20
Oturutopõpyry orẽpyra toehtohme
Sero saumu tymerose Tawi a.
1 Tuisa, oxitaryhtao Ritonõpo netaryme,
õmiry etary se ynanase eya,
oezukuru se ynanase eya!
Oewomary se ynanase Ritonõpo a, Jako Esemy!
2 Opynanohtoh enehpory se ynanase Ritonõpo a,
Tytapyĩ tae, ãkorehmary se ynanase eya,
ypy Xião poe!
3 Onekarotyã eya emero apoiry se ynanase eya,
onyahkatyã apoto apõ po emero
Ritonõpo zamaro se ynanase!
4 Ise oehtoh, tuisa, ekaropory se ynanase Ritonõpo a,
tyriry se oehtoh tyripory se ynanase eya.
5 Mame kohtãko ynanase atãkyemaryme,
oepetõkara typoremãkase oya exiryke,
Ritonõpo eahmaryme atãkyemãko ynanase
orẽpyra toehse oexiryke.
Tuisa, onekaropory tõ Ritonõpo a,
ekaropory se ynanase eya emero porehme!
6 Tuisa: Seromaroro zuaro ase:
tuisame tynymenekahpyry rĩko
orẽpyra Ritonõpo mana.
Tosary poe kapu kurã poe ezuhnõko mana,
tyjamitunuru ke orẽpyra mokyro rĩko mana.
7 Toitoine ahno ynara ãko: “Orẽpyra ase
tykahuke jexiryke etonatohme,” ãko.
Imehnõ ynara ãko: “Tykawaruke jexiryke
orẽpyra ase,” ãko roropa.
Yrome kymarokõ Ritonõpo Kuesẽkõ
jamitunuru enetupuhnõko sytatose.
8 Mokaro osetapãko mã toto,
epukãko roropa mã toto,
yrome kymarokõ owõnõko sytatose xikihme,
orẽpyra exĩko sytatose.
9 Ritonõpo, yna Esemy, orẽpyra tuisa tyriko!
Yna ezuhko yna akorehmatoh ekaroporyhtao oya.