☰ Ũat Khễn 133
133
Ỡt Ratoi Parnơi*
1 O lứq cớp bũi óh la‑ỡq toâq máh sễm ai ỡt ratoi
cớp bữn muoi mứt muoi pahỡm!
2 Ŏ́c ratoi ki cỡt samoât dỡq nsễng o‑li‑vê kia ntâng lứq
ca hoi tễ plỡ cớp tễ sóc bễc Arôn chu tacong au tuar án.†
3 Ŏ́c ratoi ki cỡt samoât dỡq latac tâng cóh Her-môn,
lian sễng chu cóh Si-ôn.
Tâng ntốq ki Yiang Sursĩ khoiq par‑ữq ễ yỗn ŏ́c bốn;
ŏ́c bốn ki la têq bữn tamoong mantái níc.
* 133: Cansái ũat tễ Davĩt. † 133:2 Puai rit cũai I-sarel bo ki, toâq alới chóh cũai sốt nheq tễ rit sang Yiang Sursĩ, alới dốq tốh dỡq nsễng o‑li‑vê tâng plỡ, táq tếc cũai ki táq ranáq miar khong Yiang Sursĩ.
☰