Tai Dam ꞌHệp‑ꞌlơ 10

ꞌLượt tô sắt báu tháy báp ꞌsội hảư phủ ꞌcốn ꞌháu đảy

1 ꞌLuột ꞌláng Chảu Pua ꞌPhạ téng ꞌvạy ꞌnặn pên hún ꞌngáu bók ꞌluống ꞌtáng đi ꞌmá ꞌpái nả#thôi, báu#ꞌmen ꞌnéo#ꞌtẹ. ꞌPứng ꞌchương vảy ꞌsớ ꞌTan chảu ꞌtoi ꞌluột ꞌláng#ꞌnặn, ꞌchu pi sau ꞌcứ au tô sắt ꞌmá vảy ꞌsớ ꞌsướng#cáu, hák#ꞌva báu#ꞌmí ꞌsướng đaư ꞌdệt hảư phủ ꞌmá chăm Chảu Pua ꞌPhạ ꞌpẹk saư#đảy. 2 ꞌVa hák đảy ꞌdệt ꞌpẹk saư#ꞌtẹ, sau ꞌmá vảy ꞌsớ ꞌtưa điêu lỏ ꞌpó#mết, cuông chaư ꞌchí đảy ꞌpẹk#saư, báu#ꞌhụ ngắm ꞌdệt ꞌnéo báp ꞌsội#máư. 3 Nả ꞌviạk ꞌmá vảy ꞌsớ ꞌnặn tơn hảư ngắm ꞌhọt báp ꞌsội ꞌchu#pi, 4 ꞌpưa#ꞌva ꞌlượt ꞌngúa thớc kéng bẻ thớc báu#ꞌmí ꞌsướng đaư ꞌdệt ꞌpẹk sia báp ꞌsội phủ ꞌcốn ꞌháu#đảy.

Chảu ꞌKha‑ꞌlịt tháy au báp ꞌsội ꞌháu ꞌtưa điêu lỏ ꞌpó

5 ꞌSướng ꞌnặn ꞌmưa ꞌchớ Chảu ꞌKha‑ꞌlịt ꞌlống ꞌmá ꞌmướng ꞌlum ꞌcọ đảy ꞌvạu tó Chảu Pua ꞌPhạ#ꞌva:

Chảu ꞌPo báu#é nhẳn sắt vảy ꞌsớ

Chảu ꞌPo ꞌkhặn ꞌkháng ꞌmo ꞌkính hảư ꞌLụk.

6 Chảu ꞌPo báu sôm chaư sắt phau

kéng ꞌchương vảy ꞌsớ tháy báp ꞌsội.

7 ꞌLụk chắng cáo ha Chảu ꞌPo ꞌva

Chảu Pua ꞌPhạ ꞌhá ꞌhới

ꞌLụk ꞌmá ꞌtoi ꞌsướng ꞌquám Chảu ꞌPo đảy ꞌchiến ꞌvạy ꞌviạk#ꞌLụk

ꞌLụk ꞌmá nỉ ꞌpưa ꞌdệt ꞌtoi chaư Chảu ꞌPo.

8 ꞌToi ꞌquám Chảu ꞌKha‑ꞌlịt ꞌvạu ꞌmá#ꞌnặn, Chảu Pua ꞌPhạ báu#é nhẳn sắt vảy#ꞌsớ, báu#sôm chaư sắt phau kéng ꞌchương vảy ꞌsớ tháy#ꞌsội, ta#ꞌva ꞌluột ꞌláng ꞌTan chảu bók ꞌnặn ꞌcọ#đi. 9 Chảu ꞌKha‑ꞌlịt chắng ꞌvạu#máư, “ꞌKhạy ꞌLụk ꞌmá nỉ ꞌpưa ꞌdệt ꞌtoi chaư Chảu#ꞌPo.” ꞌSướng ꞌnặn ꞌTan chảu ꞌváng sia ꞌchương vảy ꞌsớ cón#ꞌnặn, au Chảu ꞌKha‑ꞌlịt ꞌmá pên ꞌchương vảy ꞌsớ piến pên ꞌnéo#máư. 10 ꞌToi chaư Chảu Pua ꞌPhạ ꞌnặn ꞌdệt hảư ꞌsúm ꞌháu ꞌpẹk saư ꞌdọn Chảu ꞌGiê‑ꞌsu ꞌKha‑ꞌlịt au ꞌmo ꞌkính ꞌTan vảy ꞌsớ ꞌtưa điêu lỏ ꞌpó#mết.

11 ꞌPứng mo dưn vảy ꞌháu Chảu Pua ꞌPhạ ꞌchu ꞌmự, au ꞌchương vảy ꞌsớ ꞌnéo#cáu, hák ꞌchương vảy ꞌsớ ꞌnặn báu#ꞌmí ꞌchớ đaư ꞌdệt ꞌpẹk sia báp ꞌsội#đảy. 12 Hák#ꞌva Chảu ꞌKha‑ꞌlịt au ꞌlới vảy ꞌsớ Chảu Pua ꞌPhạ ꞌtưa điêu tháy au báp ꞌsội hảư ꞌháu ꞌlới#ꞌlới, ꞌlẹo ꞌnăng ꞌlống ꞌphượng khoa Chảu Pua#ꞌPhạ. 13 Té ꞌnặn#ꞌmá, ꞌTan chảu thả ꞌtạu ꞌhọt ꞌchớ Chảu Pua ꞌPhạ hảư ꞌpứng phủ khắt ꞌchắng ꞌmá múp dú cỏng ꞌpựn tin#ꞌTan. 14 ꞌDọn Chảu ꞌKha‑ꞌlịt au ꞌlới vảy ꞌsớ ꞌtưa#điêu, ꞌdệt hảư ꞌpứng ꞌcốn ꞌTan chảu đảy ꞌpẹk saư ꞌmứa nả ꞌlới#ꞌlới. 15 Chảu Khuôn Saư ꞌcọ pên chứng hảư ꞌháu ꞌsướng#ꞌnặn. Cón mết ꞌTan chảu đảy ꞌvạu ꞌvạy#ꞌva:

16 ꞌNị lỏ ꞌquám nhẳn pao khuôn ꞌhá ꞌchí tẳng cắp sau

Lăng pang ꞌnặn ꞌlẹo

ꞌHáu ꞌchí au ꞌluột ꞌháu sáư ꞌvạy cuông chaư sau

ꞌChí khiên ꞌvạy cuông chaư ngắm.

17 ꞌLẹo ꞌTan chảu ꞌvạu máư ꞌva: “ꞌHáu ꞌchí báu ngắm ꞌhọt ꞌpứng ꞌviạk báp ꞌsội kéng ꞌviạk ác ꞌhại sau ꞌdệt#ꞌnặn.”

18 ꞌSướng ꞌnặn#lo, Chảu Pua ꞌPhạ dáng ꞌdóm báp ꞌsội hảư#ꞌlẹo, báu#ꞌcợn ha ꞌchương ꞌmá vảy ꞌsớ tháy au báp ꞌsội#máư.

Hảư ꞌmí chaư ꞌchưa nẻn khảu ꞌmá chăm Chảu Pua ꞌPhạ

19 ꞌPi ꞌnọng ꞌhặc ꞌpéng, ꞌsúm ꞌháu đảy ꞌdọn ꞌlượt Chảu ꞌGiê‑ꞌsu tháy au báp#ꞌsội, chắng mẳn chaư khảu ꞌhọt bón khết dăm#sút [cá ꞌmướng#ꞌphạ]. 20 Chảu ꞌGiê‑ꞌsu khay ꞌluống ꞌtáng#máư, pên ꞌtáng hảư ꞌsúm ꞌháu ꞌmí ꞌchua ꞌlới#ꞌlới, ꞌmen phán ꞌtáng phả#ꞌman, mai#ꞌva phán ꞌmo ꞌkính ꞌTan#chảu. 21 ꞌLẹo ꞌsúm ꞌháu ꞌmí mo nháư luông téng bớng đu ꞌchúa ꞌhướn Chảu Pua#ꞌPhạ. 22 ꞌSướng ꞌnặn ꞌsúm ꞌháu chắng khảu ꞌmá chăm Chảu Pua ꞌPhạ ꞌtoi chaư#ꞌsư, ꞌmí chaư ꞌchưa#nẻn, chaư đảy sák sang#ꞌpẹk, ók sia chaư uối#ꞌhại, kéng ꞌmí ꞌmo ꞌkính áp ꞌnặm saư ꞌpẹk#ꞌlẹo. 23 ꞌHáu nhẳn#ꞌva pên ꞌcốn ꞌchưa Chảu ꞌGiê‑ꞌsu, hảư mẳn chaư cang tó ꞌnặn ꞌvạy hảư#nẻn, ꞌpưa#ꞌva Chảu Pua ꞌPhạ chứ mẳn ꞌquám chao#ꞌhẹn. 24 Hảư ꞌkhớng chaư ꞌchoi căn tủm ꞌpúa ꞌhặc ꞌpéng ꞌdệt ꞌnéo đi ꞌnéo#ꞌmen. 25 ꞌNhá ꞌváng sia ꞌviạk ꞌsúm căn ꞌsướng kỉ ꞌcốn ꞌlớng#ꞌdệt. Hảư tủm ꞌpúa chaư căn tứm ꞌsứa ꞌnặn#máư, ꞌhụ#ꞌva ꞌmự Chảu ꞌGiê‑ꞌsu ꞌchí táo ꞌlống ꞌcọ chăm ꞌmá#ꞌlẹo.

ꞌVa ꞌcứ ꞌdệt báp dú, dản Chảu Pua ꞌPhạ sáư ꞌsội

26 ꞌSúm ꞌháu ꞌhụ ꞌluống ꞌtáng ꞌmen ꞌtẹ#ꞌlẹo, ꞌva ꞌháu ꞌnhắng ꞌcứ ꞌdệt báp#dú, báu#ꞌmí ꞌnéo đaư vảy ꞌsớ tháy au báp ꞌsội đảy#máư. 27 ꞌMí ꞌto dản sắn dú thả Chảu Pua ꞌPhạ sét ꞌván sáư#ꞌsội, kéng peo ꞌpháy ꞌhọn ꞌhéng ꞌchí phau ꞌpứng phủ khắt ꞌchắng ꞌTan chảu#ꞌnặn.

28 Phủ đaư báu#sú ꞌluột ꞌláng Chảu Pua ꞌPhạ bók pú ꞌMô‑ꞌsê ꞌchiến ꞌvạy#ꞌnặn, ꞌva ꞌmí chứng song sam ꞌcốn ꞌcọ ꞌchọ khả báu#ín đu#đảy. 29 ꞌChí ꞌvạu săng máư phủ đu ꞌngai nái ꞌchắng ꞌLụk ꞌchái Chảu Pua#ꞌPhạ, ꞌmắn báu#đu ꞌca săng ꞌlượt ꞌTan chảu lay ók ꞌtoi ꞌquám nhẳn pao Chảu Pua ꞌPhạ đảy mai ꞌmắn ꞌvạy pên ꞌcốn ꞌTan#chảu, pák đu ꞌngai Chảu Khuôn Saư phủ phớng ꞌdứa công#ꞌphún, phủ ꞌnặn lo ꞌchọ đáng sáư ꞌsội nắc ꞌto đaư#máư. 30 ꞌSúm ꞌháu ꞌhụ chắc Chảu Pua ꞌPhạ đảy ꞌvạu#ꞌva, ꞌviạk sáư ꞌsội tóp ꞌmen nả ꞌviạk ꞌTan#chảu. ꞌLẹo ꞌvạu máư#ꞌva, ꞌTan chảu ꞌchí sét ꞌván ꞌpứng ꞌcốn#ꞌTan. 31 Chuốp phép ꞌquiến Chảu Pua ꞌPhạ phủ ꞌmí ꞌlới dú sáư ꞌsội pên ꞌnéo dản sắn ꞌhại#ꞌhéng.

32 Ngắm bớng ꞌmưa cón, ꞌchớ ꞌpi ꞌnọng ꞌhụ kháo ꞌhung saư#ꞌlẹo, ꞌmí lai ꞌnéo tó ꞌsốn ꞌdệt hảư báp#ꞌmo, ꞌpi ꞌnọng ꞌcọ ꞌnhắng cứ chaư#mẳn. 33 ꞌPi ꞌnọng chuốp sáu pák đu ꞌngai ꞌnạp têng hảư ꞌcốn ꞌtếng lai bớng ꞌcọ#ꞌmí, ꞌlẹo ꞌchớ đaư ꞌpi ꞌnọng hên ꞌcốn ứn chuốp ꞌpọ ꞌsướng ꞌnặn ꞌcọ tủm ꞌpúa#sau. 34 ꞌPi ꞌnọng ꞌmí chaư khốn lo ꞌtoi ꞌpứng ꞌcốn pên#ꞌtú, ꞌlẹo ꞌmưa ꞌcốn ꞌmá thú au ꞌchương chảu pay sia ꞌcọ hảư sau au#pay, hák chaư ꞌcọ ꞌnhắng ꞌmuôn#dú, ꞌdọn#ꞌva ꞌpi ꞌnọng ꞌhụ chắc chảu ꞌmí khong đi mẳn ꞌdứn quí ꞌpéng ꞌsứa ꞌnặn#máư. 35 ꞌSướng ꞌnặn ꞌpi ꞌnọng cứ chaư mẳn ꞌchưa Chảu ꞌGiê‑ꞌsu, ꞌcọ ꞌchí đảy ꞌnéo đi quí ꞌpéng nháư#luông. 36 ꞌPi ꞌnọng hảư cứ chaư mẳn ꞌdệt ꞌtoi chaư Chảu Pua#ꞌPhạ, ꞌcọ ꞌchí đảy ꞌnéo đi ꞌsướng ꞌTan chảu chao ꞌhẹn#ꞌnặn.

37 Báu hơng báu ꞌnán Chảu ꞌGiê‑ꞌsu phủ ꞌchí táo ꞌlống ꞌmá ꞌcọ ꞌchí ꞌmá#ꞌtẹ

ꞌTan báu ốt báu ꞌnán cá đaư.

38 ꞌCốn đi ꞌmí ꞌmen ꞌtoi ꞌtáng ꞌháu

ꞌcọ ꞌchí đảy ꞌmí ꞌchua ꞌlới dú ꞌdọn ꞌchưa ꞌháu

ꞌVa phủ đaư ꞌpịch ꞌcứn

ꞌHáu ꞌcọ báu sôm chaư phủ ꞌnặn.

39 ꞌSúm ꞌháu báu ꞌchư ꞌpứng phủ ꞌpịch ꞌcứn pay sú ꞌluống đắp siêu cá#đaư, pên phủ ꞌchưa Chảu ꞌGiê‑ꞌsu, đảy khói sia báp ꞌsội#ꞌlẹo.