ལེའུ་བཅུ་པ།
ཨ་ཧཱ་ཝེ་རོ་དང་མོར་དོ་ཀཱ་ཨི་གཉིས་ཀྱི་བྱས་རྗེས།
1 དེ་ཡང་རྒྱལ་པོ་ཨ་ཧཱ་ཝེ་རོ་ཡིས་སྐམ་ས་དང་རྒྱ་མཚོའི་གླིང་ཕྲན་རྣམས་ལ་དཔྱ་ཁྲལ་བཞག་གོ །
2 ཡང་ཁོང་གིས་དབང་དང་མཐུ་སྟོབས་ལ་བརྟེན་ནས་མཛད་པ་ཐམས་ཅད་དང་། ཁོང་གིས་མོར་དོ་ཀཱ་ཨི་ཆེན་པོར་མཛད་དེ་གོ་ས་གནང་བའི་ལོ་རྒྱུས་ནི། མཱ་ཏི་དང་ཏ་ཟིག་གི་རྒྱལ་པོ་རྣམས་ཀྱི་རྒྱལ་རབས་ཀྱི་དེབ་ཐེར་ནང་དུ་བྲིས་ཡོད་པ་མ་ཡིན་ནམ།
3 ཡ་ཧུ་དཱ་པ་མོར་དོ་ཀཱ་ཨི་ཡི་གོང་དུ་རྒྱལ་པོ་ཨ་ཧཱ་ཝེ་རོ་ལས་མེད་དེ། ཡ་ཧུ་དཱ་པའི་ཁྲོད་དུ་ཆེན་པོ་ཡིན་པ་དང་། རང་གི་མི་རྣམས་ཀྱི་ནང་དུ་འདང་ཆེན་ཞིག་ཡིན་ལ། དེས་རང་གི་མི་རྣམས་ཀྱི་ཕན་ཁེ་སྤེལ་བར་བརྩོན་ཏེ། མི་རབས་རྗེས་མ་ཐམས་ཅད་ཀྱི་དོན་དུ་བདེ་སྐྱིད་བསྙེགས་པའོ།། །།