3
Dɑfidin bibun bweserun tɔ̃kɑ
1 Bii be Dɑfidi u mɑrɑ Heboroniɔ ben yĩsɑ wee. Amɔɔ, Akinɔɑmu Yisirɛɛligiin biiwɑ u sɑ̃ɑ gbiikoo. Mɑ Dɑniɛli, Abigɑli, Kɑɑmɛligiin bii u sɑ̃ɑ yiruse.
2 Mɑ Abusɑlɔmu, Mɑɑkɑn bii u sɑ̃ɑ itɑse. Mɑɑkɑ wi, u sɑ̃ɑwɑ Tɑlimɑi, Gesurin sinɑ bokon bii. Mɑ Adoniyɑ, Hɑgitin bii u sɑ̃ɑ nnɛse.
3 Mɑ Sefɑtiɑ, Abitɑlin bii u sɑ̃ɑ nɔɔbuse. Mɑ Yitireɑmu, Egilɑn bii u sɑ̃ɑ nɔɔbɑ tiɑse. Egilɑ wi, u mɑɑ sɑ̃ɑwɑ Dɑfidin kurɔbun turo.
4 Be nɔɔbɑ tiɑ yerɑ bɑ nùn mɑruɑ Heboroniɔ. Dɑfidi u bɑndu diwɑ Heboroni mi wɔ̃ɔ nɔɔbɑ yiru kɑ suru nɔɔbɑ tiɑ. Yen biruwɑ u mɑɑ bɑndu di Yerusɑlɛmuɔ wɔ̃ɔ tɛnɑ kɑ itɑ.
5 Bii be u mɑɑ mɑrɑ Yerusɑlɛmuɔ, berɑ Simɛɑ, kɑ Sobɑbu, kɑ Nɑtɑni kɑ Sɑlomɔɔ. Bibu nnɛ ye, yɑ sɑ̃ɑwɑ Bɑti Sebɑ, Amiɛlin biin bibu.
6 Dɑfidi u mɑɑ bibu gɑbu mɑrɑ. Berɑ Yibɑɑ, kɑ Elisuɑ, kɑ Elifelɛti,
7 kɑ Nɔgɑ, kɑ Nɛfɛgi, kɑ Yɑfiɑ, kɑ Elisɑmɑ,
8 kɑ Eliɑdɑ, kɑ Elifelɛti. Bɑ sɑ̃ɑwɑ mi be nɔɔbɑ nnɛ.
9 Be bɑ sɑ̃ɑ Dɑfidin bibu berɑ mi, win kurɔbu gɑbun bibu bɑɑsi. Ben sesuwɑ Tɑmɑɑ.
10 Sɑlomɔɔwɑ u Roboɑmu mɑrɑ. Mɑ Roboɑmu u Abiyɑ mɑrɑ. Mɑ Abiɑ u Asɑ mɑrɑ. Mɑ Asɑ u Yosɑfɑti mɑrɑ.
11 Mɑ Yosɑfɑti u Yorɑmu mɑrɑ. Mɑ Yorɑmu u Akɑsiɑ mɑrɑ. Mɑ Akɑsiɑ u Yoɑsi mɑrɑ.
12 Mɑ Yoɑsi u Amɑsiɑ mɑrɑ. Mɑ Amɑsiɑ u Asɑriɑ mɑrɑ. Mɑ Asɑriɑ u Yotɑmu mɑrɑ.
13 Mɑ Yotɑmu u Akɑsi mɑrɑ. Mɑ Akɑsi u Esekiɑsi mɑrɑ. Mɑ Esekiɑsi u Mɑnɑse mɑrɑ.
14 Mɑ Mɑnɑse u Amɔɔ mɑrɑ. Mɑ Amɔɔ u Yosiɑsi mɑrɑ.
15 Be bɑ sɑ̃ɑ Yosiɑsin bibu, be wee. Yohɑnɑniwɑ u sɑ̃ɑ gbiikoo. Mɑ Yoyɑkimu u sɑ̃ɑ yiruse. Mɑ Sedesiɑsi u sɑ̃ɑ itɑse. Mɑ Sɑlumu u sɑ̃ɑ nnɛse.
16 Be bɑ sɑ̃ɑ Yoyɑkimun bibu, berɑ Yekoniɑ kɑ Sedesiɑsi.
17 Be bɑ mɑɑ sɑ̃ɑ Yekoniɑn bibu, berɑ Asiri wi u Seɑlitiɛli mɑrɑ,
18 kɑ Mɑɑkirɑmu, kɑ Pedɑyɑ, kɑ Senɑsɑɑ, kɑ Yekɑmiɑ, kɑ Hosɑmɑ, kɑ Nɛdɑbiɑ.
19 Be bɑ sɑ̃ɑ Pedɑyɑn bibu, berɑ Sorobɑbɛli kɑ Simɛi. Be bɑ mɑɑ sɑ̃ɑ Sorobɑbɛlin bibu, berɑ Mɛsulɑmu kɑ Hɑnɑniɑ. Selomitiwɑ u sɑ̃ɑ ben sesu.
20 Pedɑyɑ wi, u mɑɑ bibu nɔɔbu gɑbu mɑrɑ. Berɑ Hɑsubɑ, kɑ Ohɛli, kɑ Berekiɑ, kɑ Hɑsɑdiɑ, kɑ Yusɑbu Hesɛdi.
21 Be bɑ sɑ̃ɑ Hɑnɑniɑn bibun bweseru, berɑ Pelɑtiɑ, kɑ Esɑi, kɑ Refɑyɑn bibu, kɑ Anɑnin bibu, kɑ Abudiɑsin bibu, kɑ Sekɑniɑn bibu.
22 Bibu nɔɔbɑ tiɑ Sekɑniɑ u mɑrɑ. Berɑ Semɑyɑ, kɑ Hɑtusi, kɑ Yigeɑli, kɑ Bɑriɑki, kɑ Nɛɑriɑ, kɑ Sɑfɑti.
23 Bibu itɑwɑ Nɛɑriɑ u mɑrɑ. Berɑ Elionɑi, kɑ Esekiɑsi, kɑ Asirikɑmu.
24 Be bɑ mɑɑ sɑ̃ɑ Elionɑin bibu, berɑ Hodɑfiɑ, kɑ Eliɑsibu, kɑ Pelɑyɑ, kɑ Akubu, kɑ Yokɑnɑni, kɑ Delɑyɑ, kɑ Anɑni. Bɑ mɑɑ sɑ̃ɑwɑ mi be nɔɔbɑ yiru.