☰ Isikiyeli 34
34
Sipi Tau Ita Watanna Loholohona
Isikiyeli 34:11-12, 15-17
11-12  Guyau Yaubada ya liba doha ite: Yau ibogu haba egu sipi E laulau yoꞌoidi yo E ita watanidi.*
Gonogonowana doha sipi tau itaꞌita wata ena sipi sa gege, ya fofofahidima be ya ita watanidi. Lahaina ni ya tole yada yo kamukamumu, egu dodoga sa failaulauwidi nuꞌu hahaisa yai, haba E fofofahidima be E ita watanidi.† (Samsi 23; Isaiya 40:11; Diyon 10:11 16)
15  Guyau Yaubada ya liba doha ite: Yau ibogu haba egu sipi E modeꞌedi yo edi aba anꞌanyawasi loholohona yai E faꞌanyawasi. 16 Sa asina haba E yoꞌoidi be E fafuyodima. Sa anꞌomata haba adi omata E sumadi yo asiꞌasiyebodi haba E faloholohodi. In moho, tubutubudi yo adiꞌadidilidi haba E anfaheyayanidi, paꞌana sa andom yo haidadi hige adi ti feledi. Yau haba laulau dudulai yai E foyahidi.
17 Na umi egu sipi! Yau, Guyau Yaubada, E falibamiu doha ite: Haba E fakasamiu yo E dailimiu, doha sipi tau itaꞌita watanina sipi yo gouti ya dailidi. (Samsi 23; Matiu 25:32-33)
* 34:11-12 Dodoga sa failaulauwidi lahaina mate nuwana Babilon, Yelusalem edi fuya faheyayana be Isalaela dodogadi yo edi ginauli sa lawedi Babilon. † 34:11-12 Yelusalem Nuꞌuna adi waiyunu sa anfaheyaya lahaina yai ni, Boliman 586 B.C (B.C. aniyona mate fuyanna hola hige Yesu sa yosi).
☰