27
Diyesuwa, Mose ya Lau Fadamahi.
Namba 27:18-23
18 Habahim Guyau Mose ya faliba iyen,
Yaluwagu mate Nun natuna Diyesuwa lisina yai. U leyama be nimam u tole hasaen ai boluboluna.
19 Diyesuwa u lawen be i obiyo tau antalasam, Eliyesa yo dodoga mahudoꞌidi ai matadi, na u liba famahata mate haba ya falau damahim be dodoga ya foyahidi. (Diutelonomi 34; Diyesuwa 1)
20 Em gigibwali Diyesuwa u felen, be haba Isalaela dodogadi ena liba sa lau watan.
21 Diyesuwa haba tau antalasam, Eliyesa ai matana ya obiyo, na yena Guyau ena nuwatuhu hige i mahata, haba, Ulim ya fapaisowa be Guyau ena nuwatuhu ya yoꞌoi. Ibe Yaubada iyen, au lau, mate Isalaela dodogadi mahudoꞌidi maꞌedi Diyesuwa haba sa lau sa hiyala. Na ibe iye, au fuyo, mate haba sa fuyo. (Auꞌaulaha 28:29-30; Diyesuwa 7:16-18; Paisowa 1:26)
22 Yo fede Guyau somo Mose ya faliba mate Mose ya ginauli watan. Diyesuwa ya leyama be ya faꞌobiyo tau antalasam Eliyesa yo Isalaela dodogadi mahudoꞌidi matadi yai.
23 Mose, Diyesuwa ya fasinabo bena falau fadamahina; nimana ya tole lawedi hewana yai, be haba in dodoga tau foyahidi, doha haꞌa Guyau, Mose ya faliba.