Tai Dam 1 Cô‑ꞌlin‑ꞌthô 14

ꞌNéo ꞌsúm ꞌhốm Chảu ꞌGiê‑ꞌsu tủm ꞌpúa chaư căn

1 ꞌSướng ꞌnặn hảư ꞌpi ꞌnọng sáư chaư ꞌtoi ꞌluống ꞌtáng ꞌhặc#căn, ꞌlẹo ꞌphiến chaư tó công ꞌphún Chảu Khuôn Saư phớng ꞌdứa hảư#ꞌnặn, cón mết ꞌviạk páo ꞌquám Chảu Pua ꞌPhạ lỏ#ꞌvén#ꞌsứa. 2 Phủ ꞌhụ pák ꞌquám lák lỏ#ꞌvạu sú Chảu Pua#ꞌPhạ, báu#đảy ꞌvạu sú phủ#ꞌcốn, ꞌpưa#ꞌva báu#ꞌmí phaư ꞌhụ ꞌquám#ꞌmắn, pên ꞌquám ꞌlặp ꞌlợc ꞌtoi Chảu Khuôn Saư ꞌpá ꞌmắn ꞌvạu ꞌnặn#lo. 3 Phủ pên ꞌlam páo ꞌquám Chảu Pua ꞌPhạ lỏ#páo ꞌquám ꞌcốn#ꞌhụ, pên ꞌquám tủm ꞌpúa chaư phủ ꞌcốn#khửn, bók son ꞌluống đi ꞌluống ꞌmen, hảư ún mốc ún#chaư. 4 Phủ ꞌhụ pák ꞌquám lák lỏ#tủm ꞌpúa chaư chảu phủ#điêu. Phủ pên ꞌlam páo ꞌquám Chảu Pua ꞌPhạ lỏ#tủm ꞌpúa chaư ꞌtếng#cá ꞌsúm ꞌhốm Chảu ꞌGiê‑ꞌsu. 5 Khỏi pháư ꞌmón hảư ꞌpi ꞌnọng mết ꞌchu ꞌcốn ꞌhụ pák ꞌquám#lák. Hák#ꞌva pháư ꞌmón hảư pên ꞌlam páo ꞌquám Chảu Pua ꞌPhạ ꞌvén ꞌsứa. Phủ pên ꞌlam páo ꞌquám Chảu Pua ꞌPhạ ꞌvén ꞌcợn ꞌsứa phủ ꞌhụ pák ꞌquám#lák, ꞌmen ꞌto phủ ꞌnặn hák kẻ ꞌquám lák ꞌnặn ók#đảy, ꞌpưa tủm ꞌpúa chaư ꞌsúm ꞌhốm Chảu ꞌGiê‑ꞌsu.

6 ꞌPi ꞌnọng ꞌhặc ꞌpéng, ꞌchớ khỏi ꞌmá ha ꞌpi ꞌnọng, ꞌva báu#ꞌmí ꞌquám đaư ꞌmá té Chảu Pua#ꞌPhạ, báu#đảy au ꞌquám ꞌhụ ꞌmá#bók, báu#đảy pên ꞌlam páo ꞌquám Chảu Pua ꞌPhạ ꞌhứ#ꞌva au ꞌquám đaư ꞌmá bók#son, ꞌmí ꞌto pák ꞌquám lák thôi, ꞌcọ ꞌchí báu#ꞌmí lởi săng hảư ꞌpi#ꞌnọng. 7 ꞌSướng ꞌchương ꞌdệt ók pên sương ꞌsướng pí ꞌhứ#ꞌva tính tảu ꞌcọ#đi, ꞌva ꞌmắn báu#ók sương#đi, báu#ꞌmí phaư ꞌchí ꞌhụ#ꞌva ꞌmen ꞌvái khắp#đaư. 8 ꞌNéo#ꞌnưng#máư, ꞌviạk lính pay#sớc, páu tút khửn ꞌva báu#pên sương púc#chaư, ꞌcọ báu#ꞌmí phaư ꞌchí ꞌkhặn ꞌkháng khảu nả#sớc. 9 ꞌSướng ꞌnặn#lo, ꞌva ꞌpi ꞌnọng ꞌvạu pên ꞌquám lák báu#ꞌhụ chẻng#đảy, phủ ꞌphắng ꞌcọ ꞌchí báu#ꞌhụ chắc chảu ꞌvạu#săng, ꞌcọ pék ꞌsướng pák ꞌlạ ꞌlốm#thôi. 10 Phén đin ꞌmướng ꞌlum ꞌnị báu#chắc ꞌmí ꞌto đaư ꞌquám#pák, ꞌquám đaư ꞌcọ hák ꞌmí nghỉa pên ꞌquám pák khong phaư#ꞌmắn. 11 ꞌSướng ꞌnặn ꞌva ꞌmí phủ đaư pák ꞌquám khỏi báu#ꞌhụ, phủ ꞌnặn khỏi ꞌva pên ꞌcốn táng#ꞌphắn, ꞌmắn ꞌcọ ꞌchí ꞌhiạk khỏi ꞌva pên ꞌcốn táng ꞌphắn ꞌsướng#điêu. 12 ꞌNéo ꞌnặn#lo, ꞌpi ꞌnọng ꞌphiến chaư é đảy ꞌpứng công ꞌphún Chảu Khuôn Saư phớng ꞌdứa#ꞌnặn, hảư ꞌpi ꞌnọng au chaư sáư ꞌpứng ꞌnéo ꞌchí tủm ꞌpúa chaư ꞌsúm ꞌhốm Chảu ꞌGiê‑ꞌsu.

13 ꞌPưa ꞌsướng ꞌnặn, phủ ꞌhụ pák ꞌquám lák ꞌchọ đé so Chảu Pua ꞌPhạ phớng ꞌdứa hảư chảu kẻ ꞌquám ꞌnặn ók#đảy. 14 ꞌVa ꞌháu au ꞌquám lák đé so Chảu Pua#ꞌPhạ, ꞌmen ꞌminh khuôn đé#so, hák chaư ngắm báu#ꞌhuôm ꞌtoi ꞌquám đé so#ꞌnặn. 15 ꞌKhạy ꞌháu ꞌchí ꞌdệt ꞌsứ#đaư, ꞌchớ đé so Chảu Pua#ꞌPhạ, ꞌcọ ꞌchọ hảư chaư ngắm ꞌpọm ꞌtếng#cá ꞌminh khuôn đé#so. ꞌChớ khắp sỏng ꞌnhó Chảu Pua ꞌPhạ ꞌcọ ꞌsướng#điêu, ꞌcọ ꞌchọ hảư chaư ngắm ꞌpọm ꞌtếng#cá ꞌminh khuôn#khắp. 16 ꞌChớ ꞌpi ꞌnọng cáo ꞌquám sỏng ꞌnhó Chảu Pua#ꞌPhạ ꞌtáng ꞌminh khuôn#thôi, phủ báu#ꞌhụ ꞌquám ꞌnặn ꞌcọ ꞌchí ꞌva ꞌa‑ꞌmen đảy ꞌnéo#đaư, ꞌpưa#ꞌva sau báu#ꞌhụ chắc ꞌpi ꞌnọng ꞌvạu#săng. 17 Ta#ꞌva ꞌpi ꞌnọng cáo ꞌquám đảy ꞌdọn Chảu Pua ꞌPhạ đảy dáng#đi, hák ꞌcọ báu#tủm ꞌpúa chaư phủ#ꞌphắng. 18 Khỏi so đảy ꞌdọn Chảu Pua ꞌPhạ hảư khỏi ꞌhụ pák ꞌquám lák lai ꞌsứa ꞌpi ꞌnọng mết ꞌchu#ꞌcốn. 19 Hák#ꞌva ꞌchớ khảu ꞌmá ꞌsúm cắp ꞌsúm ꞌhốm Chảu ꞌGiê‑ꞌsu, khỏi so ꞌmí ꞌto hả khót ꞌquám khảu chaư đảy ꞌmá bók son ꞌpứng ꞌcốn cuông ꞌhướn#ꞌsúm, ꞌvén đi ꞌsứa pák ꞌquám lák ꞌvạn#ꞌquám.

20 ꞌPi ꞌnọng ꞌhặc ꞌpéng, ꞌnhá ꞌmí chaư ngắm ꞌsướng đếc#ꞌnọi. ꞌLuống ꞌtáng ác ꞌhại hảư pên ꞌsướng é#ꞌnọi, hák chaư ngắm hảư pên ꞌsướng ꞌcốn#ké. 21 ꞌQuám Chảu Pua ꞌPhạ đảy ꞌchiến ꞌvạy#ꞌva:

ꞌPhạ pên Chảu bók ꞌmá ꞌchiến ꞌvạy

ꞌChí au phủ ꞌhụ pák ꞌquám lák

Sủ sốp pák khong ꞌcốn táng ꞌphắn

ꞌMá bók son ꞌchựa ꞌphắn ꞌcốn [ꞌI‑ꞌsa‑ên] ꞌnị

Hák ꞌdệt ꞌsướng đaư sau ꞌcọ ꞌchí báu#ꞌphắng ꞌháu.

22 ꞌSướng ꞌnặn ꞌviạk phớng ꞌdứa pák ꞌquám lák pên phép ꞌquiến Chảu Pua ꞌPhạ mai hảư phủ báu#ꞌhế ꞌchưa Chảu ꞌGiê‑ꞌsu, hák báu#ꞌmen ꞌvạy hảư phủ ꞌchưa#ꞌlẹo. ꞌViạk phớng ꞌdứa pên ꞌlam páo ꞌquám Chảu Pua ꞌPhạ lỏ#pên phép ꞌquiến mai hảư phủ ꞌchưa#ꞌlẹo, báu#ꞌmen ꞌvạy hảư phủ báu#ꞌhế#ꞌchưa. 23 Lon ꞌsúm ꞌhốm Chảu ꞌGiê‑ꞌsu ꞌtếng#cá mết ꞌmá ꞌsúm#căn, ꞌlẹo phaư ꞌcọ pák ꞌquám#lák, ꞌva ꞌmí ꞌcốn báu#khảu chaư ꞌhứ#ꞌva ꞌcốn báu#ꞌhế ꞌchưa Chảu ꞌGiê‑ꞌsu khảu ꞌmá#ꞌphắng, sau ꞌcọ ꞌchí ꞌva ꞌpi ꞌnọng pên bả lỏ#ꞌquá. 24 ꞌVa hák mốt ꞌpi ꞌnọng [ꞌmá ꞌsúm căn#ꞌlẹo], phaư ꞌcọ pên ꞌlam páo ꞌquám Chảu Pua#ꞌPhạ, ꞌva ꞌmí phủ đaư báu#ꞌhế ꞌchưa Chảu ꞌGiê‑ꞌsu ꞌhứ#ꞌva báu#khảu chaư khảu ꞌmá#ꞌphắng, ꞌquám ꞌpi ꞌnọng ꞌtếng lai#páo, ꞌchí ꞌdệt hảư phủ ꞌnặn ꞌhụ ꞌviạk báp ꞌsội khong ꞌmắn ꞌtoi ꞌmắn đảy#ꞌnghín, ꞌlẹo ꞌquám ꞌtếng#cá ꞌnặn ꞌcọ ꞌchí pên ꞌquám sét ꞌván#ꞌmắn. 25 ꞌQuám ꞌlặp ꞌsuôn ꞌvạy nẳng chaư phủ báu#ꞌchưa ꞌnặn ꞌchí hên#ók, ꞌlẹo ꞌmắn ꞌcọ ꞌchí múp nả ꞌlống ꞌlạy Chảu Pua ꞌPhạ ꞌtếng ꞌvạu#ꞌva, Chảu Pua ꞌPhạ dú cắp ꞌpi ꞌnọng#ꞌtẹ.

ꞌViạk ꞌsúm ꞌhốm căn

26 ꞌPi ꞌnọng ꞌhặc ꞌpéng, ꞌsướng ꞌnặn ꞌháu ꞌchí ꞌdệt ꞌsứ đaư ꞌchớ ꞌmá ꞌsúm#căn, phủ ꞌmí ꞌquám khắp sỏng ꞌnhó Chảu Pua ꞌPhạ ꞌcọ#ꞌmí, phủ ꞌmí ꞌquám bók son ꞌpi#ꞌnọng, phủ ꞌmí ꞌquám páo ꞌmá té Chảu Pua#ꞌPhạ, phủ pák ꞌquám#lák, phủ kẻ ꞌquám ꞌnặn ók đảy ꞌcọ#ꞌmí. ꞌChu ꞌnéo phaư ꞌcọ hảư ꞌdệt ꞌpưa tủm ꞌpúa chaư căn#khửn. 27 ꞌVa ꞌmí phủ pák ꞌquám lák lỏ#hảư ꞌmí song ꞌhứ#ꞌva sam ꞌcốn ꞌto#ꞌnặn, ꞌhọt ꞌchớ phủ đaư phủ ꞌnặn chắng#pák, ꞌlẹo hảư phủ#ꞌnưng kẻ ꞌquám ꞌnặn#ók. 28 ꞌVa hák báu#ꞌmí phủ kẻ#đảy, hảư phủ pák ꞌquám lák ꞌnặn cuốm dú cuông ꞌchớ#ꞌsúm, chảu hák ꞌvạu cắp ꞌmo chảu kéng ꞌvạu cắp Chảu Pua ꞌPhạ#thôi.

29 Phủ páo ꞌquám Chảu Pua ꞌPhạ, hảư song ꞌhứ#ꞌva sam ꞌcốn#páo, ꞌlẹo hảư phủ ꞌphắng ngắm bớng ꞌquám sau ꞌvạu#ꞌnặn. 30 ꞌVa hák ꞌmí phủ#ꞌnưng ꞌnăng dú ꞌtoi ꞌnặn đảy ꞌquám páo ꞌmá té Chảu Pua#ꞌPhạ, ꞌcọ hảư phủ ꞌvạu cón ꞌnặn cuốm#sia. 31 ꞌChu ꞌcốn phaư ꞌcọ páo ꞌquám Chảu Pua ꞌPhạ#đảy, hák páo ꞌtưa lỏ#ꞌcốn, ꞌpưa hảư ꞌchu ꞌcốn đảy#ép, kéng pản ꞌpúa căn#khửn. 32 Phủ pên ꞌlam páo ꞌquám Chảu Pua ꞌPhạ ꞌcọ ꞌhụ cẳn chaư ꞌvạy#đảy, 33 ꞌpưa#ꞌva Chảu Pua ꞌPhạ pên phủ ꞌpá hảư dú đi ꞌtiêng#an, báu#ꞌmen ꞌpá hảư ꞌnắn ꞌnướng cá#đaư.

Hảư ꞌpi ꞌnọng ꞌdệt ꞌtoi ꞌpứng mốt ꞌsúm ꞌhốm dên ꞌpay Chảu Pua ꞌPhạ ꞌchu#bón, 34 ꞌsướng cuông ꞌchớ ꞌsúm#căn, hảư ꞌpứng phủ ꞌnhính cuốm#dú, báu#đảy pák#ꞌvạu, hảư ꞌmí chaư ón ꞌnhóm#ꞌphắng, ꞌsướng ꞌluột ꞌláng Chảu Pua ꞌPhạ đảy bók ꞌvạy#ꞌnặn. 35 ꞌVa é ꞌhụ#săng, hảư tham phua dú nẳng#ꞌhướn. ꞌViạk phủ ꞌnhính ꞌvạu cuông ꞌchớ mốt ꞌsúm ꞌhốm Chảu ꞌGiê‑ꞌsu ꞌmá ꞌsúm căn pên ꞌviạk nả#ꞌhại.

36 ꞌQuám Chảu Pua ꞌPhạ báu#ꞌmen ók nẳng ꞌpi#ꞌnọng, ꞌhứ#ꞌva đảy au hảư ꞌpi ꞌnọng mốt điêu cá#đaư. 37 ꞌVa phủ đaư ꞌhiạk chảu pên ꞌlam páo ꞌquám Chảu Pua ꞌPhạ ꞌhứ#ꞌva đảy ꞌnéo đi nẳng Chảu Khuôn Saư#ꞌlẹo, ꞌcọ hảư phủ ꞌnặn ꞌhụ#ꞌva, ꞌpứng ꞌquám khỏi tẻm ꞌmá hảư ꞌnị pên ꞌquám bók ꞌmá té Chảu Pua ꞌPhạ phủ pên Chảu#Chom. 38 ꞌVa phủ đaư hák báu#ꞌphắng ꞌquám#ꞌnị, ꞌcọ ꞌnhá nhẳn ꞌhụ ꞌmắn pék#căn.

39 ꞌPi ꞌnọng ꞌhặc ꞌpéng, ꞌsướng ꞌnặn hảư ꞌphiến chaư tó ꞌviạk pên ꞌlam páo ꞌquám Chảu Pua#ꞌPhạ, ꞌlẹo ꞌviạk pák ꞌquám lák ꞌnặn ꞌcọ ꞌnhá#hảm. 40 ꞌDệt ăn đaư ꞌcọ hảư ꞌmen#ꞌluống, ꞌmí cốc ꞌmí#pai.