124
Yi tajwe'n tan cyalol yi xonl Israel
1 Yi qui'k nxom Kajcaw ske'j tan kacolche'n, ja klo' wi't kaquim.
2 Yi qui'k xom wi' i' ske'j yi cyoque'n yi e' kacontr tan kabiyle'n, ja klo' wi't kasotz.
3 Na yi cyule'n yi e' kacontra'tz tan kabiyle'n, ja klo' kaquim kacyakil cu'n, na wi'nin ẍchi'che'n chic'u'l ske'j.
4 Ja klo' wi't katzaj, na ni'cu'n nchiban yi e' kacontr ske'j chi na ban jun tzanla' yi na elu'l. Ja klo' ke'l tan a' tane'n.
5 Ja klo' ben jicyol kacyakil cu'n, nin ja klo' kaquim junawes.
6 Poro ntyoẍ tu' tetz Kajcaw, na qui nin tak' i' ama'l tan kabaje'n cya'n kacontra'tz.
7 Ma na ja ke'l liwr ẍchik'ab, chi na ban jun txuc yi na el ojk tk'ab yi aj txuquinl. Na qui nin nxcye' yi chitramp tan katz'amle'n cyen, ma na ja ke'l liwr.
8 Na jun cu'n cho'n na saj yi ẍch'eybil ketz te Kajcaw, yi bnol tetz tcya'j tu yi wuxtx'otx'.