10
Dokombəra da awut a Nuha dɛndɛ
Tɛla ta afum doru
Dokombəra da awut a Nuha: Semy, Ham, kɔ Yafɛt dɛndɛ. Awut a Nuha ŋanakom awut, ntɛ domun dɛlarəm deŋcepər mɔ.
Awut a Yafɛt ŋanayɔnɛ: Komɛr, Makɔk, Maday, Yawaŋ, Tubal, Mɛsɛk, kɔ Tiras. Awut a Komɛr: Askenas, Rifat, kɔ Tokarma. Awut a Yawaŋ: Elisa, Tarsis, Kitim, kɔ Dodanim. Awut akakɔ ŋanakom afum aŋɛ ŋayersɛnɛ kəndɛ cəba kəsək mɔ, kɔ tɔf yaŋan, kɔ cusu cəŋan, kɔ cusuŋka cəŋan nde tɔf yaŋan.
Awut a Ham ŋanayɔnɛ: Kus, Misira, Put, kɔ Kanahan. Awut a Kus: Seba, Hawila, Sabta, Rahəma, kɔ Sabətəka. Awut a Rahəma: Saba kɔ Dedaŋ. Kus ɛnakom sɔ Nimrod, nkɔn onuŋkɛnɛ kəyɔnɛ korgba doru dandɛ. Nimrodu ɛnayɔnɛ wəpɛn korgba nde fɔr ya Kanu Kəpɔŋ kiriŋ. Ti tɔ alokɛnɛ: «Pəmɔ Nimrod, korgba kəpɛn nde fɔr ya Kanu Kəpɔŋ kiriŋ.» 10 K'eŋkekərɛ dɛbɛ kərɛsna Babɛl, Ɛrɛk, Akad, kɔ Kalne nde atɔf ŋa Siŋhar. 11 Dəndo atɔf ŋaŋɔkɔ ŋɔ Asur ɛnawur, k'ɛŋcəmbər Niniwe, dare da Rehobot, Kalah, 12 kɔ Rɛsɛŋ, dare dɔpɔŋ dɔkɔ dɛnayi Niniwe kɔ Kalah dacɔ mɔ.
13 Kɔ Misira ɛnayɔnɛ wətɛm k'afum aŋɛ: Aka Lud, aHanam, aLehab, aNaftu, 14 aPatərus, aKasəlu (aŋɛ aPɛlɛsɛt * ŋawur dacɔ mɔ) k'aKaftor.
15 Kɔ Kanahan oŋkom Cidoŋ, coco cɔn, kɔ Het. 16 Kanahan ɛnayɔnɛ wətɛm ka cusuŋka cəlarəm: Aka Yebus, 'Amɔr, aKirkas, 17 aHewi, aHarki, aSini, 18 'Arwad, aCemar, aHamat. Ti disrɛ kɔ cusuŋka ca Kanahan cənde cəsaməsər. 19 Cələŋcər ca aKanahan cənakɔ kəyɛfɛ Cidoŋ, Kerar kəsək, haŋ Kasa, kɔ kəca ka Sodom, kəca ka Komora, kəca ka Adma kɔ kəca ka Ceboyim, haŋ Lasah. 20 Awut a Ham ŋɔ akakɔ, dəcusuŋka cusuŋka, dəcusu cusu, dətɔf tɔf.
21 Kɔ Semy wəbe ka Yafɛt, ɔsɔtɔ sɔ awut. Semy ɔyɔnɛ wətem ka Heber k'afum ɔn fəp. 22 Awut a Semy ŋanayɔnɛ: Helam, Asur, Arpaksadu, Ludo, k'Aram. 23 Awut a Aram ŋanayɔnɛ: Huc, Hul, Kɛtɛr kɔ Mas. 24 Arpaksadu ɛnakom Sɛlah. Kɔ Sɛlah oŋkom Hebɛr. 25 Kɔ Hebɛr oŋkom awut arkun mɛrəŋ. Tewe ta wəkin tɛnayɔnɛ Pelɛk, bawo tɛm tɔn tɔ antɔf ŋɛnayerɛnɛ. Kɔ tewe ta wɛŋc tɛnayɔnɛ Yoktan. 26 Kɔ Yoktan oŋkom Almodad, Sɛlɛf, Hatsarmawɛt, Yɛrah, 27 Hadoram, Husal, Diklah, 28 Hobal, Abimayɛl, Saba, 29 Ofir, Hawila, kɔ Yobab. Akaŋɛ fəp awut a Yoktan ŋanayi. 30 Kɔ ŋandɛ kəyɛfɛ ka Mesa, Sefar kəsək, haŋ nde mɔrɔ ma nde dec dɛmpɛ mɔ. 31 Awut a Semy ŋɔ akakɔ, dəcusuŋka cusuŋka, dəcusu cusu, dətɔf tɔf.
32 Cusuŋka ca awut a Nuha cɔ cacɔkɔ, kɔ tɔkɔ aŋkom ŋa mɔ. Afum akaŋɛ ŋɔ afum ŋawur dəris a kɔ ŋandeyersɛnɛ dəntɔf, doru fəp ntɛ domun dɛlarəm deŋcepər mɔ.
* 10:14 = aka Filistiya, Filistiya = Pəlɛsɛt. 10:25 Pelɛk = H. «kəyerɛnɛ»