122
Yeerusaree maqusa amooqia.
1 Yaaweena amaana maaqai firaree qimasee qimaqimiafaqa qinee asasiqa.
2 Maqee maasa maaqoo Yeerusaree faandaamura kooqiki keeqafi afuqaki maridaqa.
3 Yeerusaree maqusa usakasoofanoo kaaqa amiqirafa atiuqa amana amana kai inoo maridanoo.
4 Isaraeena akeeku akaaku miqimmasee aniree Yaaweena naamuaqira ufa amana kai dufi dufi qirana amidaqa.
5 Maaqoo Yeerusaree maqannaa karaambaiqauqa nariqa faiqí anaasee ufa andeeqa nimaqararee qimasee ooqu mariqau.
6 Yeerusaree maqusa asooaranaki marianifeera innaaruqiaqa.
Yeerusaree maqusara rimariasa aiqama ainaina rairaa iani
7 Oo Yeerusaree maqusa ani faandaamura afuqaki asooarafa kai mariani.
Ani karaambaiqauqa nári maaqaki amiqimmasee mariaqa.
8 Qeeqa ainainara faqa qeeqa qiqoondiuqara faqa irisee Yeerusaree maqusara maaqi qidaqa.
Asooarafa aniki mariani.
9 Yaaweena maasa Anutuna amaana maaqara irisee inni Yeerusaree maqannaasee irairaamma nimaqaranara innaaru qidaqa.
Anutufa qimudaoo qirana amiani fee innaaru.