Tai Dam 1 Dô‑ꞌhăn 3

Kin dú ꞌtoi ꞌluống ꞌpẹk saư

1 Hảư ꞌpi ꞌnọng ngắm bớng ꞌnớ, Chảu Pua ꞌPhạ phủ pên ꞌPo ꞌhặc ꞌsúm ꞌháu lai ꞌcơ#đaư, chắng khék ꞌháu pên#ꞌlụk, ꞌlẹo ꞌháu ꞌcọ đảy pên ꞌlụk ꞌTan chảu#ꞌtẹ. ꞌCốn phái ꞌmướng ꞌlum báu#ꞌhụ chắc ꞌháu ꞌpưa#ꞌva sau báu#ꞌhụ chắc ꞌTan#chảu. 2 ꞌPi ꞌnọng ꞌhặc#sương, ꞌkhạy ꞌnị ꞌháu đảy pên ꞌlụk Chảu Pua ꞌPhạ#ꞌlẹo. ꞌPái nả ꞌháu ꞌchí pên ꞌsứ đaư ꞌcọ ꞌnhắng báu#ꞌhế ꞌhụ chẻng#đảy. Hák ꞌháu ꞌcọ ꞌhụ#ꞌva, ꞌchớ đaư Chảu ꞌGiê‑ꞌsu ꞌKha‑ꞌlịt ók ꞌmá hảư#hên, ꞌháu ꞌchí hên ꞌTan chảu pên ꞌnéo đaư#ꞌtẹ, ꞌháu chắng ꞌchí pên ꞌsướng ꞌTan#chảu. 3 ꞌChu ꞌcốn phủ đaư ꞌmí chaư ꞌcóng thả ha Chảu ꞌKha‑ꞌlịt ꞌcọ kin dú ꞌtoi ꞌluống ꞌpẹk#saư, ꞌsướng Chảu ꞌKha‑ꞌlịt pên phủ ꞌpẹk#saư.

4 ꞌChu ꞌcốn phủ đaư ꞌdệt ꞌnéo báp ꞌsội ꞌcọ báu đảy ꞌphắng ꞌluột ꞌláng Chảu Pua#ꞌPhạ, ꞌviạk báp ꞌsội lỏ#ꞌmen báu#ꞌphắng ꞌluột ꞌnặn#lo. 5 ꞌPi ꞌnọng ꞌcọ ꞌhụ#ꞌlẹo, Chảu ꞌGiê‑ꞌsu ꞌKha‑ꞌlịt ók ꞌmá ꞌpưa au báp ꞌsội ꞌháu ók pay#sia, hák ꞌTan chảu báu#ꞌmí báp#ꞌsội. 6 Phủ đaư dú ꞌhuôm Chảu ꞌKha‑ꞌlịt, phủ ꞌnặn ꞌcọ báu#ꞌdệt ꞌnéo báp ꞌsội tó#pay. Phủ đaư hák ꞌnhắng ꞌdệt ꞌnéo báp ꞌsội#dú, ꞌcọ ꞌmen#ꞌva, phủ ꞌnặn báu#đảy ꞌhụ đảy hên ꞌTan#chảu.

7 ꞌPứng ꞌlụk ꞌhặc sương, ꞌnhá hảư phủ đaư bẻo ꞌlứa chảu lông ꞌtoi ꞌtáng#phít. Phủ đaư ꞌdệt ꞌtoi ꞌluống ꞌtáng#ꞌmen, phủ ꞌnặn ꞌcọ pên ꞌcốn đi ꞌmí#ꞌmen, ꞌsướng Chảu ꞌKha‑ꞌlịt pên phủ đi ꞌmí#ꞌmen. 8 Phủ đaư ꞌdệt ꞌnéo báp#ꞌsội, phủ ꞌnặn ꞌcọ pên ꞌcốn phái tô cốc phi#ꞌhại, ꞌpưa#ꞌva tô cốc phi ꞌhại đảy ꞌdệt ꞌnéo báp ꞌsội té đaư té đai#ꞌmá. Chảu ꞌGiê‑ꞌsu phủ pên ꞌLụk ꞌchái Chảu Pua ꞌPhạ đảy ꞌmá ꞌcọ ꞌpưa pé ꞌpứng nả ꞌviạk tô cốc phi#ꞌhại. 9 Phủ đaư đảy ꞌmá pên ꞌlụk Chảu Pua ꞌPhạ#ꞌlẹo, phủ ꞌnặn ꞌcọ báu#ꞌdệt ꞌnéo báp ꞌsội tó#pay, ꞌpưa#ꞌva ꞌluống ꞌpẹk saư Chảu Pua ꞌPhạ dú nẳng cuông chaư phủ#ꞌnặn, chắng báu#ꞌdệt ꞌnéo báp ꞌsội tó pay#đảy, ꞌpưa#ꞌva đảy ꞌmá pên ꞌlụk Chảu Pua ꞌPhạ#ꞌlẹo. 10 ꞌSướng ꞌnặn ꞌsúm ꞌháu chắng ꞌhụ chắc ꞌmen phủ đaư pên ꞌlụk Chảu Pua#ꞌPhạ, phủ đaư pên ꞌlụk tô cốc phi#ꞌhại. Phủ đaư hák báu#ꞌhụ ꞌdệt ꞌtoi ꞌluống ꞌtáng#ꞌmen, báu#ꞌhụ ꞌhặc ꞌpi#ꞌnọng, ꞌcọ mai#ꞌva, phủ ꞌnặn báu#ꞌmen ꞌlụk Chảu Pua#ꞌPhạ.

Hảư ꞌhặc căn

11 ꞌQuám ꞌnị ꞌpi ꞌnọng ꞌcọ đảy ꞌnghín ꞌmá té cón#ꞌlẹo, hảư ꞌsúm ꞌháu ꞌhặc#căn. 12 ꞌNhá ꞌdệt ꞌsướng Ca‑in, ꞌmắn pên phái tô cốc phi#ꞌhại, đảy khả ꞌnọng ꞌchái ꞌmắn#sia. Pên săng chắng#khả, ꞌcọ ꞌpưa#ꞌva ꞌmắn ꞌmặc ꞌdệt ꞌtoi ꞌluống ác#ꞌhại, ꞌnọng ꞌmắn lỏ#ꞌmặc ꞌdệt ꞌtoi ꞌluống ꞌtáng#ꞌmen. 13 ꞌPi ꞌnọng ꞌhặc#ꞌpéng, ꞌsướng ꞌnặn ꞌcốn phái ꞌmướng ꞌlum ꞌmặc ꞌchắng ꞌpi#ꞌnọng, ꞌcọ báu lák#săng. 14 ꞌSúm ꞌháu ꞌhụ#ꞌva đảy khói sia ꞌvến tai ꞌmá sú ꞌchua#ꞌlới, ꞌpưa#ꞌva ꞌháu ꞌhụ ꞌhặc ꞌpi ꞌnọng#chảu. Phủ đaư báu#ꞌhụ ꞌhặc ꞌpi ꞌnọng#chảu, phủ ꞌnặn ꞌnhắng dú ꞌluống#tai. 15 Phủ đaư ꞌchắng ꞌpi ꞌnọng#chảu, pên#ꞌva phủ ꞌnặn khả#ꞌcốn. ꞌPi ꞌnọng ꞌcọ ꞌhụ#ꞌva, phủ đaư khả ꞌcốn báu#ꞌmí ꞌchua ꞌlới#ꞌlới.

16 Chảu ꞌGiê‑ꞌsu ꞌKha‑ꞌlịt ꞌchịu ꞌváng sia ꞌchua ꞌpưa#ꞌháu, ꞌsướng ꞌnặn ꞌháu chắng ꞌhụ#ꞌva chaư ꞌhặc pên ꞌnéo#đaư, ꞌháu ꞌcọ ꞌchọ ꞌváng sia ꞌchua ꞌpưa ꞌpi#ꞌnọng. 17 ꞌVa phủ đaư ꞌnhắng ꞌpó kin#dú, hên ꞌpi ꞌnọng chảu ứt dák hák báu#ín đu#ꞌchoi, ꞌchí ꞌva phủ ꞌnặn ꞌhặc Chảu Pua ꞌPhạ ꞌsướng đaư#đảy. 18 ꞌPứng ꞌlụk ꞌhặc#sương, ꞌnhá ꞌhặc ꞌto ꞌquám#pák, hảư ꞌhặc ꞌtẹ ꞌlẹo ꞌdệt#ꞌtoi. 19 ꞌSướng ꞌnặn lo ꞌháu chắng ꞌchí ꞌhụ#ꞌva ꞌháu ꞌtoi ꞌluống ꞌmen#ꞌtẹ, ꞌlẹo mẳn chaư dú tó nả Chảu Pua#ꞌPhạ. 20 ꞌChăm#ꞌva cuông chaư ꞌháu ngắm ꞌdệt ꞌnéo#phít, hák#ꞌva Chảu Pua ꞌPhạ ꞌhụ ꞌsứa chaư#ꞌháu, ꞌTan chảu ꞌhụ mết ꞌchu#ꞌnéo. 21 ꞌPi ꞌnọng ꞌhặc#sương, ꞌva chaư ꞌháu báu#ꞌhụ ngắm ꞌdệt ꞌnéo#phít, ꞌháu ꞌcọ mẳn chaư dú tó nả Chảu Pua#ꞌPhạ. 22 ꞌLẹo ꞌháu đé so#săng, ꞌTan chảu ꞌcọ phớng ꞌdứa#hảư, ꞌpưa#ꞌva ꞌháu đảy ꞌphắng au ꞌtoi ꞌquám sắng ꞌTan#chảu, ꞌlẹo ꞌcọ đảy ꞌdệt ꞌnéo sôm chaư ꞌTan#chảu. 23 ꞌQuám Chảu Pua ꞌPhạ đảy sắng ꞌvạy#ꞌva, hảư pông chaư ꞌchưa ꞌGiê‑ꞌsu ꞌKha‑ꞌlịt phủ pên ꞌLụk ꞌchái ꞌTan#chảu, ꞌlẹo ꞌcọ hảư ꞌhặc căn ꞌsướng Chảu ꞌGiê‑ꞌsu đảy sắng ꞌsúm ꞌháu#ꞌnặn. 24 Phủ đaư ꞌphắng au ꞌtoi ꞌquám sắng Chảu Pua#ꞌPhạ, phủ ꞌnặn đảy dú ꞌhuôm ꞌTan#chảu, ꞌlẹo ꞌTan chảu ꞌcọ dú ꞌhuôm phủ#ꞌnặn. ꞌLẹo ꞌdọn Chảu Pua ꞌPhạ phớng ꞌdứa Chảu Khuôn Saư#hảư, ꞌsúm ꞌháu chắng ꞌhụ đảy#ꞌva ꞌTan chảu dú ꞌhuôm ꞌsúm#ꞌháu.