ལེའུ་བདུན་པ།
གུར་མཆོག་དམ་པར་བྱེད་པའི་ཞལ་འདེབས།
1 དེ་ཡང་མོ་ཤེ་ཡིས་གུར་མཆོག་བསྒྲེངས་ཚར་བའི་ཉིན་མོ་དེར། དེ་ལ་འབྱུག་སྣུམ་གྱིས་བྱུགས་ཤིང་དམ་པར་བྱས་པ་དང་། དེའི་ནང་གི་ཡོ་བྱད་ཐམས་ཅད་དང་མཆོད་ཁྲི་དང་དེའི་ཡོ་བྱད་མཐའ་དག་ལ་འབྱུག་སྣུམ་གྱིས་བྱུགས་ཤིང་དམ་པར་བྱས།
2 དེ་ནས་ཡེས་ར་ཨེལ་གྱི་འགོ་དཔོན་རྣམས་ཏེ་ཁོ་ཚོའི་ཕ་ཁྱིམ་གྱི་འགོ་པ་ཐམས་ཅད་ཡོང་ནས་ཞལ་འདེབས་ཕུལ་བ་སྟེ། དེ་དག་ནི་ཚོ་པ་ཁག་གི་འགོ་དཔོན་རྣམས་ཡིན་ལ། རྩིས་བླངས་པའི་མི་རྣམས་ལ་དོ་དམ་བྱེད་མཁན་ཡིན་ནོ། །
3 དེ་དག་གིས་རང་རང་གི་འབུལ་བ་རྣམས་དཀོན་མཆོག་ཡ་ཝཱེའི་སྤྱན་སྔར་ཕུལ་བ་འདི་ལྟ་སྟེ། ཁེབས་ཡོད་ཤིང་རྟ་དྲུག་དང་གླང་གོག་བཅུ་གཉིས་ཡོད་ལ། འགོ་དཔོན་གཉིས་རེས་ཤིང་རྟ་རེ་དང་འགོ་དཔོན་རེ་རེས་གླང་གོག་རེ་གུར་མཆོག་གི་མདུན་དུ་ཁྱེར་འོངས་སོ། །
4 དེ་ནས་ཡང་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།
5 མཇལ་འཕྲད་གུར་མཆོག་གི་ལས་དོན་ཐད་བཀོལ་སྤྱོད་བྱེད་པའི་ཕྱིར་དུ། ཁྱོད་ཀྱིས་དེ་དག་བླངས་ནས་ལེ་ཝི་པ་རྣམས་ལ་སྤྲོད་ཅིག མི་རེ་རེའི་ལས་ཚན་བཞིན་དུ་ཁོ་རྣམས་ལ་སྟེར་དགོས་ཞེས་བཀའ་བསྩལ་ཏོ། །
6 དེ་བས་མོ་ཤེ་ཡིས་ཤིང་རྟ་དང་གླང་གོག་རྣམས་བླངས་ནས་ལེ་ཝི་པ་རྣམས་ལ་སྤྲད།
7 ཁོས་གེར་ཤོན་གྱི་བུ་རྒྱུད་རྣམས་ཀྱི་ཞབས་ཕྱིའི་ལས་ཚན་བཞིན་དུ། ཤིང་རྟ་གཉིས་དང་གླང་གོག་བཞི་ཁོ་རྣམས་ལ་སྤྲད་པ་དང་།
8 ཡང་མཱ་རཱ་རེའེ་ཡི་བུ་རྒྱུད་རྣམས་ཀྱི་ཞབས་ཕྱིའི་ལས་ཚན་བཞིན་དུ། ཤིང་རྟ་བཞི་དང་གླང་གོག་བརྒྱད་དེ་རྣམས་ལ་སྤྲད་ཅིང་། དེ་ཐམས་ཅད་ལ་མཆོད་དཔོན་ཨ་རོན་གྱི་བུ་ཨི་ཐ་མཱར་གྱིས་དོ་དམ་བྱེད་པའོ། །
9 འོན་ཀྱང་ཀོ་ཧད་ཀྱི་བུ་རྒྱུད་རྣམས་ཀྱིས་གནས་དམ་པ་རུ་ཞབས་ཕྱི་བྱེད་པ་དང་། རྫས་དམ་པ་རྣམས་ཕྲག་ལ་འཁུར་དགོས་པ་ཡིན་པས། དེ་ཚོར་ཅི་ཡང་མ་སྤྲད་དོ། །
10 མཆོད་ཁྲིར་འབྱུག་སྣུམ་གྱིས་བྱུགས་པའི་ཉིན་མོར། འགོ་དཔོན་རྣམས་ཀྱིས་མཆོད་ཁྲིར་བསྔོས་པའི་མཆོད་རྫས་རྣམས་ཁྱེར་འོངས་ཏེ། དེ་དག་གིས་རང་གི་མཆོད་པ་རྣམས་མཆོད་ཁྲིའི་མདུན་དུ་མཆོད་དོ། །
11 དེ་ནས་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ། འགོ་དཔོན་རྣམས་ཀྱིས་རང་རང་གི་མཆོད་ཁྲིར་བསྔོས་པའི་མཆོད་རྫས་འབུལ་དགོས་ཏེ། ཉིན་རེར་འགོ་དཔོན་གཅིག་གིས་མཆོད་པ་འཁྱེར་འོང་དགོས་ཞེས་བཀའ་བསྩལ་ཏོ། །
12 ཉིན་དང་པོར་མཆོད་པ་འབུལ་མཁན་ནི་ཡ་ཧུ་དཱ་ཚོ་པའི་ཨ་མི་ནཱ་དབ་ཀྱི་བུ་ནཱ་སོན་ཡིན་པ་དང་།
13 དེའི་མཆོད་པ་ནི་དངུལ་གྱི་སྡེར་མ་གཅིག་སྟེ། དངུལ་སྲང་བརྒྱ་དང་སུམ་ཅུ་ཡིན་པ་དང་། དངུལ་གྱི་ཕོར་བ་གཅིག་སྟེ་དངུལ་སྲང་བདུན་ཅུ་ཡིན་ལ། ཐམས་ཅད་གནས་མཆོག་གི་སྲང་ལྟར་ཡིན། སྣོད་དེ་གཉིས་ཀ་ཕྱེ་བཟང་པོ་སྣུམ་བསྲེས་མས་གང་བར་བྱས་ནས་འབྲུ་རིགས་ཀྱི་མཆོད་པར་ཕུལ་བའོ། །
14 སྲང་བཅུ་ལས་བརྡུངས་པའི་གསེར་གྱི་སྡེར་མ་གཅིག་དང་དེའི་ནང་དུ་བདུག་སྤོས་གང་བླུགས་ཡོད།
15 སྦྱིན་སྲེག་གི་ཕྱིར་དུ་གླང་ཐུག་གཅིག་དང་། ལུག་ཐུག་གཅིག་དང་། ལོ་གཅིག་ཅན་གྱི་ལུ་གུ་ཕོ་ཞིག་དང་།
16 སྡིག་བཤགས་མཆོད་པ་རུ་ར་ཕོ་གཅིག་བཅས་ཡོད།
17 ཞི་བདེའི་མཆོད་པའི་ཕྱིར་དུ་གླང་གོག་གཉིས་དང་། ལུག་ཐུག་ལྔ་དང་། ར་ཕོ་ལྔ་དང་། ལོ་གཅིག་ཅན་གྱི་ལུ་གུ་ཕོ་ལྔ་བཅས་ཡོད་ལ། དེ་ནི་ཨ་མི་ནཱ་དབ་ཀྱི་བུ་ནཱ་སོན་གྱི་མཆོད་པ་ཡིན་ནོ། །
18 ཉིན་གཉིས་པར་མཆོད་པ་འབུལ་མཁན་ནི་ཡེས་སི་ཀཱར་གྱི་འགོ་དཔོན་ཙུ་ཨར་གྱི་བུ་ནེ་ཐན་ཨེལ་ཡིན་པ་དང་།
19 ཁོས་ཕུལ་བའི་མཆོད་པ་ནི་དངུལ་གྱི་སྡེར་མ་གཅིག་སྟེ་དངུལ་སྲང་བརྒྱ་དང་སུམ་ཅུ་ཡིན་པ་དང་། དངུལ་གྱི་ཕོར་བ་གཅིག་སྟེ་དངུལ་སྲང་བདུན་ཅུ་ཡིན་ལ། ཐམས་ཅད་གནས་མཆོག་གི་སྲང་ལྟར་ཡིན། སྣོད་དེ་གཉིས་ཀ་ཕྱེ་བཟང་པོ་སྣུམ་བསྲེས་མས་གང་བར་བྱས་ནས་འབྲུ་རིགས་ཀྱི་མཆོད་པར་ཕུལ་བའོ། །
20 སྲང་བཅུ་ལས་བརྡུངས་པའི་གསེར་གྱི་སྡེར་མ་གཅིག་དང་དེའི་ནང་དུ་བདུག་སྤོས་གང་བླུགས་ཡོད།
21 སྦྱིན་སྲེག་གི་ཕྱིར་དུ་གླང་ཐུག་གཅིག་དང་། ལུག་ཐུག་གཅིག་དང་། ལོ་གཅིག་ཅན་གྱི་ལུ་གུ་ཕོ་ཞིག་དང་།
22 སྡིག་བཤགས་མཆོད་པ་རུ་ར་ཕོ་གཅིག་བཅས་ཡོད།
23 ཞི་བདེའི་མཆོད་པའི་ཕྱིར་དུ་གླང་གོག་གཉིས་དང་། ལུག་ཐུག་ལྔ་དང་། ར་ཕོ་ལྔ་དང་། ལོ་གཅིག་ཅན་གྱི་ལུ་གུ་ཕོ་ལྔ་བཅས་ཡོད་ལ། དེ་ནི་ཙུ་ཨར་གྱི་བུ་ནེ་ཐན་ཨེལ་གྱི་མཆོད་པ་ཡིན་ནོ། །
24 ཉིན་གསུམ་པར་མཆོད་པ་འབུལ་མཁན་ནི་ཟེ་བུ་ལུན་གྱི་བུ་རྒྱུད་རྣམས་ཀྱི་འགོ་དཔོན་ཧེ་ལོན་གྱི་བུ་ཨེ་ལི་ཨབ་ཡིན་པ་དང་།
25 དེའི་མཆོད་པ་ནི་དངུལ་གྱི་སྡེར་མ་གཅིག་སྟེ་དངུལ་སྲང་བརྒྱ་དང་སུམ་ཅུ་ཡིན་པ་དང་། དངུལ་གྱི་ཕོར་བ་གཅིག་སྟེ་དངུལ་སྲང་བདུན་ཅུ་ཡིན་ལ། ཐམས་ཅད་གནས་མཆོག་གི་སྲང་ལྟར་ཡིན། སྣོད་དེ་གཉིས་ཀ་ཕྱེ་བཟང་པོ་སྣུམ་བསྲེས་མས་གང་བར་བྱས་ནས་འབྲུ་རིགས་ཀྱི་མཆོད་པར་ཕུལ་བའོ། །
26 སྲང་བཅུ་ལས་བརྡུངས་པའི་གསེར་གྱི་སྡེར་མ་གཅིག་དང་དེའི་ནང་དུ་བདུག་སྤོས་གང་བླུགས་ཡོད།
27 སྦྱིན་སྲེག་གི་ཕྱིར་དུ་གླང་ཐུག་གཅིག་དང་། ལུག་ཐུག་གཅིག་དང་། ལོ་གཅིག་ཅན་གྱི་ལུ་གུ་ཕོ་ཞིག་དང་།
28 སྡིག་བཤགས་མཆོད་པ་རུ་ར་ཕོ་གཅིག་བཅས་ཡོད།
29 ཞི་བདེའི་མཆོད་པའི་ཕྱིར་དུ་གླང་གོག་གཉིས་དང་། ལུག་ཐུག་ལྔ་དང་། ར་ཕོ་ལྔ་དང་། ལོ་གཅིག་ཅན་གྱི་ལུ་གུ་ཕོ་ལྔ་བཅས་ཡོད་ལ། དེ་ནི་ཧེ་ལོན་གྱི་བུ་ཨེ་ལི་ཨབ་ཀྱི་མཆོད་པ་ཡིན་ནོ། །
30 ཉིན་བཞི་པར་མཆོད་པ་འབུལ་མཁན་ནི་རུ་བེན་གྱི་བུ་རྒྱུད་རྣམས་ཀྱི་འགོ་དཔོན་ཤེ་དེ་ཨུར་གྱི་བུ་ཨེ་ལི་ཚུར་ཡིན་པ་དང་།
31 དེའི་མཆོད་པ་ནི་དངུལ་གྱི་སྡེར་མ་གཅིག་སྟེ་དངུལ་སྲང་བརྒྱ་དང་སུམ་ཅུ་ཡིན་པ་དང་། དངུལ་གྱི་ཕོར་བ་གཅིག་སྟེ་དངུལ་སྲང་བདུན་ཅུ་ཡིན་ལ། ཐམས་ཅད་གནས་མཆོག་གི་སྲང་ལྟར་ཡིན། སྣོད་དེ་གཉིས་ཀ་ཕྱེ་བཟང་པོ་སྣུམ་བསྲེས་མས་གང་བར་བྱས་ནས་འབྲུ་རིགས་ཀྱི་མཆོད་པར་ཕུལ་བའོ། །
32 སྲང་བཅུ་ལས་བརྡུངས་པའི་གསེར་གྱི་སྡེར་མ་གཅིག་དང་དེའི་ནང་དུ་བདུག་སྤོས་གང་བླུགས་ཡོད།
33 སྦྱིན་སྲེག་གི་ཕྱིར་དུ་གླང་ཐུག་གཅིག་དང་། ལུག་ཐུག་གཅིག་དང་། ལོ་གཅིག་ཅན་གྱི་ལུ་གུ་ཕོ་ཞིག་དང་།
34 སྡིག་བཤགས་མཆོད་པ་རུ་ར་ཕོ་གཅིག་བཅས་ཡོད།
35 ཞི་བདེའི་མཆོད་པའི་ཕྱིར་དུ་གླང་གོག་གཉིས་དང་། ལུག་ཐུག་ལྔ་དང་། ར་ཕོ་ལྔ་དང་ལོ་གཅིག་ཅན་གྱི་ལུ་གུ་ཕོ་ལྔ་བཅས་ཡོད་ལ། དེ་ནི་ཤེ་དེ་ཨུར་གྱི་བུ་ཨེ་ལི་ཚུར་གྱི་མཆོད་པ་ཡིན་ནོ། །
36 ཉིན་ལྔ་པར་མཆོད་པ་འབུལ་མཁན་ནི་སི་མུ་ཨོན་གྱི་བུ་རྒྱུད་རྣམས་ཀྱི་འགོ་དཔོན་ཙུ་རེ་ཤད་དཱ་ཨིའི་བུ་ཤེ་ལུ་མེ་ཨེལ་ཡིན་པ་དང་།
37 དེའི་མཆོད་པ་ནི་དངུལ་གྱི་སྡེར་མ་གཅིག་སྟེ་དངུལ་སྲང་བརྒྱ་དང་སུམ་ཅུ་ཡིན་པ་དང་། དངུལ་གྱི་ཕོར་བ་གཅིག་སྟེ་དངུལ་སྲང་བདུན་ཅུ་ཡིན་ལ། ཐམས་ཅད་གནས་མཆོག་གི་སྲང་ལྟར་ཡིན། སྣོད་དེ་གཉིས་ཀ་ཕྱེ་བཟང་པོ་སྣུམ་བསྲེས་མས་གང་བར་བྱས་ནས་འབྲུ་རིགས་ཀྱི་མཆོད་པར་ཕུལ་བའོ། །
38 སྲང་བཅུ་ལས་བརྡུངས་པའི་གསེར་གྱི་སྡེར་མ་གཅིག་དང་དེའི་ནང་དུ་བདུག་སྤོས་གང་བླུགས་ཡོད།
39 སྦྱིན་སྲེག་གི་ཕྱིར་དུ་གླང་ཐུག་གཅིག་དང་། ལུག་ཐུག་གཅིག་དང་། ལོ་གཅིག་ཅན་གྱི་ལུ་གུ་ཕོ་ཞིག་དང་།
40 སྡིག་བཤགས་མཆོད་པ་རུ་ར་ཕོ་གཅིག་བཅས་ཡོད།
41 ཞི་བདེའི་མཆོད་པའི་ཕྱིར་དུ་གླང་གོག་གཉིས་དང་། ལུག་ཐུག་ལྔ་དང་། ར་ཕོ་ལྔ་དང་། ལོ་གཅིག་ཅན་གྱི་ལུ་གུ་ཕོ་ལྔ་བཅས་ཡོད་ལ། དེ་ནི་ཙུ་རེ་ཤད་དཱ་ཨིའི་བུ་ཤེ་ལུ་མེ་ཨེལ་གྱི་མཆོད་པ་ཡིན་ནོ། །
42 ཉིན་དྲུག་པར་མཆོད་པ་འབུལ་མཁན་ནི་གཱ་རྡུ་ཡི་བུ་རྒྱུད་རྣམས་ཀྱི་འགོ་དཔོན་དི་ཨོ་ཨེལ་གྱི་བུ་ཨེལ་ཡཱ་སབ་ཡིན་པ་དང་།
43 དེའི་མཆོད་པ་ནི་དངུལ་གྱི་སྡེར་མ་གཅིག་སྟེ་དངུལ་སྲང་བརྒྱ་དང་སུམ་ཅུ་ཡིན་པ་དང་། དངུལ་གྱི་ཕོར་བ་གཅིག་སྟེ་དངུལ་སྲང་བདུན་ཅུ་ཡིན་ལ། ཐམས་ཅད་གནས་མཆོག་གི་སྲང་ལྟར་ཡིན། སྣོད་དེ་གཉིས་ཀ་ཕྱེ་བཟང་པོ་སྣུམ་བསྲེས་མས་གང་བར་བྱས་ནས་འབྲུ་རིགས་ཀྱི་མཆོད་པར་ཕུལ་བའོ། །
44 སྲང་བཅུ་ལས་བརྡུངས་པའི་གསེར་གྱི་སྡེར་མ་གཅིག་དང་དེའི་ནང་དུ་བདུག་སྤོས་གང་བླུགས་ཡོད།
45 སྦྱིན་སྲེག་གི་ཕྱིར་དུ་གླང་ཐུག་གཅིག་དང་། ལུག་ཐུག་གཅིག་དང་། ལོ་གཅིག་ཅན་གྱི་ལུ་གུ་ཕོ་ཞིག་དང་།
46 སྡིག་བཤགས་མཆོད་པ་རུ་ར་ཕོ་གཅིག་བཅས་ཡོད།
47 ཞི་བདེའི་མཆོད་པའི་ཕྱིར་དུ་གླང་གོག་གཉིས་དང་། ལུག་ཐུག་ལྔ་དང་། ར་ཕོ་ལྔ་དང་། ལོ་གཅིག་ཅན་གྱི་ལུ་གུ་ཕོ་ལྔ་བཅས་ཡོད་ལ། དེ་ནི་དི་ཨོ་ཨེལ་གྱི་བུ་ཨེལ་ཡཱ་སབ་ཀྱི་མཆོད་པ་ཡིན་ནོ། །
48 ཉིན་བདུན་པར་མཆོད་པ་འབུལ་མཁན་ནི་ཨེ་ཕཱར་ཡིམ་གྱི་བུ་རྒྱུད་རྣམས་ཀྱི་འགོ་དཔོན་ཨམ་མེ་ཧུད་ཀྱི་བུ་ཨེ་ལི་ཤ་མཱ་ཡིན་པ་དང་།
49 དེའི་མཆོད་པ་ནི་དངུལ་གྱི་སྡེར་མ་གཅིག་སྟེ་དངུལ་སྲང་བརྒྱ་དང་སུམ་ཅུ་ཡིན་པ་དང་། དངུལ་གྱི་ཕོར་བ་གཅིག་སྟེ་དངུལ་སྲང་བདུན་ཅུ་ཡིན་ལ། ཐམས་ཅད་གནས་མཆོག་གི་སྲང་ལྟར་ཡིན། སྣོད་དེ་གཉིས་ཀ་ཕྱེ་བཟང་པོ་སྣུམ་བསྲེས་མས་གང་བར་བྱས་ནས་འབྲུ་རིགས་ཀྱི་མཆོད་པར་ཕུལ་བའོ། །
50 སྲང་བཅུ་ལས་བརྡུངས་པའི་གསེར་གྱི་སྡེར་མ་གཅིག་དང་དེའི་ནང་དུ་བདུག་སྤོས་གང་བླུགས་ཡོད།
51 སྦྱིན་སྲེག་གི་ཕྱིར་དུ་གླང་ཐུག་གཅིག་དང་། ལུག་ཐུག་གཅིག་དང་། ལོ་གཅིག་ཅན་གྱི་ལུ་གུ་ཕོ་ཞིག་དང་།
52 སྡིག་བཤགས་མཆོད་པ་རུ་ར་ཕོ་གཅིག་བཅས་ཡོད།
53 ཞི་བདེའི་མཆོད་པའི་ཕྱིར་དུ་གླང་གོག་གཉིས་དང་། ལུག་ཐུག་ལྔ་དང་། ར་ཕོ་ལྔ་དང་། ལོ་གཅིག་ཅན་གྱི་ལུ་གུ་ཕོ་ལྔ་བཅས་ཡོད་ལ། དེ་ནི་ཨམ་མེ་ཧུད་ཀྱི་བུ་ཨེ་ལི་ཤ་མཱའི་མཆོད་པ་ཡིན་ནོ། །
54 ཉིན་བརྒྱད་པར་མཆོད་པ་འབུལ་མཁན་ནི་མཱ་ན་ཤེའི་བུ་རྒྱུད་རྣམས་ཀྱི་འགོ་དཔོན་ཕེ་དཱ་ཚུར་གྱི་བུ་གམ་ལི་ཨེལ་ཡིན་པ་དང་།
55 དེའི་མཆོད་པ་ནི་དངུལ་གྱི་སྡེར་མ་གཅིག་སྟེ་དངུལ་སྲང་བརྒྱ་དང་སུམ་ཅུ་ཡིན་པ་དང་། དངུལ་གྱི་ཕོར་བ་གཅིག་སྟེ་དངུལ་སྲང་བདུན་ཅུ་ཡིན་ལ། ཐམས་ཅད་གནས་མཆོག་གི་སྲང་ལྟར་ཡིན། སྣོད་དེ་གཉིས་ཀ་ཕྱེ་བཟང་པོ་སྣུམ་བསྲེས་མས་གང་བར་བྱས་ནས་འབྲུ་རིགས་ཀྱི་མཆོད་པར་ཕུལ་བའོ། །
56 སྲང་བཅུ་ལས་བརྡུངས་པའི་གསེར་གྱི་སྡེར་མ་གཅིག་དང་དེའི་ནང་དུ་བདུག་སྤོས་གང་བླུགས་ཡོད།
57 སྦྱིན་སྲེག་གི་ཕྱིར་དུ་གླང་ཐུག་གཅིག་དང་ལུག་ཐུག་གཅིག་དང་། ལོ་གཅིག་ཅན་གྱི་ལུ་གུ་ཕོ་ཞིག་དང་།
58 སྡིག་བཤགས་མཆོད་པ་རུ་ར་ཕོ་གཅིག་ཡོད།
59 ཞི་བདེའི་མཆོད་པའི་ཕྱིར་དུ་གླང་གོག་གཉིས་དང་། ལུག་ཐུག་ལྔ་དང་། ར་ཕོ་ལྔ་དང་། ལོ་གཅིག་ཅན་གྱི་ལུ་གུ་ཕོ་ལྔ་བཅས་ཡོད་ལ། དེ་ནི་ཕེ་དཱ་ཚུར་གྱི་བུ་གམ་ལི་ཨེལ་གྱི་མཆོད་པ་ཡིན་ནོ། །
60 ཉིན་དགུ་པར་མཆོད་པ་འབུལ་མཁན་ནི་པེན་ཡཱ་མེན་གྱི་བུ་རྒྱུད་རྣམས་ཀྱི་འགོ་དཔོན་གིད་ཨོ་ནཱའི་བུ་ཨ་བི་ཏན་ཡིན་པ་དང་།
61 དེའི་མཆོད་པ་ནི་དངུལ་གྱི་སྡེར་མ་གཅིག་སྟེ་དངུལ་སྲང་བརྒྱ་དང་སུམ་ཅུ་ཡིན་པ་དང་། དངུལ་གྱི་ཕོར་བ་གཅིག་སྟེ་དངུལ་སྲང་བདུན་ཅུ་ཡིན་ལ། ཐམས་ཅད་གནས་མཆོག་གི་སྲང་ལྟར་ཡིན། སྣོད་དེ་གཉིས་ཀ་ཕྱེ་བཟང་པོ་སྣུམ་བསྲེས་མས་གང་བར་བྱས་ནས་འབྲུ་རིགས་ཀྱི་མཆོད་པར་ཕུལ་བའོ། །
62 སྲང་བཅུ་ལས་བརྡུངས་པའི་གསེར་གྱི་སྡེར་མ་གཅིག་དང་དེའི་ནང་དུ་བདུག་སྤོས་གང་བླུགས་ཡོད།
63 སྦྱིན་སྲེག་གི་ཕྱིར་དུ་གླང་ཐུག་གཅིག་དང་། ལུག་ཐུག་གཅིག་དང་། ལོ་གཅིག་ཅན་གྱི་ལུ་གུ་ཕོ་ཞིག་དང་།
64 སྡིག་བཤགས་མཆོད་པ་རུ་ར་ཕོ་གཅིག་བཅས་ཡོད།
65 ཞི་བདེའི་མཆོད་པའི་ཕྱིར་དུ་གླང་གོག་གཉིས་དང་། ལུག་ཐུག་ལྔ་དང་། ར་ཕོ་ལྔ་དང་། ལོ་གཅིག་ཅན་གྱི་ལུ་གུ་ཕོ་ལྔ་བཅས་ཡོད་ལ། དེ་ནི་གིད་ཨོ་ནཱའི་བུ་ཨ་བི་ཏན་གྱི་མཆོད་པ་ཡིན་ནོ། །
66 ཉིན་བཅུ་པར་མཆོད་པ་འབུལ་མཁན་ནི་དཱན་གྱི་བུ་རྒྱུད་རྣམས་ཀྱི་འགོ་དཔོན་ཨམ་མེ་ཤད་ད་ཨི་ཡི་བུ་ཨ་ཧི་ཨེ་ཟེར་ཡིན་པ་དང་།
67 དེའི་མཆོད་པ་ནི་དངུལ་གྱི་སྡེར་མ་གཅིག་སྟེ་དངུལ་སྲང་བརྒྱ་དང་སུམ་ཅུ་ཡིན་པ་དང་། དངུལ་གྱི་ཕོར་བ་གཅིག་སྟེ་དངུལ་སྲང་བདུན་ཅུ་ཡིན་ལ། ཐམས་ཅད་གནས་མཆོག་གི་སྲང་ལྟར་ཡིན། སྣོད་དེ་གཉིས་ཀ་ཕྱེ་བཟང་པོ་སྣུམ་བསྲེས་མས་གང་བར་བྱས་ནས་འབྲུ་རིགས་ཀྱི་མཆོད་པར་ཕུལ་བའོ། །
68 སྲང་བཅུ་ལས་བརྡུངས་པའི་གསེར་གྱི་སྡེར་མ་གཅིག་དང་དེའི་ནང་དུ་བདུག་སྤོས་གང་བླུགས་ཡོད།
69 སྦྱིན་སྲེག་གི་ཕྱིར་དུ་གླང་ཐུག་གཅིག་དང་། ལུག་ཐུག་གཅིག་དང་། ལོ་གཅིག་ཅན་གྱི་ལུ་གུ་ཕོ་ཞིག་དང་།
70 སྡིག་བཤགས་མཆོད་པ་རུ་ར་ཕོ་གཅིག་བཅས་ཡོད།
71 ཞི་བདེའི་མཆོད་པའི་ཕྱིར་དུ་གླང་གོག་གཉིས་དང་། ལུག་ཐུག་ལྔ་དང་། ར་ཕོ་ལྔ་དང་། ལོ་གཅིག་ཅན་གྱི་ལུ་གུ་ཕོ་ལྔ་བཅས་ཡོད་ལ། དེ་ནི་ཨམ་མེ་ཤད་ད་ཨི་ཡི་བུ་ཨ་ཧི་ཨེ་ཟེར་གྱི་མཆོད་པ་ཡིན་ནོ། །
72 ཉིན་བཅུ་གཅིག་པར་མཆོད་པ་འབུལ་མཁན་ནི་ཨ་ཤེར་གྱི་བུ་རྒྱུད་རྣམས་ཀྱི་འགོ་དཔོན་ཨོག་རན་གྱི་བུ་ཕཱ་གེ་ཨེལ་ཡིན་པ་དང་།
73 དེའི་མཆོད་པ་ནི་དངུལ་གྱི་སྡེར་མ་གཅིག་སྟེ་དངུལ་སྲང་བརྒྱ་དང་སུམ་ཅུ་ཡིན་པ་དང་། དངུལ་གྱི་ཕོར་བ་གཅིག་སྟེ་དངུལ་སྲང་བདུན་ཅུ་ཡིན་ལ། ཐམས་ཅད་གནས་མཆོག་གི་སྲང་ལྟར་ཡིན། སྣོད་དེ་གཉིས་ཀ་ཕྱེ་བཟང་པོ་སྣུམ་བསྲེས་མས་གང་བར་བྱས་ནས་འབྲུ་རིགས་ཀྱི་མཆོད་པར་ཕུལ་བའོ། །
74 སྲང་བཅུ་ལས་བརྡུངས་པའི་གསེར་གྱི་སྡེར་མ་གཅིག་དང་དེའི་ནང་དུ་བདུག་སྤོས་གང་བླུགས་ཡོད།
75 སྦྱིན་སྲེག་གི་ཕྱིར་དུ་གླང་ཐུག་གཅིག་དང་། ལུག་ཐུག་གཅིག་དང་། ལོ་གཅིག་ཅན་གྱི་ལུ་གུ་ཕོ་ཞིག་དང་།
76 སྡིག་བཤགས་མཆོད་པ་རུ་ར་ཕོ་གཅིག་བཅས་ཡོད།
77 ཞི་བདེའི་མཆོད་པའི་ཕྱིར་དུ་གླང་གོག་གཉིས་དང་། ལུག་ཐུག་ལྔ་དང་། ར་ཕོ་ལྔ་དང་། ལོ་གཅིག་ཅན་གྱི་ལུ་གུ་ཕོ་ལྔ་བཅས་ཡོད་ལ། དེ་ནི་ཨོག་རན་གྱི་བུ་ཕཱ་གེ་ཨེལ་གྱི་མཆོད་པ་ཡིན་ནོ། །
78 ཉིན་བཅུ་གཉིས་པར་མཆོད་པ་འབུལ་མཁན་ནི་ནཱབ་ཐ་ལིའི་བུ་རྒྱུད་རྣམས་ཀྱི་འགོ་དཔོན་ཨེ་ནན་གྱི་བུ་ཨ་ཧི་རཱ་ཡིན་པ་དང་།
79 དེའི་མཆོད་པ་ནི་དངུལ་གྱི་སྡེར་མ་གཅིག་སྟེ་དངུལ་སྲང་བརྒྱ་དང་སུམ་ཅུ་ཡིན་པ་དང་། དངུལ་གྱི་ཕོར་བ་གཅིག་སྟེ་དངུལ་སྲང་བདུན་ཅུ་ཡིན་ལ། ཐམས་ཅད་གནས་མཆོག་གི་སྲང་ལྟར་ཡིན། སྣོད་དེ་གཉིས་ཀ་ཕྱེ་བཟང་པོ་སྣུམ་བསྲེས་མས་གང་བར་བྱས་ནས་འབྲུ་རིགས་ཀྱི་མཆོད་པར་ཕུལ་བའོ། །
80 སྲང་བཅུ་ལས་བརྡུངས་པའི་གསེར་གྱི་སྡེར་མ་གཅིག་དང་དེའི་ནང་དུ་བདུག་སྤོས་གང་བླུགས་ཡོད།
81 སྦྱིན་སྲེག་གི་ཕྱིར་དུ་གླང་ཐུག་གཅིག་དང་། ལུག་ཐུག་གཅིག་དང་། ལོ་གཅིག་ཅན་གྱི་ལུ་གུ་ཕོ་ཞིག་དང་།
82 སྡིག་བཤགས་མཆོད་པ་རུ་ར་ཕོ་གཅིག་བཅས་ཡོད།
83 ཞི་བདེའི་མཆོད་པའི་ཕྱིར་དུ་གླང་གོག་གཉིས་དང་། ལུག་ཐུག་ལྔ་དང་། ར་ཕོ་ལྔ་དང་། ལོ་གཅིག་ཅན་གྱི་ལུ་གུ་ཕོ་ལྔ་བཅས་ཡོད་ལ། དེ་ནི་ཨེ་ནན་གྱི་བུ་ཨ་ཧི་རཱའི་མཆོད་པ་ཡིན་ནོ། །
84 དེ་རྣམས་ནི་མཆོད་ཁྲིར་འབྱུག་སྣུམ་གྱིས་བྱུག་པའི་ཉིན་མོར། ཡེས་ར་ཨེལ་གྱི་འགོ་དཔོན་རྣམས་ཀྱིས་མཆོད་ཁྲིར་བསྔོས་པའི་མཆོད་པ་སྟེ། བསྡོམས་པས་དངུལ་གྱི་སྡེར་མ་བཅུ་གཉིས་དང་དངུལ་གྱི་ཕོར་བ་བཅུ་གཉིས། གསེར་གྱི་སྡེར་མ་བཅུ་གཉིས་བཅས་སོ། །
85 སྡེར་མ་རེའི་སྲང་ནི་བརྒྱ་དང་སུམ་ཅུ་ཡིན་པ་དང་། ཕོར་བ་རེའི་སྲང་ནི་བདུན་ཅུ་ཡིན་ལ། སྣོད་ཆས་རྣམས་ཀྱི་དངུལ་ཐམས་ཅད་གནས་མཆོག་གི་སྲང་བཞིན་དུ་བསྡོམས་པས་དངུལ་སྲང་ཉིས་སྟོང་བཞི་བརྒྱའོ། །
86 བདུག་སྤོས་ཀྱིས་གང་བའི་གསེར་གྱི་སྡེར་མ་བཅུ་གཉིས་ཏེ། སྡེར་མ་རེའི་སྲང་ནི་གནས་མཆོག་གི་སྲང་བཞིན་དུ་དངུལ་སྲང་བཅུ་ཡིན། སྡེར་མ་རྣམས་ཀྱི་གསེར་ཐམས་ཅད་བསྡོམས་པས་སྲང་བརྒྱ་དང་ཉི་ཤུའོ། །
87 སྦྱིན་སྲེག་གི་ཕྱིར་དུ་ཕུལ་བའི་ཕྱུགས་ནི་བསྡོམས་པས་གླང་ཐུག་བཅུ་གཉིས་དང་། ལུག་ཐུག་བཅུ་གཉིས། ལོ་གཅིག་ཅན་གྱི་ལུ་གུ་ཕོ་བཅུ་གཉིས་དང་དེ་དག་དང་མཉམ་དུ་ཕུལ་བའི་འབྲུ་རིགས་ཀྱི་མཆོད་པ། སྡིག་བཤགས་མཆོད་པ་རུ་ཕུལ་བའི་ར་ཕོ་བཅུ་གཉིས་བཅས་སོ། །
88 ཞི་བདེའི་མཆོད་པར་ཕུལ་བའི་ཕྱུགས་ནི་བསྡོམས་པས་གླང་ཐུག་ཉི་ཤུ་ཉེར་བཞི་དང་། ལུག་ཐུག་དྲུག་ཅུ། ར་ཕོ་དྲུག་ཅུ། ལོ་གཅིག་ཅན་གྱི་ལུ་གུ་ཕོ་དྲུག་ཅུ་བཅས་ཡིན་ལ། དེ་དག་ནི་མཆོད་ཁྲིར་འབྱུག་སྣུམ་གྱིས་བྱུགས་རྗེས་མཆོད་ཁྲིར་བསྔོས་པའི་མཆོད་པ་ཡིན་ནོ། །
89 མོ་ཤེ་དཀོན་མཆོག་ཡ་ཝཱེ་དང་གསུང་གླེང་མཛད་པར་མཇལ་འཕྲད་གུར་མཆོག་ནང་དུ་སོང་བའི་ཚེ། དཔང་མཛད་ཤུར་སྒམ་གྱི་སྟེང་དུ་ཡོད་པའི་ཐུགས་རྗེའི་བཞུགས་ཁྲི་དང་། ཀེ་རུབ་གཉིས་ཀའི་བར་ནས་རང་ལ་གསུང་གླེང་མཛད་པའི་སྒྲ་ཞིག་ཐོས་ཤིང་། དཀོན་མཆོག་ཡ་ཝཱེས་མོ་ཤེ་ལ་བཀའ་བསྩལ་ཏོ། །