Tai Dam Nả ꞌviạk ꞌpứng ꞌlam ꞌchạư 20

ꞌTan Pôn pản ꞌpúa chaư ꞌpi ꞌnọng lom ꞌmướng

1 ꞌMưa ꞌviạk ꞌnắn ꞌnướng ꞌnặn cuốm ꞌlống#ꞌlẹo, ꞌtan Pôn chắng khék au ꞌpứng ꞌcốn ꞌtoi ꞌtáng Chảu ꞌGiê‑ꞌsu ꞌmá, ꞌvạu pản ꞌpúa chaư#sau, ꞌlẹo ꞌcọ páy ꞌlá ꞌtiếu ꞌtáng ók pay cá tỉnh ꞌMa‑kê‑đô‑ꞌnia. 2 ꞌChớ pay lom bón lom#ꞌti, ꞌtan ꞌcọ ꞌmí lai ꞌquám ꞌvạu pản ꞌpúa chaư ꞌpi#ꞌnọng, ꞌlẹo chắng pay ꞌhọt tỉnh Ca‑ꞌlịch. 3 ꞌTan ꞌdặng dú hẳn sam#bươn. Cuông ꞌchớ khỏn ꞌchí khảu ꞌhứa pay ha ꞌmướng ꞌSi‑ꞌlia, ꞌtan đảy ꞌhụ#ꞌva ꞌpứng ꞌcốn ꞌDiu tỏn ꞌtáng thả ꞌchí ꞌdệt ꞌhại#hảư, ꞌsướng ꞌnặn ꞌtan chắng piến chaư ꞌcứn ꞌmứa ꞌtáng tỉnh ꞌMa‑kê‑đô‑ꞌnia ꞌvện ók#pay. 4 ꞌPứng phủ pay ꞌtoi ꞌtan Pôn#ꞌmí:

ꞌTan ꞌSô‑pa‑ꞌthô ꞌlụk ꞌchái Pi‑ꞌlô ꞌcốn ꞌmướng Bê‑ꞌloi‑a

ꞌTan ꞌA‑ꞌlịt‑ta‑ꞌkhô cắp ꞌtan ꞌSa‑cun‑đô ꞌcốn ꞌmướng ꞌThê‑ꞌsa‑ꞌlôn

ꞌTan ꞌKha‑dô ꞌcốn ꞌmướng Đê‑ꞌla‑bê

ꞌTan Ti‑ꞌkhi‑cô cắp ꞌtan ꞌThô‑ꞌphi‑ꞌmô ꞌcốn tỉnh ꞌA‑ꞌsia

ꞌTan Ti‑ꞌmô‑ꞌthiêu

5 Mốt sau au căn ók pay#cón, pay thả ꞌsúm khỏi dú nẳng ꞌmướng ꞌThô‑át. 6 ꞌSúm khỏi lỏ#ꞌnhắng dú thả ꞌnhám ꞌtoi ꞌhịt kin khảu báu#sáư ꞌchựa pẻng ꞌlẹo#cón, chắng khảu ꞌhứa nẳng ꞌmướng ꞌPhi‑ꞌlịp‑poi pay, pay đảy hả ꞌmự ꞌlẹo chắng ꞌpọ căn nẳng ꞌmướng ꞌThô‑át, ꞌlẹo dú nẳng hẳn ꞌtoi căn đảy chết#ꞌmự.

ꞌChái nóm tốc ꞌhướn tai ꞌlẹo ꞌcứn ꞌhéng ꞌmá

7 ꞌMự chủ#ꞌnhợt, ꞌsúm khỏi [cắp ꞌpứng ꞌpi ꞌnọng dú bón ꞌnặn] đảy ꞌsúm căn ꞌdệt ꞌhịt bít khảu păn căn ꞌpưa chứ Chảu ꞌGiê‑ꞌsu. ꞌTan Pôn dú ổ ꞌtố bók son ꞌpi ꞌnọng ꞌtạu ꞌhọt cang#ꞌcứn, ꞌpưa#ꞌva ꞌmự lăng ꞌtan ꞌchí đảy ók ꞌtáng pay#ꞌlẹo. 8 Hỏng#ꞌtếng, bón ꞌsúm khỏi ꞌsúm căn ꞌnặn ꞌcọ ꞌmí lai khảng ꞌlén tảy ꞌhung#dú. 9 ꞌChớ ꞌnặn ꞌmí phủ ꞌchái nóm#ꞌnưng ꞌchư Du‑ti‑ꞌkhô ꞌnăng dú nẳng khóp#táng. ꞌTan Pôn ổ ꞌtố bók son sau hơng#lai, ꞌchái nóm ꞌnặn ꞌsuối ꞌnón ꞌdiến lắp#pay, tốc táng té ꞌchặn thứ sam#ꞌlống, sau ủm ꞌpúa ꞌmắn khửn bớng ꞌcọ hên ꞌmắn tai#ꞌlẹo. 10 ꞌTan Pôn chắng ꞌlống#pay, múp tô cót au ꞌmắn ꞌlẹo ꞌvạu#ꞌva, “ꞌPi ꞌnọng ꞌnhá tốc chaư săng#ꞌnớ, ꞌmắn ꞌcứn ꞌhéng ꞌmá#ꞌlẹo.”

11 ꞌLẹo ꞌtan ꞌcọ ꞌnhang ꞌcứn khửn ꞌmứa cá hỏng#ꞌtếng, [ꞌpá ꞌpứng ꞌpi ꞌnọng] bít khảu păn căn ꞌpưa chứ Chảu ꞌGiê‑ꞌsu, ổ ꞌtố căn chao ꞌhặn#ꞌhung, ꞌlẹo ꞌtan ꞌcọ chắng ók ꞌtáng pay sia#sau. 12 Sau au ꞌchái nóm ꞌnặn ꞌmứa ꞌhướn hên pên ꞌcốn hảo ꞌhéng#dú, sau ꞌcọ ún mốc ún chaư lai nẳng ꞌviạk#ꞌnặn.

13 ꞌSúm khỏi [sính ꞌcu ꞌtan Pôn] đảy ꞌlong ꞌhứa pay ha ꞌmướng ꞌA‑ꞌsô cón. ꞌTan Pôn lỏ#hảng téng pay ꞌtáng#bốc, ꞌsúm khỏi đảy ꞌhẹn căn ꞌchí pay tỏn au ꞌtan nẳng ꞌmướng#ꞌnặn. 14 ꞌPọ căn nẳng ꞌmướng ꞌA‑ꞌsô ꞌlẹo, ꞌsúm khỏi chắng au ꞌtan khảu ꞌhứa ꞌlong pay cá ꞌmướng ꞌMi‑tê‑ꞌlê‑ꞌnê ꞌtoi. 15 ꞌMự lăng ꞌmá chắng ꞌlong ꞌhứa pay ꞌhọt ꞌkém đon ꞌKhi‑ô. ꞌMự thứ sam ꞌcọ khảm pay ha đon ꞌSa‑ꞌmô, ꞌlẹo ꞌmự thứ sí chắng pay ꞌhọt ꞌmướng ꞌMi‑ꞌlê‑tô. 16 ꞌTan Pôn ngắm ꞌchí ꞌlong ꞌhứa cai ꞌmướng Ê‑ꞌphê‑ꞌsô, ꞌcọ ꞌpưa báu#é dú nẳng tỉnh ꞌA‑ꞌsia hơng, ꞌphạo ꞌchí pay cá ꞌmướng ꞌGiê‑ꞌlu‑ꞌsa‑ꞌlêm, ꞌva pay#đảy, ꞌtan ꞌcọ é pay hảư ꞌmắn ꞌlợp ꞌmự kin ꞌtiệc khảu#máư.

ꞌTan Pôn sắng ꞌlá thảu ké bớng đu ꞌsúm ꞌhốm

17 ꞌChớ ꞌnhắng dú nẳng ꞌmướng ꞌMi‑ꞌlê‑tô, ꞌtan Pôn ꞌcọ đảy ꞌchạư ꞌcốn pay ꞌmới mốt thảu ké téng bớng đu ꞌsúm ꞌhốm Chảu ꞌGiê‑ꞌsu nẳng ꞌmướng Ê‑ꞌphê‑ꞌsô ꞌmá. 18 ꞌMưa sau ꞌmá ꞌhọt#ꞌlẹo, ꞌtan ꞌcọ bók sau#ꞌva, “ꞌChu ꞌchớ khỏi đảy kin dú ꞌtoi ꞌpi ꞌnọng ꞌnặp té ꞌmự té ꞌkhoẹk khỏi ꞌmá ꞌhọt tỉnh ꞌA‑ꞌsia ꞌnị, khỏi kin dú ꞌsướng đaư ꞌpi ꞌnọng ꞌcọ ꞌhụ#ꞌlẹo. 19 Khỏi ꞌchịu huốn chaư ꞌlống ꞌchu ꞌnéo ꞌtếng ꞌnặm ta lay ꞌpưa ꞌkhớng nả ꞌviạk ꞌGiê‑ꞌsu phủ pên Chảu#Chom, khỏi chuốp báp ꞌmo khó chaư nẳng ꞌcốn ꞌDiu ngắm ꞌdệt ꞌhại#hảư. 20 ꞌNéo đaư ꞌchí đi hảư ꞌpi#ꞌnọng, khỏi ꞌcọ páo hảư ꞌhụ chẻng mết báu#dăm#săng, bók son ꞌpi ꞌnọng nẳng ꞌhướn ꞌsúm ꞌhứ#ꞌva lom#ꞌhướn. 21 Khỏi cáo ꞌquám nẻn chôm hảư ꞌcốn ꞌDiu ꞌtếng#cá ꞌcốn Ca‑ꞌlịch, hảư piến chaư ꞌváng sia ꞌluống ꞌtáng báp#ꞌsội, táo ꞌmá ha Chảu Pua#ꞌPhạ, pông chaư ꞌchưa ꞌGiê‑ꞌsu phủ pên Chảu Chom ꞌsúm#ꞌháu.

22 ꞌKhạy ꞌnị Chảu Khuôn Saư ꞌchuốn chaư khỏi ꞌchọ ꞌmứa cá ꞌmướng ꞌGiê‑ꞌlu‑ꞌsa‑ꞌlêm, ꞌchí chuốp ꞌpọ ꞌnéo đaư nẳng hẳn ꞌcọ ꞌnhắng báu#ꞌhụ. 23 ꞌHụ ꞌto#ꞌva, pay ꞌchu bản ꞌchu ꞌmướng bón#đaư, Chảu Khuôn Saư ꞌcọ tơn chaư khỏi dú#ꞌva ꞌchí chuốp pắt khảu#ꞌtú, ꞌchí ꞌpọ ꞌviạk báp ꞌmo khó#chaư. 24 Pên ꞌsướng đaư ꞌcọ#đi, khỏi báu sia đai săng nẳng ꞌlắm#ꞌmo. So ꞌto hảư khỏi đảy ꞌdệt nả ꞌviạk ꞌGiê‑ꞌsu phủ pên Chảu Chom ꞌmọp dao hảư ꞌnặn ꞌtạu#ꞌlẹo, ꞌcọ ꞌmen nả ꞌviạk pên chứng hảư ꞌchu ꞌcốn đảy ꞌhụ kháo ꞌhung saư công ꞌphún Chảu Pua#ꞌPhạ. 25 ꞌKhạy khỏi ꞌcọ ꞌhụ ꞌlẹo#ꞌva, ꞌpi ꞌnọng ꞌpứng phủ khỏi ꞌkhới đảy pay ꞌmá ha#sú, ꞌkhới đảy páo ꞌviạk phén ꞌhôm ꞌngáu Chảu Pua ꞌPhạ hảư#ꞌnặn, ꞌpi ꞌnọng ꞌchu ꞌcốn ꞌcọ ꞌchí báu#đảy hên nả khỏi#ꞌlẹo. 26 ꞌPưa ꞌsướng#ꞌnặn, ꞌmự ꞌnị khỏi so cáo hảư ꞌpi ꞌnọng#ꞌhụ, ꞌva phủ đaư tốc ꞌláng#ꞌhại, báp ꞌsội ꞌnặn ꞌnhá hảư tốc sáư#khỏi, 27 ꞌpưa#ꞌva Chảu Pua ꞌPhạ sắng ꞌmá ꞌnéo đaư khỏi ꞌcọ đảy páo hảư ꞌpi ꞌnọng ꞌhụ mết#ꞌlẹo, báu#đảy dăm săng sắc#khót. 28 ꞌPi ꞌnọng hảư ꞌchự hiêm chảu ꞌpọm ꞌtếng#cá phen ꞌcốn phủ Chảu Khuôn Saư đảy ꞌmọp dao hảư ꞌpi ꞌnọng bớng đu#ꞌnặn, ꞌcoi ꞌlăm đu bớng ꞌdéng au ꞌsúm ꞌhốm Chảu Pua ꞌPhạ ꞌpứng phủ ꞌlượt ꞌTan chảu đảy tháy ꞌmá#ꞌnặn. 29 Khỏi ꞌcọ ꞌhụ ꞌlẹo#ꞌva, ꞌmưa khỏi páy ꞌlá pay#ꞌlẹo, ꞌchí ꞌmí ꞌcốn khảu ꞌmá bók son ꞌnéo ꞌtáng#phít, ꞌsướng ma ꞌnáy đủm ꞌmá ꞌdệt ꞌhại hảư phen#ꞌdo, sau ꞌchí báu sia#đai#săng. 30 ꞌLẹo ꞌchí ꞌmí ꞌcốn nẳng cuông ꞌsúm ꞌhốm ꞌpứng chảu bók son pỉn sia ꞌquám ꞌmen#ꞌtẹ, ꞌpưa ꞌchuốn chaư ꞌpứng ꞌcốn ꞌtoi ꞌtáng Chảu ꞌGiê‑ꞌsu hảư lông pay ꞌtoi ꞌtáng#sau. 31 ꞌSướng ꞌnặn hảư ꞌpi ꞌnọng bớng ꞌchự hiêm ꞌpứng ꞌviạk ꞌvạu ꞌmá ꞌnặn hảư#đi. ꞌLẹo ꞌnhá ꞌlứm cuông sam pi#ꞌnặn, khỏi đảy bók son chao ꞌnặm ta lay báu#đảy#ꞌdặng, tít tơn ꞌpi ꞌnọng ꞌchu#ꞌcốn báu#ꞌva ꞌvến#ꞌcứn.

32 ꞌKhạy ꞌnị khỏi so phák ꞌpi ꞌnọng ꞌvạy cắp Chảu Pua#ꞌPhạ, phák ꞌvạy nẳng ꞌquám công ꞌphún ꞌTan#chảu, ꞌTan chảu ꞌmí phép au ꞌquám ꞌnặn ꞌmá tủm ꞌpúa ꞌpi ꞌnọng#khửn, ꞌchí đảy ꞌnéo đi quí ꞌpéng Chảu Pua ꞌPhạ păn ꞌvạy hảư ꞌhuôm cắp ꞌpứng phủ#ứn, phủ đảy pên dên ꞌpay ꞌTan#chảu.

33 Khỏi báu#é đảy ꞌngớn ꞌcắm ꞌhứ#ꞌva sửa phả khong phủ#đaư. 34 ꞌPi ꞌnọng ꞌcọ ꞌhụ#ꞌlẹo, khỏi sủ song ꞌmứ ꞌdệt ꞌviạk ꞌpưa ꞌkhớng ha ꞌnéo ꞌchọ ꞌcợn hảư cổm ꞌmo ꞌtếng#cá sính ꞌcu ꞌmá#ꞌtoi. 35 Khỏi đảy ꞌdệt đi ꞌchu ꞌnéo hảư ꞌpi ꞌnọng ꞌhụ hên#ꞌlẹo, ꞌsướng ꞌnặn ꞌháu ꞌchọ chóng ꞌdệt ꞌdượn chắng ꞌchí ꞌmí ꞌchoi ꞌpứng phủ ꞌcặt#khó, hảư chứ au ꞌquám ꞌGiê‑ꞌsu phủ pên Chảu Chom bók son#ꞌva, béng păn hảư sáu đảy kin nẳng chảu ꞌcọ ꞌvén sáng bang đi ꞌsứa chảu đảy kin nẳng#sáu.”

36 ꞌTan Pôn ꞌvạu tó thảu ké ꞌsúm ꞌhốm ꞌsướng ꞌnặn#ꞌlẹo, ꞌtan chắng ꞌtạu kháu ꞌlống ꞌtoi#sau, cáo ꞌquám đé so Chảu Pua#ꞌPhạ. 37 ꞌChu ꞌcốn phaư ꞌcọ hảy ꞌnặm ta lay ꞌtếng cót ꞌcó chúp ꞌchốm sắng ꞌlá ꞌtan#Pôn. 38 Nẳng khót ꞌtan sắng#ꞌva, ꞌchí báu#đảy hên nả ꞌtan#máư, ꞌdệt hảư sau khí ꞌvuốn#lai. ꞌLẹo sau chắng sống ꞌtan pay khảu#ꞌhứa.