Bibeli Luayãtaalá Salomↄↄ lɛ 6

Yelusalɛũ nɛnↄnaↄ

1 N gbɛ̃́ pↄ́ ń kɛfɛũ dɛ nↄɛↄla píi,

n yenzide gɛ̀ má ni?

N yenzide mi dì má oiɛ

kɛ́ wà e wà aà wɛɛlɛnnↄi?

Nↄɛ

2 Ma yenzide gɛ̀ a pↄ́ gĩnana buaɛ,

à gɛ̀ pↄblei a kaauɛ,

i lávuↄ wɛ.

3 Ma yenzideá ma pↄ́ɛ,

mɛ́ aà pↄ́n ma ũ,

àlɛ pↄble sũmaavuↄ guuɛ.

Kía

4 Ma gbɛ̃na, ń kɛfɛũ lán Tiizawa,

ń maa lán Yelusalɛũwa.

N yã́ ì dimá

lán zĩgↄ̃ pↄ́ dàlapoo kũaↄwa.

5 Wɛgoa, asa málɛ liɛ.

N mikã dɛ lán blè wiilaↄ pilaa Galada sĩ̀sĩwawa.

6 N swaa pua lán sã pↄ́ aa bↄ̀lɛ zu'okĩi aalɛ suↄwa.

Aa kↄ̃sɛ̀ plapla píi,

an kee i pↄsɛ bↄo.

7 N gɛɛ dɛ lán gbɛafu pɛɛwa

n sálana fòou.

8 Ma naↄ kà bàaↄ̃,

a pↄ́ mi mɛ́sɛdilɛnɛ́oↄ basiiↄ̃,

a lɛ́soↄ lɛ́ vĩo,

9 ãma ma felen sãasai adoaɛ,

aà da nɛ́ mɛ̀ndonan we,

aà da'iapi pↄ dↄwàɛ.

Tó nɛnↄnaↄ aà è, aaì aà sáaukpaɛ,

ma nↄpiↄ ì aà tↄbↄ ḿpii.

10 Démɛ bↄ̀ lɛ́ mↄ́ kee lán gudↄawai?

A kɛfɛũ lán mↄvuawa,

a pípia lán ĩatɛ̃wa.

Aà yã́ ì dimá

lán zĩgↄ̃ pↄ́ dàlapoo kũaↄwa.

11 Ma gɛ lí pↄ́ wì a wɛ́na só kaau,

ma pila swa'ɛu pↄ́ↄ lá taa gwaiɛ.

Ma gɛ gwai tó vɛ̃ɛↄ bↄlↄbↄ̀,

tó gbɛafuↄ vukɛ̀.

12 Mi dↄ̃ kɛ́ ma nisĩna ma sɛ

gɛ̀manↄ ma kía deeↄ sↄ̃́goↄ guuo.