3
Atakorehmapotoh Ritonõpo a
Tawi nymerohpyry sero toepase ynororo ahtao tumũkuru Apisarão kurũke.
1 Ritonõpo, jepetõkara tuhke mã toto!
Tuhkãkõ yzehno toehse mã toto!
2 Oturũko mã toto ypoko, ynara ãko mã toto:
“Mokyro anakorehmara Ritonõpo exĩko mana!”
3 Yrome omoro, Ritonõpo,
jewomãko mase osewomatoh samo.
Orẽpyra jyrĩko mase,
imehnõ zuno pyra jyrĩko ropa mase.
4 Ritonõpo kohmãko ase jakorehmaneme,
tosary ypy kurã poe jezuhnõko mana.
5 Ataxikãko ase, torẽtyke pyra nyhnõko ase,
imeĩpo pakãko ropa ase Kuesẽkõ jewomaryke.
6 Enaromyra ase, jepetõkara miu motye toto ahtao,
jomye toehse toto ahtao, toto zuno pyra ase.
7 Osehko, Ritonõpo! Kypynanohko Jesemy!
Etonãko mase jepetõkara maro;
mokaro popyra exiketõ poremãkãko mase,
toto jamitunuru enahkapõko mase.
8 Orẽpyra kyritorỹko Ritonõpo Kuesẽkõ mana.
Kure rokẽ opoetory tõ tyriko, Ritonõpo.