Tai Dam 1 Cô‑ꞌlin‑ꞌthô 4

ꞌPứng phủ ꞌkhớng nả ꞌviạk Chảu ꞌGiê‑ꞌsu ꞌKha‑ꞌlịt

1 ꞌSướng ꞌnặn hảư ꞌchu ꞌcốn ꞌtứ ꞌsúm khỏi pên phủ ꞌkhớng nả ꞌviạk Chảu ꞌKha‑ꞌlịt, pên phủ ꞌcặm ꞌpá ꞌviạk téng páo ꞌquám ꞌlặp ꞌlợc khong Chảu Pua#ꞌPhạ. 2 Phủ ꞌchí ꞌcặm ꞌpá ꞌviạk#săng, ꞌcọ ꞌchọ pên ꞌcốn ꞌchưa#đảy. 3 Khỏi báu#ngắm#săng, ta#ꞌva ꞌpi ꞌnọng ꞌhứ#ꞌva phủ đaư ꞌchí ta ꞌván khỏi ꞌcọ#đi. Khỏi ꞌcọ báu#đảy ta ꞌván chảu ꞌmo khỏi cá#đaư. 4 Cuông chaư khỏi báu#ꞌhụ#ꞌva khỏi đảy ꞌdệt phít#săng. ꞌVạu ꞌsướng#ꞌnặn, ꞌcọ báu#đảy mai#ꞌva khỏi ꞌmen mết cá#đaư, Phủ ta ꞌviạk khỏi ꞌnặn ꞌmen ꞌGiê‑ꞌsu phủ pên Chảu#Chom. 5 ꞌSướng ꞌnặn ꞌpi ꞌnọng ꞌnhá sét ꞌván săng#cón, thả Chảu ꞌGiê‑ꞌsu táo ꞌlống#ꞌmá. ꞌChớ ꞌnặn ꞌnéo ꞌlặp ꞌnéo ꞌsuôn phủ ꞌcốn hổm dăm#ꞌvạy, ꞌTan chảu ꞌcọ ꞌchí hảư#ꞌhụ, chaư phủ đaư pên ꞌnéo đaư ꞌTan chảu ꞌcọ ꞌchí hảư hên#ók. ꞌChớ ꞌnặn phủ đaư ꞌchọ đảy ꞌquám sưng nẳng Chảu Pua ꞌPhạ ꞌsứ đaư ꞌcọ hák ꞌchí đảy#lo.

6 ꞌPi ꞌnọng ꞌhặc#ꞌpéng, ꞌpứng ꞌquám khỏi ꞌvạu ꞌmá ꞌlẹo ꞌnị ꞌcọ ꞌchị sáư chảu tô khỏi kéng ꞌtan ꞌA‑pô‑ꞌlô ꞌvạy hảư ꞌpi ꞌnọng ép#au, ꞌpưa ꞌpi ꞌnọng chắng ꞌchí báu#ꞌvạu ꞌsứa ꞌquám Chảu Pua ꞌPhạ đảy tẻm ꞌchiến#ꞌvạy, ꞌsướng ꞌnặn chắng ꞌchí báu#ꞌmí phaư ảng ꞌhọt ꞌsúm#khỏi, ꞌnhó phủ ꞌnị#khửn, khốm phủ ꞌnặn#ꞌlống. 7 ꞌMen phaư téng ꞌpứng ꞌpi ꞌnọng pên nháư ꞌsứa#sáu, ꞌchu ꞌnéo ꞌpi ꞌnọng ꞌmí ꞌcọ ꞌmen ꞌdọn Chảu Pua ꞌPhạ au#hảư, ꞌva ꞌTan chảu hảư ꞌmí ꞌsướng#ꞌnặn, ꞌsứ đaư ꞌpi ꞌnọng chắng ꞌvạu ảng ꞌsướng chảu hák đảy hák#ꞌmí.

8 ꞌPi ꞌnọng ꞌhiạk ꞌva đảy ꞌchu ăn ꞌchu ꞌnéo ꞌsướng ꞌláng#áo, ꞌhăng ꞌmí đi#đảy, pên nháư ꞌlẹo ꞌsịn#a, hák#ꞌva ꞌsúm khỏi ꞌnhắng báu#ꞌhế đảy pên nháư cá#đaư. Khỏi ꞌcọ é hảư ꞌpi ꞌnọng đảy pên nháư#ꞌtẹ, ꞌpưa ꞌsúm khỏi chắng ꞌchí đảy pên nháư#ꞌtoi. 9 ꞌToi chaư khỏi#ngắm, Chảu Pua ꞌPhạ téng ꞌsúm khỏi phủ pên ꞌlam ꞌchạư páo kháo Chảu ꞌGiê‑ꞌsu hảư ꞌmá pên ꞌcốn nả ꞌnọi ta tắm ꞌsứa#mết, ꞌsướng ꞌcốn ꞌmí ꞌtội ꞌchọ au pay khả#sia. ꞌSúm khỏi pên ꞌsướng hún pải ꞌvạy hảư ꞌtếng#cá#bớng, báu#ꞌva tiên ꞌchạư ꞌhứ#ꞌva phủ ꞌcốn ꞌcọ đu ꞌngai ꞌsúm#khỏi. 10 ꞌSúm khỏi ꞌhiạk pên ꞌcốn bảư ꞌchạ ꞌpưa pên ꞌlam ꞌchạư páo kháo Chảu ꞌKha‑ꞌlịt, hák ꞌpi ꞌnọng đảy khảu ꞌhuôm Chảu ꞌKha‑ꞌlịt, ꞌpi ꞌnọng lỏ#ảng ꞌhiạk chảu pên ꞌcốn ꞌhụ#lắc. ꞌSúm khỏi ón#ꞌsém, ꞌpi ꞌnọng lỏ#ảng ꞌhiạk chảu ꞌmí phép#ꞌhéng. Sáu ꞌnặp nả ꞌtứ ta ꞌpi#ꞌnọng, hák ꞌsúm khỏi ꞌló báu#ꞌmí ꞌca#săng. 11 ꞌMá ꞌtạu ꞌkhạy ꞌnị ꞌsúm khỏi ꞌnhắng ứt khảu ứt ꞌnặm#dú, sửa khát nả phả khát#lăng, chuốp sáu ꞌtặp sáu#ti, báu#ꞌmí bón#dú, pay ꞌmự lỏ#ꞌhướn bươn lỏ#bản. 12 ꞌSúm khỏi hák khổ ꞌmo khó chaư ꞌdệt ꞌdượn nắc#nưới. ꞌChớ chuốp sáu đá#mang, ꞌsúm khỏi ꞌcọ cóp ꞌphái hảư#sáu, chuốp sáu ꞌnạp têng ꞌsúm khỏi ꞌcọ ứt#au. 13 ꞌChớ chuốp sáu ꞌvạu ꞌhại ꞌvạu khát#hảư, ꞌsúm khỏi ꞌcọ tóp ꞌquám van khan ꞌmuôn tó#sáu. ꞌMá ꞌtạu ꞌkhạy ꞌcốn ꞌmướng ꞌlum bớng ꞌsúm khỏi ꞌsướng khỉ nhửa ꞌhứ#ꞌva ꞌchương lưa#sủ.

14 Khỏi đảy tẻm ꞌpứng ꞌquám ꞌnị, báu#ꞌmen ꞌpưa hảư ꞌpi ꞌnọng nả ꞌhại nả ai cá#đaư, hák tẻm ꞌmá tít tơn bók son ꞌpi ꞌnọng ꞌsướng ꞌlụk phủ khỏi ꞌhặc#sương. 15 Ta#ꞌva phủ bớng đu ꞌpi ꞌnọng cuông ꞌhôm ꞌngáu Chảu ꞌKha‑ꞌlịt ꞌmí ế ꞌcốn ꞌcọ#đi, hák#ꞌva ꞌpi ꞌnọng ꞌmí ꞌpo phủ điêu#thôi, ꞌpưa#ꞌva cuông ꞌhôm ꞌngáu Chảu ꞌGiê‑ꞌsu ꞌKha‑ꞌlịt khỏi đảy pên ꞌsướng ꞌpo khong ꞌpi#ꞌnọng, ꞌdọn khỏi đảy au kháo ꞌhung saư ꞌmá páo hảư ꞌpi ꞌnọng#ꞌchưa. 16 ꞌSướng ꞌnặn khỏi so hảư ꞌpi ꞌnọng kin dú ꞌsướng#khỏi. 17 ꞌPưa ꞌsướng ꞌnặn khỏi chắng ꞌchạư ꞌtan Ti‑ꞌmô‑ꞌthiêu ꞌmá ha ꞌpi#ꞌnọng, ꞌtan pên ꞌsướng ꞌlụk phủ khỏi ꞌhặc#sương, pên ꞌcốn ꞌnặm saư chaư ꞌsư ꞌchưa chaư đảy cuông ꞌhôm ꞌngáu ꞌGiê‑ꞌsu phủ pên Chảu#Chom. ꞌTan Ti‑ꞌmô‑ꞌthiêu ꞌchí tơn hảư ꞌpi ꞌnọng chứ chăm au ꞌviạk kin ꞌluống dú khong khỏi cuông ꞌhôm ꞌngáu Chảu ꞌKha‑ꞌlịt, ꞌmen ꞌluống ꞌtáng khỏi bók ꞌpứng mốt ꞌsúm ꞌhốm Chảu ꞌGiê‑ꞌsu dú ꞌchu bón ꞌchu ꞌti ꞌnặn#lo.

18 Cuông ꞌpi ꞌnọng ꞌmí ꞌsán ꞌcốn đảy cảo nháư pháư#sung, sau ngắm#ꞌva khỏi ꞌchí báu#đảy ꞌmá ha ꞌpi#ꞌnọng. 19 ꞌVa ꞌGiê‑ꞌsu phủ pên Chảu Chom sôm chaư hảư#ꞌmá, khỏi ꞌcọ ꞌchí ꞌmá cuông ꞌdan chăm#ꞌnị, ꞌlẹo khỏi chắng ꞌchí ꞌhụ ꞌchí hên ꞌpứng ꞌcốn cảo nháư pháư sung#ꞌnặn, báu#ꞌmen ꞌto ꞌquám pák cảo nháư sau thôi cá#đaư, hák ꞌchí ꞌhụ phép ꞌquiến sau pên ꞌnéo đaư#ꞌtẹ. 20 ꞌViạk ꞌhôm ꞌngáu Chảu Pua ꞌPhạ báu#dú nẳng ꞌquám pák ꞌlạ cá#đaư, hák dú nẳng phép ꞌquiến ꞌTan chảu#ꞌló. 21 ꞌChớ khỏi ꞌmá#ha, ꞌpi ꞌnọng ꞌchí ꞌmặc au ꞌnéo#đaư, ꞌchí hảư khỏi khắm ꞌmạy hoi#ꞌmá, ꞌhứ#ꞌva ꞌchí hảư khỏi au chaư ón van ꞌhặc ꞌpéng cắp ꞌpi#ꞌnọng?