Resen. I gamp Resen igi imingꞌ wasaꞌ i gamp Niniwe da gamp tsiraꞌ Kala.
13-14 Mitsraim isu garam Lud da Anam da Lehap da Naftu da Patrus da Kaslu da Kaftor tafanggan. Da garam Filistia iwaꞌ i tafan Kaslu.
15 Kanan narunggan miamun Saidon, da rain rusan fain binganggan ibiani: Hit
16 da Dzebus da Amor da Girgas
17 da Hiwi da Arka da Sini
18 da Arwat da Tsemar da Hamat.
Raiyi da utup Kanan igi idzarang da impa ruga rugan ifan.
19 Rib Kanan intapan ampapan mpada gin imingꞌ gamp tsiraꞌ Saidon da iragi uruts ringan ifa iwaꞌ Gatsa da Gerar da ifa ibi gubuꞌ yaban da iwaꞌ Sodom da Gomora da Adma da Tseboim da ifa iwaꞌ Lasa.
20 Rib igi Ham tafan rusan yatsungꞌ utupan da nifu-nan gan impruꞌ ruan impai intap ruga rugan isu utup utup.
Sem Tafan Rusan
21 Sem ibinigi irim narun rusan fain da isu garam utup Eber tafanggan, da arangan rainggan tsiraꞌ Yafet.
22 Sem narun rusan binganggan ibiani: Elam, Asur, Arfaksat, Lud da Aram.
23 Da Sem narunggan Aram narun rusan ibiani: Uts, Hul, Geter da Mas.
24 Sem narunggan Arfaksat isu Sela ramanggan, da Sela isu Eber ramanggan.
25 Eber irim narun rusan marub iruꞌrun, mangan binganggan Pelek, i mingꞌa arangan gubuꞌ gan mpada intap, da garam intap ibrang ruan idzarang impa utup utup. Da arangan rainggan binganggan Dzoktan.
26-29 Dzoktan isu Almodat, Selef, Hatsarmawet, Tsera, da Hadoram, Utsal, Dikla, da Obal, Abimael, Seba, da Ofir, Hawila da Dzobap ramanggan.
30 Garam utup igi intapan mpada gin imingꞌ Mesa da ifan iwaꞌ Sefar mingꞌa mamai gubuꞌ yaban.
31 Nigi Sem tafan rusan yatsungꞌ utupan da nifu-nan gan impruꞌ ruan impai intap ruga rugan isu utup utup.
32 Rib utup mpada ruga rugan igi Noa tafan rusan. I mingꞌa rib igi, da garam intap santan angu iwaꞌ da idzarang impa isangꞌ intap sib angu, da gubuꞌ mpui tsiraꞌ riꞌa sib.