11
Hodáwand wati Pákén parasteshgáhá ent
Pa sázger o washáwázáni sálárá. Dáuday Zabur.
1 Man Hodáwanday mayár o báhóth án,
gorhá shomá maná che paymá gwashét:
“Morgé bebay o wati kóhá bál kan.
2 Chiá ke haw, badkár kamáná kasshant o
tiresh zehá dátag,
ke mán tahárókiá nékdelán bejanant.
3 Agan bonred tabáh kanag bebant,
gorhá pahrézkár ché korta kant?”
4 Hodáwand wati pákén parasteshgáhá ent,
Hodáwanday taht ásmáná ent.
Chammi gendagá ant,
didagi ensánay chokkána ázmáit.
5 Hodáwand pahrézkár o badkárána chakkásit,
áiay ruh cha hamáyán naprata kant ke sherr o sheddatesh dósta bit.
6 Badkáráni sará angar o gókorta gwárénit,
áyáni jám o pyálahay bahr, sóchák o lewárén gwát ent.
7 Hodáwand ádel ent,
áiá adl o ensáp dósta bit,
nékdel áiay démá gendant.