126
Kure yna tyriko tãkye yna ehtohme
Ytoytoketõ eremiatoh sero.
1 Kuenepyrykõ ropa ahtao Kuesẽkomo a
Jerusarẽ pona osenehketõ sã sexiatose.
2 Exianãko sexiatose, eremiãko roropa
tãkye kuexirykõke.
Mame ynara tykase imehnõ nonory põkõ kypoko xine:
“Kure rokẽ mokaro tyrise Ritonõpo a.”
3 Ajohpe pyra, kure rokẽ kymarokõ tyrise eya;
tãkye kuhse sytatose.
4 Ritonõpo, kure yna tyriko ropa, yna narykatyã ahtanohpoko, yna eky tõ emãkapoko ropa, konopo oepyry samo iporiry tõ pehkase ropa, tonore aexityamo.
5 Ah mokaro ixitatyã tutupikõ arykaryhtao
tãkye nexĩ toto tykyrysã apoiryhtao ropa tyya xine!
6 Mokaro ixitatyã toytorykohtao,
ipuhturu puimãko arykatohme,
oehnõko ropa mã toto toremiarykõme,
tãkye rahkene, tykyrysã enepyryhtao.