120
Takorehmatoh ekaropory Ritonõpo a
Ytoytoketõ eremiatoh sero.
1 Popyra ehtoh toehse ahtao ya,
Ritonõpo Kuesẽkõ tykohmase ya, jomiry totase eya.
2 Ritonõpo, ajohpe exiketõ wino kypynanohko,
onekunohtõkõ winoino.
3 Ajohpãkomo, oty rĩko Ritonõpo oya xine nae?
Oty ke awãnohtorỹko nae?
4 Awãnohtorỹko mana pyrou pohsuimã ke
soutatu poe te, ikarany zemimã ke roropa!
5 Taro jehtoh amaro xine popyra nase;
Meseke nonory po jehtoh samo,
Ketaa põkõ maro jehtoh sã roropa.
6 Moino okynahxo ywy ase taro
osepeme se pyra exiketõ maro.
7 Osepeme ehtoh poko jotururuhtao,
oturũko mã toto etonary se toehtohkõ poko.