14
Nádána gwashit: “Hodáé nést”
Pa sázger o washáwázáni sálárá. Dáuday Zabur.
1 Nádán wati delá gwashit:
“Hodáé nést.”
É palit ant o káresh sell o gandah,
nékkáré nést.
2 Hodáwand cha ásmáná bani ádamá chárit
tán begendit bárén dánáé hast
ke Hodáay shóházá ent.
3 Sajjahénán wati ráh gár dátag,
hórigá palit butagant,
nékkáré nést,
yakké ham nést.
4 Badkár hechbar sarpada nabant?
É mani kawmá anchosha warant ke mardom nagana warant o
Hodáwandá hech tawára nakanant.
5 Bale ódá wati torsay tahá boddhant,
chiá ke Hodá gón pahrézkáráni nasl o padréchá ent.
6 Shomá setam distagénáni shawrbandián rishkanda kanét,
bale Hodá esháni panáhgáh ent.
7 Kasé cha Sahyuná byáyát o Esráilá berakkénát.
Wahdé Hodáwand washbahtiá pa wati kawmá pera tarrénit,
Ákub gal o bála bit o Esráil shádehia kant.