Tai Dam Nả ꞌviạk ꞌchí ꞌchọ pên ók 18

ꞌMướng luông Ba‑bi‑ꞌlôn khuổm bá

1 Lăng ꞌpứng nả ꞌviạk ꞌnặn, khỏi hên tiên ꞌchạư ꞌnưng máư ꞌlống ꞌmá té ꞌmướng#ꞌphạ, ꞌmí chức nháư ꞌquiến luông ꞌhung ꞌhưa sóng ꞌtua phén#đin. 2 ꞌTan đảy khék sương nháư khửn#ꞌva, “Khuổm bá#ꞌlẹo, ꞌmướng luông Ba‑bi‑ꞌlôn khuổm bá#ꞌlẹo. ꞌMướng ꞌnặn ꞌmá pên bón dú hảư phi#ꞌhại, bón thẳm ꞌheo ꞌvạy hảư ꞌchu ꞌnéo phi ꞌhại kéng ꞌchu ꞌnéo tô ꞌnộc ꞌcốn nái#ꞌchắng, 3 ꞌpưa ꞌchu ꞌphắn ꞌcốn đảy ꞌmáu ꞌviạk ꞌmí ꞌtội cắp#ꞌmắn, ꞌpứng pua ꞌtua phén đin ꞌmướng ꞌlum ꞌcọ phít ꞌmí ꞌtội ꞌviạk ỉn#ꞌmắn, ꞌpứng ꞌpo ꞌcạ ꞌtua phén đin ꞌhăng ꞌmí ꞌcọ ꞌdọn kin ỉn sướng ꞌmo nẳng#ꞌmắn.”

4 ꞌLẹo khỏi đảy ꞌnghín sương ꞌvạu ꞌlống ꞌmá té ꞌmướng ꞌphạ máư#ꞌva:

Dên ꞌpay ꞌháu hảư ók sia ꞌmướng Ba‑bi‑ꞌlôn

Chảu ꞌnhá ꞌdệt ꞌnéo báp ꞌsội ꞌtoi ꞌmướng#ꞌnặn

Chắng ꞌchí báu chuốp ꞌláng ꞌhại nắc ꞌnéo ꞌmắn.

5 Báp ꞌsội ꞌmướng ꞌnặn cong sung khửn ꞌhọt ꞌphạ

Chảu Pua ꞌPhạ chứ ꞌviạk ác ꞌhại ꞌmắn ꞌdệt.

6 ꞌMắn ꞌdệt báp ꞌnéo đaư, hảư tóp ꞌmắn ꞌnéo ꞌnặn

ꞌDệt tóp ꞌcộp song ꞌnéo ꞌmắn ꞌdệt ꞌnặn

ꞌSướng ꞌmắn đảy pha lảu sáư chók têm ꞌto đaư

Hảư pha sáư chók ꞌmắn têm ꞌcộp song.

7 ꞌMắn kin dú ꞌnéo ꞌhung ꞌhưa lả sướng ꞌto đaư

Hảư ꞌmắn chuốp báp ꞌmo ꞌtộc khôm ꞌto ꞌnặn.

ꞌMắn ảng ꞌhiạk pên ꞌsướng ꞌbá pua ꞌnăng ꞌtến

ꞌChí báu pên mải, báu#ꞌtộc khôm sắc ꞌtưa.

8 ꞌSướng ꞌnặn ꞌpứng ꞌláng ꞌhại nắc ꞌchí tốc sáư ꞌmắn cuông ꞌmự#điêu

ꞌSướng ꞌvến tai, chuốp ꞌtộc khôm, ứt khảu dák cưa

ꞌLẹo ꞌpháy ꞌchí phau ꞌmắn sia mết

ꞌPưa ꞌva Chảu Pua ꞌPhạ phủ pên Chảu Chom ꞌmí phép ꞌhéng kheng cả sét ꞌván sáư ꞌtội#ꞌmắn.

9 ꞌPứng pua ꞌtua phén đin ꞌmướng ꞌlum đảy ỉn đảy kin sướng ꞌmo nẳng#ꞌmắn, ꞌchớ hên ꞌcuốn ꞌpháy mảy#ꞌmắn, sau ꞌcọ ꞌchí khék hảy chốm ꞌcháng ha#ꞌmắn. 10 ꞌPứng sau dưn dú cá đắc ꞌpưa dản đảy báp ꞌmo nẳng#ꞌmắn, ꞌlẹo ꞌcháng khửn#ꞌva:

Báp ꞌmo ꞌcợn#ꞌlế, chắng ꞌmá báp ꞌmo ꞌcợn#ꞌlế, ꞌmướng nháư#luông

ꞌMướng Ba‑bi‑ꞌlôn ꞌmướng nháư kheng ꞌhéng ꞌhới

ꞌMứng ꞌchọ sét ꞌván sáư ꞌtội cuông ꞌchớ điêu.

11 ꞌPứng phủ ꞌcạ ꞌcốn khai ꞌtua phén đin ꞌmướng ꞌlum hên ꞌmướng Ba‑bi‑ꞌlôn pên ꞌsướng ꞌnặn ꞌcọ khék hảy ꞌtộc#khôm, ꞌpưa#ꞌva báu#ꞌmí phủ đaư ꞌchí ꞌmá ꞌsự ꞌchương ꞌcạ nẳng sau#máư, 12 ꞌsướng ꞌngớn#ꞌcắm, ꞌngọc, mák#pắt, phải#ꞌlụa, phải đeng#cắm, phải#đải, phải đeng ꞌca#ꞌpéng, ꞌchu ꞌnéo ꞌmạy ai#hom, ꞌchu ꞌnéo ꞌchương sủ khong sáư au#ꞌngá, au ꞌmạy#ꞌpéng, au ꞌtóng au lếc au hin lưởm#ꞌdệt. 13 ꞌLẹo ꞌmí ꞌque kéng ꞌpứng khong hom ứn#máư, hương#hom, dang ꞌmạy#hom, ꞌnặm#bók. ꞌMí lảu kéng ꞌnặm#ꞌmắn, ꞌmí ꞌbột mỉ kéng khảu#cák, ꞌngúa, ꞌdo, ꞌmạ, se#ꞌmạ, ꞌlẹo ꞌcọ ꞌmí ꞌcốn ꞌchọ pắt pên#khỏi.

14 ꞌPứng phủ ꞌcạ ꞌcốn khai ꞌmướng ꞌnặn ꞌva, “ꞌChương khong ꞌmứng é đảy é ꞌmí ꞌnặn ꞌcọ sia#pay, ꞌnéo ꞌhung ꞌhướng kin dú lả sướng ꞌnặn ꞌcọ sia pay#mết, ꞌchí báu hên ꞌmắn sắc ꞌtưa#lo.”

15 Phủ ꞌcạ ꞌcốn khai ꞌpứng ꞌchương ꞌnặn đảy ꞌhăng ꞌmí nẳng ꞌmướng Ba‑bi‑ꞌlôn ꞌchí dưn dú cá đắc ꞌpưa dản đảy báp ꞌmo nẳng#ꞌmắn. Sau ꞌchí khék hảy ꞌtộc#khôm#ꞌva:

16 Báp ꞌmo ꞌcợn ꞌlế, chắng ꞌmá báp ꞌmo ꞌcợn#ꞌlế, ꞌmướng nháư#luông

ꞌlớng ꞌkhới ꞌnung ꞌchương phải#ꞌlụa, phải đeng#cắm, phải đeng ꞌca#ꞌpéng

ꞌKhới dỏng ꞌtứ ꞌcắm, ꞌtứ ꞌngọc, ꞌtứ sỏi mák pắt.

17 ꞌChương khong ꞌhăng ꞌmí ꞌcọ sia pay cuông ꞌchớ#điêu.

Phủ pên chảu ꞌhứa, phủ chảng khí ꞌhứa, ꞌpứng ꞌcốn ꞌdệt ꞌviạk nẳng#ꞌhứa, ꞌtếng cá ꞌcốn ꞌcạ khai ꞌtáng ꞌnặm#bể, phaư ꞌcọ dưn dú cá#đắc, 18 phó hên ꞌcuốn ꞌpháy mảy ꞌmướng luông#ꞌnặn, sau ꞌdiến khék khửn#ꞌva, “ꞌỐi, ꞌmướng nháư#luông, báu#ꞌmí ꞌmướng luông đaư pên ꞌsướng ꞌmướng luông#ꞌnị.”

19 ꞌLẹo sau căm khún sáư hua chảu kéng khék hảy ꞌtộc khôm ꞌcháng khửn#ꞌva:

Báp ꞌmo ꞌcợn#ꞌlế, chắng ꞌmá báp ꞌmo ꞌcợn#ꞌlế

ꞌMướng nháư luông ꞌdệt hảư ꞌpứng ꞌpo ꞌcạ ꞌtáng ꞌnặm ha ꞌngớn ꞌcắm đảy ꞌdọn pên ꞌmướng ꞌhăng#ꞌmí.

Cuông ꞌchớ điêu ꞌmướng ꞌnặn sák siêu sảu mong pay#mết.

20 ꞌMướng ꞌphạ ꞌhới

Dên ꞌpay Chảu Pua ꞌPhạ

ꞌPứng ꞌlam ꞌchạư páo kháo Chảu ꞌGiê‑ꞌsu

ꞌTếng cá ꞌlam páo ꞌquám Chảu Pua ꞌPhạ

ꞌChốm ꞌmuôn ꞌviạk Chảu Pua ꞌPhạ sáư ꞌtội ꞌmướng nháư#ꞌnặn

Pên ꞌviạk tóp ꞌmắn ꞌdệt hảư ꞌpứng chảu.

21 ꞌLẹo tiên ꞌchạư ꞌnưng ꞌmí phép ꞌhéng kheng cả đảy ꞌnhó au tón đán nháư ꞌsướng đán đúi#khảu, ꞌlẹo ꞌcọ thỉm ꞌlống ꞌnặm bể lỏ#ꞌva:

ꞌMướng luông Ba‑bi‑ꞌlôn ꞌchí chuốp thỉm ꞌhéng ꞌlống ꞌsướng#ꞌnặn

ꞌChí báu hên ꞌmắn sắc ꞌtưa lo.

22 Sương tính, sương#khắp, sương páu pí páu tút chảu báu đảy ꞌnghín#ꞌlẹo

ꞌChí báu hên phủ đaư pên ꞌchang săng

Sương đúi khảu ꞌcọ báu đảy ꞌnghín máư.

23 Nẳng hẳn ꞌcọ báu#hên ꞌlén ꞌhung

Sương phua ꞌmía sú căn báu đảy ꞌnghín ꞌlẹo.

Phủ ꞌcạ ꞌcốn khai nẳng ꞌmướng Ba‑bi‑ꞌlôn ꞌmí ꞌquiến ꞌsứa sáu#mết

Chảu au ꞌquám ꞌmăn bẻo ꞌlứa ꞌchu ꞌphắn ꞌcốn.

24 ꞌMen ꞌmướng Ba‑bi‑ꞌlôn ꞌnặn lo, pên ꞌmướng khả ꞌpứng ꞌlam páo ꞌquám Chảu Pua#ꞌPhạ

ꞌtếng cá dên ꞌpay ꞌTan chảu

kéng ꞌchu ꞌcốn phủ chuốp khả tai nẳng phén đin ꞌmướng#ꞌlum.