42
Yawe God yana wiivinevinegha tamariyina
1 Yawe God iwona bo, “Kokita, yagu tamariyana, iiyabo akabiwiimaragasina,
Tagu avineyi bi iinuwamiise touna biidi.
Bi kanumigu touna debane atore,
na keda rotomanine initupawamiwamira wiimasi,
wawaya tupadi kiiravidiye kubura debane,
da inapiikedi God yana wiibadana rogune.
2 Touna geinarukwatu bo gamona inarukabepina,
gegha kedae inisisiya gwaruna.
3 Sawasawa reina kiina tuwayowanina gerubana inaturagiinina,
bo rampa vikina pepana nuwatepane karakarasina gerubana inuvenawiipekina.
Touna keda rotomanine initupawamiwamira wiimasi
bi nuwayuyune kayowiiyayeyana inapiikeni wawaya tupadi biidi kubura debane.
4 Touna geinakabibeku bo inanagharana,
patana da kayowiiyayeyana kubura debane
inatoura wiikayokayowana inakovi.
Wawaya kubura rabarabae
patana yana wiiyeveveyana sinakoyayi.
6 Tagu, Yawe God, yagu miisenama na akwatuvem,
imam anakabitawani
da anitara babaranem.
Anaberam da ware wiiwaghasina maragasina naboni wawaya biiyadi
bi kate yeghana kubuna damdi kiiravidiye.
7 Tam wawaya mata potapotadi matadi
kuna kimotaatara,
bi biwakabikabi damdi biwa gawarinama
kunikanibuvedi,
bi iiyawogha biwa gawaridi wiididibaridiye makamakedi,
na tam kuniyawiidi.”