Tai Dam Nả ꞌviạk ꞌpứng ꞌlam ꞌchạư 9

Chảu ꞌGiê‑ꞌsu ók hảư ꞌtan ꞌSôn hên

1 ꞌSôn ꞌnhắng chao ꞌva ꞌchí khả ꞌpứng ꞌcốn ꞌtoi ꞌtáng Chảu ꞌGiê‑ꞌsu, ꞌmắn chắng pay ꞌnhớ ꞌhọt mo#luông, 2 ꞌdệt sư hảư khắm pay ha ꞌpứng ꞌhướn ꞌsúm khong ꞌphắn ꞌcốn ꞌDiu cá ꞌmướng Đa‑ꞌma‑ꞌsê, ꞌva hák ꞌpọ phủ đaư ꞌtoi ꞌtáng ꞌGiê‑ꞌsu báu#ꞌva#ꞌnhính ꞌva#ꞌchái, ꞌmắn ꞌcọ ꞌchí pắt phúk au pay cá ꞌmướng ꞌGiê‑ꞌlu‑ꞌsa‑ꞌlêm.

3 Cuông ꞌchớ ꞌSôn ꞌtiếu ꞌtáng khỏn ꞌchí ꞌhọt ꞌmướng Đa‑ꞌma‑ꞌsê, ꞌlắm báu#ꞌlé săng ꞌdiến ꞌmí seng ꞌhung ꞌlống té ꞌphạ ꞌmá sóng ỏm ꞌmắn#dú. 4 ꞌMắn ꞌdiến ꞌlộm ꞌlống đin ꞌlẹo đảy ꞌnghín sương pák bók ꞌmá sáư chảu#ꞌva, “ꞌSôn, ꞌSôn#ꞌhới, pên săng ꞌmứng chắng ꞌnạp têng ꞌháu ꞌsịn#ꞌlế?”

5 ꞌSôn tham ꞌva, “ꞌChiếng#ꞌTan, ꞌTan ꞌmen phaư#ꞌlế?”

ꞌTan chảu tóp#ꞌva, “ꞌHáu ꞌnị ꞌmen ꞌGiê‑ꞌsu, phủ ꞌmứng đang ꞌnạp têng ꞌnặn#lo. 6 ꞌKhạy hảư ꞌmứng tứn khửn ꞌlẹo khảu pay cuông#ꞌmướng, hák ꞌchí ꞌmí phủ bók hảư ꞌhụ#ꞌva ꞌmứng ꞌchí ꞌchọ ꞌdệt ꞌnéo#đaư.”

7 ꞌPứng ꞌcốn ꞌtiếu ꞌtáng pay ꞌtoi ꞌSôn đảy ꞌnghín sương pák hák báu#hên#phaư, sau ꞌcọ ꞌsống lẳng dú báu#chắc ꞌchí ꞌva#ꞌsứ. 8 ꞌMưa ꞌSôn tứn#khửn, ꞌmứn ta ók hák hên báu#đảy. ꞌPứng ꞌcốn ꞌmá ꞌtoi chắng chung khen ꞌmắn khảu pay cuông ꞌmướng Đa‑ꞌma‑ꞌsê. 9 ꞌMắn báu#kin khảu kin ꞌnặm#săng, ta báu#hên ꞌhung cuông sam#ꞌmự.

10 ꞌLẹo ꞌmí phủ ꞌnưng ꞌchư ꞌA‑ꞌna‑ꞌnia dú nẳng ꞌmướng Đa‑ꞌma‑ꞌsê ꞌnặn, pên ꞌcốn ꞌtoi ꞌtáng Chảu ꞌGiê‑ꞌsu. ꞌTan chảu hảư ꞌmắn ta siểng#hên, pák sáư ꞌmắn#ꞌva, “ꞌA‑ꞌna‑ꞌnia ꞌhới.”

ꞌMắn tóp ꞌva, “ꞌChiếng ꞌTan chảu, khỏi dú#nỉ.”

11 ꞌTan phủ pên Chảu Chom bók ꞌmắn#ꞌva, “Hảư tứn ók pay ha ꞌhướn ꞌtan Du‑đa ꞌtoi ꞌtáng khék#ꞌva ꞌtáng#ꞌsư, ꞌlẹo hảư tham ha phủ#ꞌnưng ꞌchư ꞌSôn ꞌcốn ꞌmướng Ta‑ꞌsô, ꞌkhạy ꞌmắn đang đé so ꞌhọt Chảu Pua ꞌPhạ#dú. 12 ꞌSôn đảy ta siểng hên phủ#ꞌnưng ꞌchư ꞌA‑ꞌna‑ꞌnia khảu ꞌmứa pông ꞌmứ sáư ꞌmắn ꞌpưa hảư ta ꞌmắn ꞌcứn hên#ꞌhung.”

13-14 ꞌA‑ꞌna‑ꞌnia tóp#ꞌva, “ꞌChiếng ꞌTan#chảu, khỏi đảy ꞌnghín lai ꞌcốn ꞌtố ꞌhọt ꞌSôn phủ ꞌnị#ꞌva, ꞌmắn đảy ꞌdệt ꞌhại lai ꞌnéo hảư dên ꞌpay ꞌTan chảu nẳng ꞌmướng ꞌGiê‑ꞌlu‑ꞌsa‑ꞌlêm. ꞌKhạy ꞌnị ꞌmắn au phép ꞌpứng mo cốc ꞌmá pắt phúk au ꞌchu ꞌcốn phủ vảy so ꞌTan#chảu.”

15 Hák#ꞌva ꞌGiê‑ꞌsu phủ pên Chảu Chom bók ꞌA‑ꞌna‑ꞌnia ꞌva, “ꞌNọng ꞌcứ#pay, ꞌpưa#ꞌva ꞌháu đảy ꞌlưạk au ꞌSôn ꞌvạy pên phủ au ꞌchư siêng ꞌháu pay páo hảư ꞌcốn táng ꞌphắn, ꞌpứng pua#sau, cắp ꞌphắn ꞌcốn ꞌI‑ꞌsa‑ên. 16 ꞌHáu ꞌchí hảư ꞌSôn ꞌhụ#ꞌva, ꞌchí chuốp báp ꞌmo khó chaư lai ꞌpưa ꞌchư siêng#ꞌháu.”

17 ꞌLẹo ꞌA‑ꞌna‑ꞌnia chắng pay, khảu cuông ꞌhướn ꞌmứa pông ꞌmứ sáư ꞌSôn ꞌlẹo ꞌvạu#ꞌva, “Ao ꞌSôn#ꞌhới, ꞌGiê‑ꞌsu phủ pên Chảu Chom phủ ók ꞌmá hảư ao hên ꞌmưa đang ꞌtiếu ꞌtáng ꞌmá ꞌnặn đảy sống ꞌpi ꞌmá#ha, ꞌpưa ꞌchoi ao đảy hên ꞌhung ꞌsướng#cáu, cuông chaư hảư Chảu Khuôn Saư têm#ꞌlộn.”

18 ꞌChớ ꞌnặn pék ꞌsướng ꞌmí kết tốc ók sia nẳng ta ꞌSôn ꞌlẹo ꞌmắn ꞌcọ đảy hên ꞌhung ꞌsướng#cáu, ꞌSôn chắng tứn khửn đảy ꞌdệt ꞌhịt bắp‑ti‑sa‑ꞌma. 19 ꞌMưa kin khảu kin ꞌnặm ꞌlẹo ꞌSôn ꞌcọ ꞌmí ꞌhéng#khửn. ꞌMắn chắng ꞌdặng dú ꞌtoi mốt ꞌcốn ꞌtoi ꞌtáng Chảu ꞌGiê‑ꞌsu nẳng ꞌmướng Đa‑ꞌma‑ꞌsê ꞌnặn ꞌdan#ꞌnưng.

ꞌSôn tẳng cốc páo kháo Chảu ꞌGiê‑ꞌsu

20 Cuông ꞌchớ ꞌnặn ꞌSôn ꞌcọ tẳng cốc páo kháo Chảu ꞌGiê‑ꞌsu lom ꞌhướn ꞌsúm khong ꞌphắn ꞌcốn#ꞌDiu#ꞌva, ꞌGiê‑ꞌsu ꞌmen ꞌLụk ꞌchái Chảu Pua#ꞌPhạ.

21 ꞌChu ꞌcốn đảy ꞌnghín ꞌmắn ꞌvạu ꞌnéo ꞌnặn ꞌcọ hên lák lai chắng ổ căn#ꞌva, “Phủ ꞌnị lỏ#ꞌquá, ꞌkhới khả đắp ꞌtặp siêu mốt ꞌcốn ꞌmướng ꞌGiê‑ꞌlu‑ꞌsa‑ꞌlêm phủ đaư vảy so ꞌGiê‑ꞌsu. ꞌMắn ꞌmá nỉ ꞌchí ꞌmá pắt phúk au mốt ꞌnặn pay hảư ꞌpứng mo cốc máư ꞌsứ#ꞌlế.”

22 ꞌSướng đaư ꞌSôn ꞌcọ ꞌnhương ꞌmí phép ꞌhéng#khửn, ꞌvạu ꞌmí lắc bắc ꞌmí khéo hảư ꞌcốn ꞌDiu dú nẳng ꞌmướng Đa‑ꞌma‑ꞌsê ꞌnặn báu#ꞌmí ꞌquám#kẻ, ꞌva Chảu ꞌGiê‑ꞌsu ꞌmen Chảu ꞌKha‑ꞌlịt.

23 Tó ꞌmá đảy lai ꞌmự, ꞌpứng ꞌcốn ꞌDiu sô ꞌván căn ha ꞌtáng ꞌchí khả ꞌSôn#sia. 24 ꞌTếng ꞌvến ꞌtếng#ꞌcứn, sau ꞌcọ thả bớng dú nẳng pák tu ꞌmướng ꞌpưa ꞌchí khả#ꞌmắn. Hák#ꞌva ꞌmí ꞌcốn ꞌmá bók hảư ꞌmắn ꞌhụ sau ꞌtạk ꞌviạk ꞌhại#ꞌnặn. 25 ꞌTếng#ꞌcứn mốt ꞌtoi ꞌtáng ꞌmắn chắng au ꞌmắn sáư cuôi dón ꞌlống póng ꞌcắn ꞌthéng ꞌlọm ꞌmướng ók ꞌpai#sia.

26 ꞌMưa ꞌSôn ꞌmứa ꞌhọt ꞌmướng ꞌGiê‑ꞌlu‑ꞌsa‑ꞌlêm ꞌlẹo ꞌcọ ha ꞌtáng khảu ꞌhuôm cắp mốt ꞌcốn ꞌtoi ꞌtáng Chảu ꞌGiê‑ꞌsu. Hák#ꞌva phaư ꞌcọ ꞌnhắng dản ꞌmắn#dú, báu#ꞌhế ꞌchưa ꞌtẹ ꞌva ꞌmắn piến chaư ꞌmá pên ꞌcốn ꞌtoi ꞌtáng Chảu ꞌGiê‑ꞌsu. 27 ꞌTan Ba‑ꞌna‑bắt chắng đảy ꞌpá ꞌSôn pay ha mốt ꞌlam ꞌchạư páo kháo Chảu ꞌGiê‑ꞌsu, ꞌlẹo ꞌtố sú sau ꞌphắng nả ꞌviạk ꞌSôn ꞌtiếu ꞌtáng pay đảy hên ꞌGiê‑ꞌsu phủ pên Chảu Chom ꞌmá ꞌvạu sáư ꞌSôn ꞌnéo#đaư, ꞌlẹo ꞌSôn chắng ꞌmí chaư cả ꞌngán páo kháo Chảu ꞌGiê‑ꞌsu nẳng ꞌmướng Đa‑ꞌma‑ꞌsê ꞌnặn. 28 ꞌSướng ꞌnặn ꞌSôn chắng đảy khảu dú ꞌhuôm mốt ꞌcốn ꞌtoi ꞌtáng Chảu ꞌGiê‑ꞌsu, ꞌtứ ꞌtang pay ꞌmá nẳng ꞌmướng ꞌGiê‑ꞌlu‑ꞌsa‑ꞌlêm, ꞌmí chaư cả ꞌngán au ꞌchư siêng ꞌTan chảu ꞌmá páo#kháo. 29 ꞌMắn đảy ổ#ꞌtố, ꞌcại cắp phen ꞌcốn ꞌDiu phủ pák ꞌquám Ca‑ꞌlịch, sau chắng ha ꞌtáng ꞌchí khả#ꞌmắn. 30 ꞌMưa ꞌpi ꞌnọng ꞌchưa Chảu ꞌGiê‑ꞌsu đảy ꞌhụ ꞌsướng#ꞌnặn, chắng ꞌpá ꞌmắn pay [khảu ꞌhứa] cá ꞌmướng Cai‑ꞌsa‑ꞌlia, sống tó pay cá ꞌmướng Ta‑ꞌsô.

31 ꞌSướng ꞌnặn ꞌpứng mốt ꞌsúm ꞌhốm Chảu ꞌGiê‑ꞌsu ꞌtua phén đin Du‑đai, phén đin ꞌKha‑ꞌli‑ꞌlê kéng phén đin ꞌSa‑ꞌma‑ꞌlia ꞌcọ đảy dú#iên, ꞌsúm ꞌhốm đảy mẳn chaư ꞌchưa kéng ꞌmí lai ꞌcốn khảu ꞌmá ꞌchưa tứm#khửn ꞌdọn Chảu Khuôn Saư tủm ꞌpúa ꞌchoi#sau, chắng au căn kin dú ꞌhụ nể dăm Chảu Pua ꞌPhạ phủ pên Chảu#Chom.

ꞌCốn pên pỉa đảy hóm đi

32 ꞌTan Pê‑tô lỏ ꞌtiếu ꞌtáng pay lom bản lom#ꞌmướng, ꞌcọ đảy pay dam dên ꞌpay Chảu Pua ꞌPhạ dú nẳng ꞌmướng ꞌLịt‑đa. 33 Dú bón ꞌnặn ꞌtan đảy ꞌpọ phủ#ꞌnưng ꞌchư Ay‑ꞌnê, pên pỉa ꞌnón dú đảy pét pi#ꞌlẹo. 34 ꞌTan Pê‑tô chắng bók ꞌmắn#ꞌva, “Ay‑ꞌnê ꞌhới, Chảu ꞌGiê‑ꞌsu ꞌKha‑ꞌlịt ꞌchoi hảư chảu hóm đi ꞌlẹo#ꞌnớ. Tứn khửn ꞌtọn bón ꞌnón chảu sia#ꞌí.”

Cuông ꞌchớ ꞌnặn phủ pên pỉa ꞌdiến tứn khửn đảy#ngay. 35 ꞌChu ꞌcốn dú nẳng ꞌmướng ꞌLịt‑đa cắp phiêng ꞌSa‑ꞌlôn hên ꞌcốn pên pỉa hóm#đi, phaư ꞌcọ piến chaư ꞌmá ꞌchưa ꞌGiê‑ꞌsu phủ pên Chảu#Chom.

ꞌNáng Đô‑ꞌla‑ca tai ꞌlẹo đảy ꞌcứn ꞌhéng ꞌmá

36 ꞌMí phủ ꞌnhính ꞌnưng ꞌchư Ta‑bi‑ꞌtha dú nẳng ꞌmướng Dốp‑pê pên ꞌcốn ꞌtoi ꞌtáng Chảu ꞌGiê‑ꞌsu, ꞌchư ꞌnáng ꞌquám Ca‑ꞌlịch ꞌva Đô‑ꞌla‑ca [ꞌphán#ꞌme]. ꞌNáng ꞌlớng ꞌkhới ꞌdệt ꞌnéo#đi, ꞌmí chaư quảng phớng ꞌdứa ꞌchoi ꞌcốn ꞌcặt#khó. 37 ꞌChớ ꞌnặn ꞌnáng chếp ổm ꞌdiến#tai. ꞌPi ꞌnọng ꞌnáng suối si khon hảư#ꞌlẹo, chắng au khửn ꞌmứa đoi ꞌvạy cá hỏng ꞌchặn#ꞌtếng. 38 ꞌPứng ꞌcốn ꞌtoi ꞌtáng Chảu ꞌGiê‑ꞌsu dú nẳng ꞌmướng Dốp‑pê đảy ꞌnghín kháo#ꞌva ꞌtan Pê‑tô ꞌmá nẳng ꞌmướng ꞌLịt‑đa chăm ꞌmướng Dốp‑pê, sau ꞌdiến ꞌchạư song ꞌcốn pay so hảư ꞌtan ꞌmá ha sau#ꞌvắn. 39 ꞌTan ꞌdiến ꞌmứa ꞌtoi song ꞌcốn#ꞌnặn. ꞌMưa ꞌhọt#ꞌlẹo, sau ꞌcọ ꞌpá ꞌtan khửn ꞌmứa cá hỏng ꞌchặn#ꞌtếng. ꞌMí ꞌme mải lai ꞌcốn đảy dưn ỏm ꞌtan#dú, ꞌtếng ꞌvuốn hảy ꞌchị hảư ꞌtan bớng ꞌpứng sỉn sửa ꞌnáng Đô‑ꞌla‑ca đảy ꞌdệt hảư sau té ꞌmưa ꞌchớ ꞌnhắng#ꞌcốn. 40 ꞌTan Pê‑tô chắng bók hảư ꞌchu ꞌcốn dú nẳng hỏng ꞌnặn ók#pay. ꞌTan chắng ꞌtạu kháu ꞌlống đé so ꞌhọt Chảu Pua#ꞌPhạ, ꞌlẹo pín nả pay sú khon ꞌlẹo ꞌvạu#ꞌva, “ꞌNáng Ta‑bi‑ꞌtha ꞌhới, tứn khửn#ꞌí.”

ꞌNáng Ta‑bi‑ꞌtha ꞌdiến ꞌmứn ta khửn hên Pê‑tô, ꞌnáng chắng đảy tứn khửn#ꞌnăng. 41 ꞌTan Pê‑tô chắng au ꞌmứ ꞌpúa ꞌchoi ꞌnáng dưn#khửn, ꞌlẹo ꞌcọ đảy khék dên ꞌpay Chảu Pua ꞌPhạ ꞌtếng#cá ꞌpứng ꞌme mải khảu ꞌmá bớng ꞌlẹo dao ꞌnáng ꞌcứn ꞌhéng ꞌmá ꞌnặn hảư#sau. 42 Nả ꞌviạk ꞌnặn ꞌdiến kháo ók pay ꞌtua ꞌmướng Dốp‑pê, ꞌdệt hảư lai ꞌcốn pông chaư ꞌchưa ꞌGiê‑ꞌsu phủ pên Chảu#Chom. 43 ꞌTan Pê‑tô ꞌdặng dú nẳng ꞌmướng Dốp‑pê ꞌdan#ꞌnưng nẳng ꞌhướn phủ#ꞌnưng ꞌchư ꞌSi‑ꞌmôn pên ꞌchang ꞌphọk năng#sắt.