100
Eremiatoh sero eahmatohme
Eremiatopo.
1 Ritonõpo eahmaryme oeremiatoko,
emero sero nono põkomo!
2 Atãkyemarykõme Ritonõpo eahmatoko,
osehtoko oeremiarykõme Kuesẽkõ ẽpataka.
3 Wenikehpyra ehtoko Kuesẽkõ Ritonõpo mana.
Inyrihpyryme sytatose, ipoenõme roropa;
ipoetoryme sytatose, ekyme roropa.
4 Omõtoko omõtoh ae Itapyĩ taka, “Kure mase,” kahtoko eya, eahmaryme omõtoko tyarakẽ taka.
Ritonõpo eahmatoko. “Kure mase,” kahtoko eya.
5 Kure Ritonõpo exiryke,
kypyno xine aexiry jũme mana,
kypyno xine aehtoh amonohkara,
zae rokẽ exikehpyra roropa mana.