ឆ៝ម់បុតពោលញជ្វាល់អ៝ន់មាផូងញឆីងតាប៝ន
តេឆាលោនិក រើស ១
នាវឞោកអ៝ន់ឞូគឹត
នើមញចីសឆ៝ម់បុតអ្យារាញាពោល ពាង់ញចីសឆ៝ម់បុតអ្យាក្លាប់លាសតានាម់ ៥១ ក្លាប់លាស ១៨ នាម់ជេសឞ្រាសយេឆូ ទ៝ក់រេស។
មាឆ៝ម់បុតអាអេងអីពោល ញចីសទាន់អ្វាញ់តាឆ៝ម់បុតរោមតានាវឞោក «ឆ៝ម់បុតពោល »។
ប៝នតេឆាលោនិក តាឞ្រីមាឆេដោន នារអាបៃអ្យាជេងតាឞ្រីទាកគ្រែក ។ ប៝នតេឆាលោនិក ងាយអ៝យឞើសប៝នផីលីប ក្លាប់លាស ១៣០ កីលោមែតលាសហាន់ឆ៝ង់។ ជេសពោល មឞើសងក៝ចនាវមហែមហានអ្វែសតាប៝នផីលីប ពាង់ហាន់ដ៝ង់តាប៝នតេឆាលោនិក មឞើសងក៝ចនាវមហែមហានអ្វែសតាប៝ននៃក្លាប់លាសតានាម់ ៥០។ ជេសពាង់លោសឞើសតេឆាលោនិក នៃ មោអោសអីរជ៝ៈ ពាង់ដាៈនោតីមោថេ ហាន់ខ៝ល់ផូងញឆីងតាប៝នតេឆាលោនិក (១តេ ៣:១-២; ការ ១៧:១-១៥, ១៨:១-៥) ជេសរីពោល ហាន់ជឹតនាប់ជឹតត៝ត់តាប៝នកោរិនតោ តីមោថេ ឆឹតឞើសប៝នតេឆាលោនិក នៃម៝ប់ពោល តាប៝នកោរិនតោ ។ ជេសរីពោល ញចីសឆ៝ម់បុតអ្យាគៃមាព្លើងអើសនាវអោបអាបាៈអីផូងញឆីងតាប៝នតេឆាលោនិក លែៈអោបតីមោថេ ។
នាវអុចនត្រ៝ង់តាឆ៝ម់បុតអ្យា
តាឆ៝ម់បុតអ្យាពោល នហាវនូយ្សនហ៝ម់ផូងញឆីងមាឞ្រាសយេឆូ តាប៝នតេឆាលោនិក អ៝ន់គុន៝ប់តានាវញឆីង ឞ៝លលាសគែសឞូជានជេរយ៝រមានាវខាន់ពាង់ញឆីងនៃកាដោយ។ ខាន់ពាង់មឹនលាសឞ្រាសក្រីស មរាព្លឹវាច់នោកខាន់ពាង់ហោមគុរេសតានែសនតូអ្យា ខាន់ពាង់នទ្រ៝ត់ហីសរាហ៝ល់ យ៝រមាឆៃគែសឞូនុយ្សខឹតតាផូងខាន់ពាង់ នទ្រីខាន់ពាង់អោបពោល មានាវឞ្រាសយេឆូ ព្លឹវាច់(១តេ ៤:១៣)។ ជេសរីពោល ព្លើងអើសនាវខាន់ពាង់អោបអាបាៈមានាវឞ្រាសយេឆូ ព្លឹវាច់តានែសនតូអ្យា នអ៝ប់មាព្លើងអើសមានាវខាន់ពាង់អោបម៝សបាៈនាវគែសមាឞូនុយ្សខឹតអេល៝រមាឞ្រាសយេឆូ ព្លឹវាច់តានែសនតូអ្យា។ ជេសរីពាង់ញចីសដ៝ង់ឞូនុយ្សអីញឆីងមើមទឹងតឹមទីនាវគុរេសតានែសនតូអ្យា។
មឞើសនាវខ្លៃតាឆ៝ម់បុតអ្យា
- នាវអោបអ្វែសលាង់ (១:១)
- នាវលាសអ្វែស នទ្រែលមានាវរានេ (១:២-៣:១៣)
- នាវងកាសអ៝ន់គុរេសតឹមទីដាសនាវញឆីង (៤:១-១២)
- នាវនតុមនតីមានាវឞ្រាសយេឆូ ព្លឹតៃ (៤:១៣-៥:១១)
- នាវងកាសអេងៗ (៥:១២-២២)
- នាវនតិញងគ្លែៈទុត (៥:២៣-២៨)
1
នាវអោបអ្វែសលាង់
1 ឆ៝ម់បុតគ៝ប់ពោល ញចីស។ គ៝ប់ ឆីលាស នទ្រែលមាតីមោថេ ពែនុយ្សហេនញជ្វាល់អ៝ន់មាផូងញឆីងមាកោរាញយេឆូក្រីស តាប៝នតេឆាលោនិក អីគុនទ្រែលកោរាញឞ្រាសឞឹឞ៝ន់នើម នទ្រែលកោរាញយេឆូក្រីស ។ ទាន់ពាង់អ៝ន់នាវអ្វែស នទ្រែលមានាវដាប់មពាន់មាខាន់អៃមៃ។
2 ហេនលាសអ្វែសកោរាញឞ្រាសបាបើមាទឹងលែៈខាន់អៃមៃ ហេនមឞើសឆើមអ៝ន់មាខាន់អៃមៃបាបើដ៝ង់។
3 ហេនកាសគឹតទឹងលែៈខាន់អៃមៃបាបើងាន់តានាប់មាត់កោរាញឞ្រាសឞឹឞ៝ន់នើម។ ហេនកាសគឹតទឹងលែៈនទើអីខាន់អៃមៃជានយ៝រមានាវញឆីងខាន់អៃមៃ ហេនកាសគឹតដ៝ង់នទើអីខាន់អៃមៃជានរាអាសរាគាញ់យ៝រមានាវរ៝ង់ខាន់អៃមៃមាឞូ នទ្រែលមានទើអីខាន់អៃមៃគែសនាវរានើមន៝ប់រាក៝ក់មាឞ្រាសយេឆូក្រីស អីកោរាញឞ៝ន់។
4 អើអ៝សនោតានាវញឆីងអីកោរាញឞ្រាសនើមរ៝ង់ ហេនគឹតងាន់ជេសកោរាញឞ្រាសលែៈកើយ្សខាន់អៃមៃ
5 យ៝រលាសនោកហេនមឞើសងក៝ចនាវមហែមហានអ្វែសមាខាន់អៃមៃនើស មោអោសទើនមានាវមឞើសងើយទើម ជេងគែសនាវឞ្រាស គែសឞ្រាសហ្វេងអ្វែសអីក្ល៝សអ្វែសគុនទ្រែល នអ៝ប់មាខាន់អៃមៃគែសនូយ្សនហ៝ម់ញឆីងទុតន៝ប់រាក៝ក់ដ៝ង់។ នោកហេនហោមគុនទ្រែលខាន់អៃមៃនើស ខាន់អៃមៃលែៈគឹតឆៃដ៝ង់នាវគុរេសហេនគៃមាកើលខាន់អៃមៃ។
6 ខាន់អៃមៃលែៈជានតឹងកើតហេន នទ្រែលមាលែៈជានតឹងកើតកោរាញយេឆូ ។ ឞ៝លលាសខាន់អៃមៃគែសម៝ប់មានាវជេរជ៝ត់ទុតហោកាដោយ ខាន់អៃមៃឆ៝ៈទើននាវកោរាញឞ្រាសមានាវរាម់មអាកអីតាៈឞើសឞ្រាសហ្វេងអ្វែសអីក្ល៝សអ្វែសដ៝ង់។
7 កើតនទ្រីទឹងខាន់អៃមៃជេងនើមលែវទឹងលែៈផូងញឆីងតាឞ្រីមាឆេដោន តាឞ្រីអាខៃ អ៝ន់តឹងជានអ្វែសដ៝ង់។
8 យ៝រលាសនាវកោរាញឞ្រាសអីលោសតាៈឞើសខាន់អៃមៃនើស មោអោសទើនមាឞូលឺតាឞ្រីមាឆេដោន នទ្រែលមាតាឞ្រីអាខៃ ទើម លាមនតុកងាន់ឞូលឺខាន់អៃមៃញឆីងមាកោរាញឞ្រាស។ លាសនទ្រីនាវញឆីងខាន់អៃមៃនៃ ហេនមោហោមអោសខាច់មឞើសងក៝ច។
9 អ៝ក់ងាន់ឞូនុយ្សតាឞ្រីអីនៃមឞើសងក៝ចមាហេន នាវអីខាន់អៃមៃរ៝មហេននោកហេនហាន់អាខាន់អៃមៃនើស នាវអីខាន់អៃមៃមអារ់លើយឞ្រាសងក្លាៈ ជេសរីឆឹតមាកោរាញឞ្រាស គៃមាយើកមឞាសមាពាង់អីឞ្រាសរេសមោឞ្លាវខឹត ពាង់អីឞ្រាសងាន់។
10 ឞូមឞើសងក៝ចដ៝ង់នាវខាន់អៃមៃហោមគុក៝ប់ក៝នកោរាញឞ្រាសនើមអីមរាជុរតាៈឞើសត្រោក។ ពាង់ឞ្រាសយេឆូ អីកោរាញឞ្រាសទែលែៈជានអ៝ន់ទ៝ក់រេសជេស។ ពាង់អីនៃរាក្លាយ្សឞ៝ន់ឞើសនាវតេៈទោយ្សកោរាញឞ្រាសតានារជឹតនាប់តៃ។