Tai Dam 1 Cô‑ꞌlin‑ꞌthô 8

ꞌViạk kin ꞌchương vảy ꞌsớ ꞌthớn théng pom

1 ꞌVạu ꞌmá ꞌtáng ꞌviạk ꞌchương sáu đảy vảy ꞌsớ ꞌthớn théng pom#ꞌnặn: ꞌMen#ꞌtẹ, ꞌsúm ꞌháu phaư ꞌcọ ꞌhụ đi [nẳng nả ꞌviạk ꞌnặn#ꞌlẹo]. ꞌViạk ꞌhiạk chảu ꞌhụ đi ꞌnặn ꞌpá chaư cảo#nháư, hák ꞌviạk ꞌhặc căn ꞌnặn lỏ#tủm ꞌpúa chaư căn#khửn. 2 ꞌVa phủ đaư ngắm ꞌhiạk chảu ꞌhụ đi ăn#đaư, ꞌnéo chảu ꞌchọ ꞌhụ ꞌcọ ꞌnhắng báu#ꞌhế ꞌhụ cá#đaư. 3 ꞌVa phủ đaư ꞌhặc Chảu Pua#ꞌPhạ, ꞌTan chảu ꞌcọ ꞌhụ chắc phủ#ꞌnặn.

4 ꞌSướng ꞌnặn, ꞌvạu ꞌmá ꞌtáng ꞌviạk kin ꞌchương sáu đảy vảy ꞌsớ ꞌthớn théng pom#ꞌnặn, ꞌháu ꞌcọ ꞌhụ ꞌlẹo#ꞌva, ꞌthớn théng pom báu#ꞌmí săng nẳng ꞌmướng ꞌlum cá#đaư, ꞌmí ꞌto Chảu Pua ꞌPhạ phủ#điêu. 5 Ta#ꞌva sáu ꞌhiạk ꞌmí ꞌthớn théng dú ꞌmướng ꞌphạ ꞌhứ#ꞌva ꞌmướng#ꞌlum, ꞌsướng ꞌcốn ꞌva ꞌmí lai ꞌthớn#théng, ꞌmí lai chảu#chom, 6 hák#ꞌva ꞌsúm ꞌháu lỏ#ꞌchưa Chảu Pua ꞌPhạ phủ điêu pên Chảu#ꞌPo, ꞌmen ꞌTan chảu có sảng khửn ꞌchu sính ꞌchu#ꞌnéo, ꞌháu ꞌmí ꞌchua ꞌlới dú ꞌpưa hảư ꞌchư siêng ꞌTan#chảu. ꞌLẹo ꞌháu ꞌchưa ꞌGiê‑ꞌsu ꞌKha‑ꞌlịt phủ điêu pên Chảu#Chom, ꞌdọn ꞌTan chảu ꞌchu sính ꞌchu#ꞌnéo chắng pên#ꞌmá, ꞌháu ꞌmí ꞌchua ꞌlới dú ꞌdọn ꞌTan#chảu.

7 Hák báu#ꞌmen#ꞌva ꞌchu ꞌcốn ꞌchí ꞌhụ nả ꞌviạk ꞌvạu ꞌmá#ꞌnị. ꞌSán ꞌcốn phủ ꞌkhới ꞌtứ ꞌthớn théng pom té đaư té đai ꞌmá ꞌtạu#ꞌkhạy, ꞌmưa sau kin ꞌchương vảy ꞌsớ#ꞌnặn, sau ꞌcọ ꞌtứ pên ꞌchương ꞌsớ ꞌthớn théng pom#dú, chaư ꞌhụ phít ꞌhụ ꞌmen sau ꞌnhắng ón#ꞌsém, sau chắng ꞌhiạk phít ꞌdọn ꞌchương kin#ꞌnặn. 8 ꞌChương kin báu#ꞌchoi ꞌdệt hảư ꞌháu ꞌhụ Chảu Pua ꞌPhạ đi khửn cá#đaư. Báu#kin ꞌcọ báu#sia#săng, ꞌva kin ꞌcọ báu#đảy săng đi#khửn. 9 Chảu ꞌhiạk ꞌtứ ꞌtang kin ꞌchương ꞌsớ#ꞌnặn, ꞌcoi ngắm hảư#đi, ꞌnhá ꞌpá phủ chaư ꞌchưa ón ꞌsém ꞌnặn lông pay ꞌtoi ꞌluống#phít. 10 Sủ ꞌsướng ꞌmí phủ chaư ꞌhụ phít ꞌhụ ꞌmen ꞌnhắng ón ꞌsém#dú, hên chảu ꞌhiạk pên ꞌcốn ꞌhụ đi ꞌnăng kin nẳng ꞌhướn ꞌsớ ꞌthớn théng#pom, dản ꞌpá chaư phủ ꞌnặn#kin, ꞌlẹo ꞌmắn ꞌcọ ꞌchí đảy kin ꞌchương ꞌsớ ꞌthớn théng#pom. 11 Mai#ꞌva chảu ꞌhiạk chảu pên ꞌcốn ꞌhụ#đi, au ꞌquám ꞌhụ chảu ꞌmá ꞌdệt hảư ꞌpi ꞌnọng phủ chaư ꞌchưa ón#ꞌsém, phủ Chảu ꞌKha‑ꞌlịt đảy tai tang ꞌnặn lông pay ꞌtáng phít#sia. 12 ꞌPứng chảu ꞌdệt phít tó ꞌpi ꞌnọng phủ chaư ꞌhụ phít ꞌhụ ꞌmen ꞌnhắng ón ꞌsém dú lông ꞌtáng phít pay ꞌsướng#ꞌnặn, pên#ꞌva ꞌpứng chảu ꞌcọ đảy ꞌdệt phít tó Chảu ꞌKha‑ꞌlịt. 13 ꞌSướng#ꞌnặn, ꞌva kin nhứa ꞌchí ꞌpá ꞌpi ꞌnọng lông#phít, khỏi ꞌcọ ꞌchí báu#kin nhứa sắc#ꞌtưa, ꞌpưa báu#é hảư ꞌpi ꞌnọng khỏi lông#phít.