70
(I mɑɑ mɛɛrio 40:14-18)
1 Dɑfidin womu ɡe u kuɑ u kɑ Gusunɔ yɑɑyɑ. Ge wee.
2 Yinni Gusunɔ, ɑ nɑ fuuku ɑ mɑn wɔrɑ.
A ku tɛ ɑ kɑ mɑn fɑɑbɑ ko.
3 A de be bɑ kɑsu bu mɑn ɡo bu burisinɑ kpɑ bu sekuru wɑ.
A de be bɑ kɑsu n kɑm ko bu sekuru wɑ kpɑ bu biruku yirɑ wurɑ.
4 A de be bɑ mɑn yɛ̃ɛmɔ mi, bu biru wurɑ seku ten sɔ̃.
5 A de be bɑ nun kɑsu bɑ n wɑ̃ɑ nuku dobu sɔɔ.
Kpɑ bɑ n yɛ̃ɛrimɔ wunɛ sɔɔ.
A de be bɑ mɑɑ wunɛn fɑɑbɑ kĩ bɑ n kpɑrɑmɔ sɑɑ kpuro mɑ ɑ kpɑ̃.
6 Gusunɔ, nɑ sɑ̃ɑwɑ sɑ̃ɑro kɑ wɔnwɔndo.
Yen sɔ̃, ɑ nɑ nɛn bɔkuɔ fuuku.
Domi wunɑ ɑ rɑ mɑn somi kpɑ ɑ mɑn wɔrɑ.
Yinni Gusunɔ, ɑ ku tɛ.