Tai Dam Nả ꞌviạk ꞌchí ꞌchọ pên ók 5

Tô ꞌDo ꞌnọi khay baư sư ꞌhắm ꞌvạy đảy

1 ꞌLẹo khỏi đảy hên ꞌmứ khoa ꞌTan phủ ꞌnăng ꞌtến khắm baư sư#ꞌhắm, tẻm ꞌtếng#cá song#nả. Baư sư ꞌhắm ꞌnặn đảy ꞌnhăm chết#dáu. 2 Khỏi hên tiên ꞌchạư ꞌnưng ꞌmí phép ꞌhéng kheng cả páo sương nháư#ꞌva, “Phaư#ꞌlế chắng sôm đáng ꞌchí kít dáu khay baư sư ꞌhắm ꞌnị ók#đảy?”

3 Báu ꞌva cá ꞌmướng ꞌphạ, ꞌtếng đin ꞌhứ#ꞌva cỏng đin ꞌcọ báu#ꞌmí phaư khay bớng baư sư ꞌhắm ꞌnặn#đảy. 4 Báu#hên phaư sôm đáng khay bớng#đảy, ꞌsướng ꞌnặn khỏi chắng khék hảy ꞌtộc#khôm. 5 Cuông mốt thảu ké ꞌnặn ꞌmí phủ#ꞌnưng bók khỏi#ꞌva, “ꞌNhá hảy ꞌvuốn#săng. ꞌẶn#ꞌnế, phủ khék#ꞌva sưa tử ꞌhọ ꞌháng Du‑đa, hảu ꞌhạk pua Đa‑ꞌvịt ꞌmưa ꞌláng ꞌnặn đảy ꞌpẹ ꞌluống ꞌtáng ꞌmựt#đăm. ꞌTan phủ ꞌnặn sôm đáng ꞌchí kít chết dáu khay baư sư ꞌhắm ꞌnặn ók#đảy.”

6 Khỏi ꞌcọ ꞌlé hên ꞌDo ꞌnọi* tô#ꞌnưng dưn dú cang ꞌchơng ꞌtến#luông, sí tô sắt ꞌmí ꞌlới dú kéng mốt thảu#ké. ꞌDo ꞌnọi Chảu Pua ꞌPhạ ꞌnặn bớng ꞌsướng chuốp#khả. ꞌDo ꞌnọi ꞌmí chết#khau, ꞌmí chết#ta, ꞌnặn lỏ#ꞌmen chết khuôn ꞌtếng#cá mết Chảu Pua ꞌPhạ đảy sống ꞌlống ꞌmá ꞌtua phén đin ꞌmướng#ꞌlum. 7 ꞌDo ꞌnọi đảy khảu pay au baư sư ꞌhắm nẳng ꞌmứ khoa ꞌTan phủ ꞌnăng#ꞌtến. 8 ꞌMưa khắm au#ꞌlẹo, sí tô sắt ꞌmí ꞌlới dú ꞌtếng#cá ꞌsáo sí thảu ké ꞌnặn ꞌdiến au căn múp ꞌlống ꞌlạy tó nả ꞌDo#ꞌnọi. Mỏi ꞌcốn phaư ꞌcọ khắm khẳng tính#ꞌnưng kéng thuổi ꞌcắm ꞌmí hương hom têm#dú, ꞌnặn lỏ ꞌmen ꞌquám dên ꞌpay đé so Chảu Pua#ꞌPhạ. 9 Sau đảy au căn khắp ꞌvái máư sỏng ꞌnhó ꞌDo ꞌnọi#ꞌva:

ꞌTan chảu sôm đáng au baư sư ꞌhắm đảy

ꞌTếng kít khay ꞌpứng dáu ꞌmắn#ók

ꞌPưa ꞌva ꞌTan chảu chuốp khả tai

ꞌDọn ꞌlượt lay ók chắng tháy au ꞌcốn ꞌtếng#cá

Mết ꞌchu ꞌhọ#ꞌháng, ꞌchu ꞌnéo pák#ꞌvạu, ꞌchu ꞌchựa#sai, ꞌchu ꞌphắn#ꞌcốn, ꞌmá pên dên ꞌpay Chảu Pua#ꞌPhạ.

10 ꞌTan hảư sau ꞌmá pên dên ꞌpay đảy dú cuông ꞌhôm ꞌngáu ꞌTan#chảu

Khảu pên mo vảy ꞌháu ꞌviạk Chảu Pua ꞌPhạ Chảu Chom ꞌsúm#ꞌháu

Phen sau ꞌchí đảy téng đa phén đin ꞌmướng ꞌlum.

11 Khỏi ꞌlé bớng, đảy ꞌnghín sương tiên ꞌchạư pên mứn pên#sen. Sau dú ỏm ꞌlọm ꞌtến#luông, ꞌpứng tô sắt ꞌmí ꞌlới dú kéng mốt thảu ké#ꞌnặn. 12 Sau khắp khék sương nháư khửn#ꞌva:

ꞌDo ꞌnọi chuốp khả ꞌlẹo ꞌnặn

Sôm đáng đảy phép ꞌquiến

Đảy ꞌnéo đi quí ꞌpéng

ꞌMí ꞌhụ ꞌmí lắc

Đảy phép ꞌhéng kheng cả

ꞌhung nả ꞌmá ta

ꞌchư siêng ꞌhung ꞌhướng

Sôm đáng đảy sỏng ꞌnhó.

13 ꞌLẹo khỏi đảy ꞌnghín sương ꞌchu ꞌnéo Chảu Pua ꞌPhạ sảng téng#ꞌnặn, báu#ꞌva cá ꞌmướng#ꞌphạ, ꞌtếng#đin, cỏng#đin, ꞌnặm#bể, ꞌchu sính ꞌchu ꞌnéo dú hẳn khắp#ꞌva:

ꞌQuám sỏng ꞌnhó

ꞌhung nả ꞌmá ta

ꞌchư siêng ꞌhung ꞌhướng

phép nháư ꞌquiến ꞌluông

So hảư pên khong ꞌTan phủ ꞌnăng ꞌtến ꞌtếng ꞌDo ꞌnọi

ꞌmứa nả ꞌlới ꞌlới.

14 Sí tô sắt ꞌmí ꞌlới dú ꞌvạu#ꞌva, ꞌa‑ꞌmen. Mốt thảu ké ꞌdiến au căn múp ꞌlạy#ꞌlống.

* 5:6 ꞌDo ꞌnọi, ꞌchị sáư Chảu ꞌGiê‑ꞌsu ꞌKha‑ꞌlịt (bớng nẳng Dô‑ꞌhăn#1:29).