10
ܦܘܠܘܣ ܫܠܝܚܐ ܘܚܠܡܬܗ
1 ܐܵܢܵܐ ܦܵܘܠܘܿܣ ܒܓܵܢܝܼ ܦܲܪܦܘܼܠܹܐ ܝܘܸܢ ܒܝܼܵܘܟ݂ܘܿܢ ܒܢܝܼܚܘܼܬܵܐ ܘܒܡܲܟܝܼܟ݂ܘܼܬܵܐ ܕܡܫܝܼܚܵܐ، ܐܵܢܵܐ ܕܟܹܐ ܗܵܘܹܝܢ ܡܲܟܝܼܟ݂ܵܐ ܐܝܼܡܲܢ ܕܝܼܘܲܚ ܦܵܬܵܐ ܓܵܘ ܦܵܬܵܐ، ܐܝܼܢܵܐ ܣܹܟܪܵܢܵܐ ܐܝܼܡܲܢ ܕܝܼܘܸܢ ܪܸܚܩܵܐ ܡܸܢܵܘܟ݂ܘܿܢ،
2 ܒܸܛܠܵܒܵܐ ܝܘܸܢ ܡܸܢܵܘܟ݂ܘܿܢ ܕܐܝܼܡܲܢ ܕܐܵܬܹܝܢ ܠܵܐ ܦܵܝܫܹܢ ܥܸܨܝܵܐ، ܒܒܸܣܬܵܝܘܼܬܵܐ ܕܐܝܼܬ ܠܝܼ ܟܸܣܠܵܘܟ݂ܘܿܢ، ܕܗܵܘܹܝܢ ܣܹܟܪܵܢܵܐ ܥܲܡ ܚܲܕܟܡܵܐ ܕܒܸܚܫܵܒ݂ܵܐ ܝܢܵܐ ܕܒܸܚܵܝܵܐ ܝܘܲܚ ܒܥܵܕܲܬܹ̈ܐ ܕܟܝܵܢܵܐ ܐܢܵܫܵܝܵܐ،
3 ܐܘܼܦ ܐܸܢ ܕܒܸܚܵܝܵܐ ܝܘܲܚ ܒܟܝܵܢܵܐ ܐܢܵܫܵܝܵܐ، ܐܝܼܢܵܐ ܠܹܐ ܝܘܲܚ ܒܸܦܠܵܫܵܐ ܒܐܘܼܪܚܵܐ ܕܟܝܵܢܵܐ ܐܢܵܫܵܝܵܐ،
4 ܣܵܒܵܒ ܙܲܝܢܹ̈ܐ ܕܦܠܵܫܲܢ ܠܹܐ ܝܢܵܐ ܕܟܝܵܢܵܐ ܐܢܵܫܵܝܵܐ، ܐܝܼܢܵܐ ܕܐܲܠܵܗܵܐ ܝܢܵܐ ܠܸܫܩܵܠܵܐ ܩܲܠܥܵܬܹ̈ܐ ܥܲܣܩܹ̈ܐ،
5 ܘܠܡܲܚܪܘܼܒܹܐ ܟܠܵܝܗܝ ܚܘܼܫܵܒܹ̈ܐ ܥܸܠܵܝܹ̈ܐ ܕܩܵܝܡܝܼ ܕܲܠܩܘܼܒ݂ܠܔ ܝܕܵܥܬܵܐ ܕܐܲܠܵܗܵܐ، ܘܠܙܲܒܛܘܼܢܹܐ ܟܠܔ ܚܝܼܵܠܔ ܘܠܡܲܠܘܼܦܹܐ ܟܠܔ ܐܢܵܫܵܐ ܕܡܲܨܝܸܬ ܠܡܫܝܼܚܵܐ.
6 ܘܗܕܝܼܪܹܐ ܝܘܲܚ ܠܬܲܥܠܘܼܡܹܐ ܟܠܵܝܗܝ ܦܘܼܠܚܵܢܹ̈ܐ ܕܠܵܐ ܡܲܨܝܲܬܬܵܐ ܐܝܼܡܲܢ ܕܬܲܡܸܡܵܐ ܡܲܨܝܲܬܬܵܘܟ݂ܘܿܢ.
7 ܐܲܚܬܘܿܢ ܓܲܫܘܼܩܹܐ ܝܬܘܿܢ ܠܡܸܢܕܝܼܵܢܹ̈ܐ ܡ̣ܢ ܦܵܬܵܐ. ܐܸܢ ܚܲܕ ܐܢܵܫܵܐ ܚܵܬܸܪܓ̰ܲܡܥ ܝܼܠܹܗ ܒܓܵܢܹܗ ܕܝܼܠܹܗ ܕܡܫܝܼܚܵܐ، ܫܒ݂ܘܿܩ ܡܸܢܕܪܸܫ ܬܲܚܡܸܢ ܒܓܵܢܹܗ ܕܐܘܼܦ ܐܲܚܢܲܢ ܕܡܫܝܼܚܵܐ ܝܘܲܚ ܐܲܝܟ݂ ܕܝܼܠܹܗ ܗ̇ܘ.
8 ܣܵܒܵܒ ܐܘܼܦ ܐܸܢ ܕܥܵܒ݂ܕܹܢ ܚܲܕܟ̰ܵܐ ܙܵܘܕܵܐ ܫܘܼܒ݂ܗܵܪܵܐ ܒܫܘܼܠܛܵܢܵܐ ܕܡܵܪܝܵܐ ܝܘܼܗܒܹܠܔ ܠܹܗ ܐܸܠܲܢ ܠܒܢܵܝܬܵܘܟ݂ܘܿܢ ܘܠܵܐ ܠܬܠܵܚܬܵܘܟ݂ܘܿܢ، ܠܹܐ ܝܘܸܢ ܒܸܢܟ݂ܵܦܵܐ ܒܝܼܹܗ.
9 ܠܹܐ ܒܵܥܹܝܢ ܕܚܵܫܒ݂ܝܼܬܘܿܢ ܕܡܲܙܕܘܼܥܵܘܟ݂ܘܿܢ ܝܼܘܸܢ ܒܐܸܓܲܪ̈ܝܵܬܝܼ.
10 ܣܵܒܵܒ ܚܲܕܟܡܵܐ ܟܹܐ ܐܵܡܪܝܼ: ”ܐܸܓܲܪ̈ܝܵܬܘܼܗܝ ܝܲܩܘܼܪܹ̈ܐ ܝܢܵܐ ܘܚܲܝܠܵܢܹ̈ܐ، ܐܝܼܢܵܐ ܒܦܲܓ݂ܪܵܐ ܙܲܒܘܼܢ ܝܼܠܹܗ، ܘܗܹܡܸܙܡܵܢܹܗ ܡܘܼܣܠܝܼܬܵܐ ܝܠܵܗ̇.“
11 ܘܵܠܹܐ ܝܠܵܗ̇ ܕܗܵܕܟ݂ܵܐ ܐܢܵܫܹ̈ܐ ܝܵܕܥܝܼ ܕܡܘܼܕܝܼ ܝܘܲܚ ܒܗܹܡܸܙܡܵܢ ܕܐܸܓܲܪ̈ܝܵܬܲܢ ܟܲܕ ܐܲܚܢܲܢ ܪܸܚܩܵܐ، ܗܵܕܟ݂ܵܐ ܒܸܬ ܗܵܘܲܚ ܒܦܘܼܠܚܵܢܲܢ ܟܲܕ ܐܲܚܢܲܢ ܩܘܼܪܒܵܐ.
12 ܣܵܒܵܒ ܐܲܚܢܲܢ ܠܹܐ ܩܲܫܕܸܪܲܚ ܠܚܲܫܒܘܼܢܘܼܗ̇ ܝܲܢ ܡܲܕܒ݂ܘܼܩܘܼܗ̇ ܓܵܢܲܢ ܥܲܡ ܐܵܢܝܼ ܕܚܵܩܪܝܼ ܒܓܵܢܵܝܗܝ. ܐܝܼܢܵܐ ܐܵܢܝܼ ܕܟܵܝܠܝܼ ܠܵܗ̇ ܓܵܢܵܝܗܝ ܒܓܵܢܵܝܗܝ ܘܡܲܕܒܸܩܝܼ ܠܵܗ̇ ܓܵܢܵܝܗܝ ܥܲܡ ܓܵܢܵܝܗܝ، ܠܹܐ ܝܢܵܐ ܚܲܟܝܼܡܹ̈ܐ.
13 ܐܝܼܢܵܐ ܐܲܚܢܲܢ ܠܹܐ ܥܵܒ݂ܕܲܚ ܫܘܼܒ݂ܗܵܪܵܐ ܙܵܘܕܵܐ ܡ̣ܢ ܟܝܘܼܠܲܢ، ܐܸܠܵܐ ܒܟܝܘܼܠܵܐ ܕܦܘܼܠܸܥ ܠܹܗ ܐܸܠܲܢ ܐܲܠܵܗܵܐ، ܕܒܸܡܛܵܝܵܐ ܝܠܹܗ ܐܘܼܦ ܗܲܠܔ ܟܸܣܠܵܘܟ݂ܘܿܢ.
14 ܠܹܐ ܥܵܒ݂ܕܲܚ ܗܘܵܐ ܫܘܼܒ݂ܗܵܪܵܐ ܐܸܢ ܠܵܐ ܗܵܘܲܚ ܗܘܵܘ ܡܸܛܝܹܐ ܐܸܠܵܘܟ݂ܘܿܢ، ܐܝܼܢܵܐ ܡܛܹܐ ܠܲܢ ܐܸܠܵܘܟ݂ܘܿܢ ܒܐܹܘܲܢܓܲܠܝܼܘܿܢ ܕܡܫܝܼܚܵܐ.
15 ܘܠܹܐ ܥܵܒ݂ܕܲܚ ܫܘܼܒ݂ܗܵܪܵܐ ܙܵܘܕܵܐ ܡ̣ܢ ܟܝܘܼܠܲܢ ܒܦܘܼܠܚܵܢܵܐ ܕܐܚܹܪ̈ܢܹܐ. ܗܹܒ݂ܝܼܲܢ ܝܼܠܵܗ̇ ܟܡܵܐ ܕܙܵܝܕܵܐ ܗܲܝܡܵܢܘܼܬܵܘܟ݂ܘܿܢ، ܦܘܼܠܚܵܢܲܢ ܓܵܘܵܘܟ݂ܘܿܢ ܒܸܬ ܙܵܐܹܕ،
16 ܕܡܲܟܪܸܙܲܚ ܐܹܘܲܢܓܲܠܝܼܘܿܢ ܠܒܲܕܲܪ ܡ̣ܢ ܬܚܘܼܡܹ̈ܐ ܕܕܝܼܵܘܟ݂ܘܿܢ. ܣܵܒܵܒ ܠܹܐ ܒܵܥܲܚ ܕܥܵܒ݂ܕܲܚ ܫܘܼܒ݂ܗܵܪܵܐ ܒܦܘܼܠܚܵܢܵܐ ܕܦܝܼܫܵܐ ܝܠܹܗ ܥܒ݂ܝܼܕܵܐ ܓܵܘ ܚܲܩܠܵܐ ܕܚܲܕ ܐܚܹܪܢܵܐ.
17 ܗ̇ܘ ܕܥܵܒܹܕ ܫܘܼܒ݂ܗܵܪܵܐ، ܫܒ݂ܘܿܩ ܥܵܒܹܕ ܫܘܼܒ݂ܗܵܪܵܐ ܒܡܵܪܝܵܐ.
18 ܣܵܒܵܒ ܠܹܐ ܝܠܵܗ̇ ܗ̇ܘ ܕܚܵܩܹܪ ܓܵܢܹܗ ܚܫܝܼܚܵܐ ܝܠܹܗ، ܐܸܠܵܐ ܗ̇ܘ ܕܡܵܪܝܵܐ ܚܵܩܹܪܹܗ ܚܫܝܼܚܵܐ ܝܠܹܗ.