☰ Sekalaiya 9
Peloweta
Sekalaiya
ena Uliꞌuli
Liba Famahata
Yaubada ginauli mahudoꞌina ya tanuwagai yo ena dodoga ya bobodiyedi dedena mate buka yai te. Ya faꞌadidilidi yo ya loholoho lebedi yai. Sekalaiya ya fasinabo ena peloweta be haba ena dodoga ya falibadi tabu ti ꞌwasabu yo ma nuwa adidilidi bena sa paisowa. Yo hinaga ya falibadi laulau heyayadi debadi yai, kamkamna haba ya leyama. Na ena dodoga haba ya abi-fafuyodi. Sekalaiya beyabeyana haꞌa Keliso ya liba fasunumaꞌen iyen, haba ya laoma na haba sa ꞌwaiyoꞌoꞌen. Ai muli haba Yaubada ena dodoga wananahadi ya fofofahidi yo haba tanoꞌubu mahudoꞌina ya tanuwagai.
9
Kin ena Fuyoma
Sekalaiya 9:9-10
9 Yelusalem dodogamiu!
Nuwamiu ti amna yo au yoga laꞌilaꞌi.
Ami ita! Emi baꞌisa ya laoma lisimiu.
Ena laulau sa dudulai
yo waiyunu ya sai tawatawandi yo ya lei hafihafitidi.
Ya nuwa lidilidi be donki gubugubufwauna ya awai.*
10 Guyau iyen,
Yau haba saliyoti † Isalaela yai E kamfahidi yo hiyala hosidi Yelusalem yai haba E abidi. Kukupidu hiyala yai sa fapaisowadi haba sa tapwaipwai. Em fuya tanuwaga yai, haba nuꞌu haisa ma afa haidadi sa fanuwa esega. Em Aba Baꞌisa mate gabogabo yai te ya fatubu ya lau ee–, gabogabo hahaisa yai, yo Ifeleti Hoꞌowana ya lau ee–, tanohi ana sigasiga.
* 9:9 Donki maisana ya kiu yo in suisui gaibu be dodoga gaibu gonowana donki sa une be sa yosi. Na hosi maisana ya laꞌi be dodoga fisafisadi yo fafamonidi hosi sa unedi be sa yosidi. Donki, Yesu ya awai te, mate hola hige ti awai yo hige doga faꞌawaina ti fatalaha, ma falifalihuna. Ibe doga ya awai donki gonowana ya dem fahi. Dodoga nuwanuwa saesaedi ibege ai donki ti awa na Yesu ya nuwa lidilidi be ya awai. † 9:10 Ginauli hesa doha bogesi na lisina yai aba taꞌai yo solasola begana gonowana te obiyo na leu te sai ai hewana. Ginaulina logena hosi sa felifeliꞌi.
☰