84
Omuhpe Ritonõpo Tapyĩ poko
Kora tõ nymerohpyry, tokarose eremiaketõ tuisary a.
1 Kure potu Atapyiny, Ritonõpo Jamihmehxo Exikety,
yzamaro mana!
2 Moroto amaro jexiry se ase!
Omuhpe ase, Ritonõpo,
amaro Atapyĩ tao jexiry se jexiryke.
Upũ ke porehme oeahmãko ase, eremiãko ase opoko,
Ritonõpo isene Exikety.
3 Ritonõpo, Jamihmehxo Exikety, Utuisary, Jesemy,
okyryry apoto apõ pũto tymỹ rĩko torõ tõ mana,
moroto tosarykõ rĩko parapi tõ roropa mã toto,
typoenõ pyno toehtohkõme.
4 Tãkye mã mokaro atapyĩ taõkomo,
eremiakehpyra mã toto oeahmaryme.
5 Tãkye mã mokaro onyjamihtanohtyamo,
osema ae toytorykõ se exiketomo ypy Xião pona.
6 Aytorykohtao Jakanahmã Xity tõ rãnakuroko,
tuna enatyryke pehme exĩko mana,
konopo oehpitoryke pẽkamã pehme exĩko roropa mana.
7 Aytorykohtao jamihmehxo exĩko mã toto;
Ritonõpo Imehxo Exikety imehnõ ritõ tõ Esẽ
enẽko mã toto, Xião po.
8 Ritonõpo, Jamihmehxo Exikety,
etako ke jotururu oya!
Otato exiko, Ritonõpo, Jako Esemy!
9 Ritonõpo, kure rokẽ yna ewomane tyriko,
yna tuisary, onymenekahpyry!
10 Kurehxo ya toiro ẽmepyry aroporyhtao
Atapyĩ Kurã tao,
miume ẽmepyry motye taropose ahtao imepỹ po.
Kurehxo ya Ritonõpo Jesẽ tapyĩ omõtoh tao
eraseme jahtao, popyrahxo ya tyyrypyry poko
exiketõ tapyĩ tao ehse.
11 Ritonõpo Kuesẽkõ kuezurukõme mana,
kuewomanekõme roropa.
Zae ehtoh poko exiketõ pyno mana.
Imehxo toto rĩko mana.
Kurãkõ ekarõko roropa eya xine mana.
12 Ritonõpo Jamihmehxo Exikety, tãkye mã mokaro
tosẽkõme oenetupuhnanomo.