3
នាវទាន់មឞើសឆើម
1 អើអ៝សនោតានាវញឆីង តានទើងគ្លែៈទុត ហេនទាន់ខាន់អៃមៃមឞើសឆើមមាហេនបាៈ គៃមានាវកោរាញឞ្រាសអ៝ន់មឞើសងក៝ចគើញលើមាអ៝ក់នតុករ៝ នទ្រែលមាអ៝ន់ឞូយើកនាវកោរាញឞ្រាសអាប់នតុក កើតតានតុកខាន់អៃមៃលែៈគែសដ៝ង់។
2 មឞើសឆើមអ៝ន់មាហេនគៃមាក្លាយ្សឞើសឞូនុយ្សក្វែ ឞើសឞូនុយ្សអ្យើស យ៝រលាសមោគែសអោសទឹងលែៈឞូនុយ្សអីគែសញឆីង។
3 យើនមាឞ្រាសយេឆូ គែសនូយ្សនហ៝ម់រាប់ជាប់ ពាង់មរាជានអ៝ន់ខាន់អៃមៃគែសនូយ្សនហ៝ម់ន៝ប់ ញជ្រាង់ខាន់អៃមៃមោអោសអ៝ន់តុបតាតីឆាតាង់ អីកោរាញមពោលឞ្រាសអ្យើស។
4 កោរាញយេឆូ លែៈគុនទ្រែលខាន់អៃមៃ នទ្រីហេនញឆីងលាសខាន់អៃមៃលែៈតឹងជានកើតនាវអីហេនលែៈដាៈខាន់អៃមៃនៃ ជេសរីហេនញឆីងខាន់អៃមៃហោមជានតឹងកើតដ៝ង់។
5 ទាន់កោរាញយេឆូ កើលខាន់អៃមៃវ៝ត់នាវរ៝ង់កោរាញឞ្រាសលើមាជ្រូ កើលខាន់អៃមៃញឆ្រោយ្សគុន៝ប់តានាវញឆីង ឞ៝លលាសគែសនាវជេរជ៝ត់កាដោយ តឹមឞានមាឞ្រាសក្រីស ញឆ្រោយ្សគុន៝ប់តានាវជេរជ៝ត់ពាង់នើសដ៝ង់។
6 អើអ៝សនោ អាបៃអ្យាហេនដាៈខាន់អៃមៃតារាញាកោរាញយេឆូក្រីស អ៝ន់ខាន់អៃមៃទែរងាយហ៝ម់ឞើសឞូនុយ្សអីញឆីងមាឞ្រាសក្រីស ប្លាវជានការ គុតីសឞើសនាវហេនលែៈនតុមនតីខាន់អៃមៃ។
7 ខាន់អៃមៃនើមលែៈគឹតជេសនទើអីទីមាខាន់អៃមៃទីជាន ជេងនទើអីខាន់អៃមៃជានតឹងកើតហេន។ នោកហេនគុនទ្រែលខាន់អៃមៃនើសហេនមោប្លាវអោស។
8 ហេនមោគែសអោសឆោងឆាទើមព្យាង់ត្រាវទូហ្វេឞូនុយ្សមោគែសអ៝ន់ព្រាក់។ ហេនញឆ្រោយ្សជានការរាគាញ់ងាន់ទឹងមាង់ទឹងនារ គៃមាលើយអោសអ៝ន់ខាន់អៃមៃជេរម៝ត់ឆ្យាម់ហេន។
9 ទីដ៝ង់លាសហេនដាៈខាន់អៃមៃម៝ត់ឆ្យាម់ហេន យើនមាហេនជានកើតនអាអុចលែវនាវអ្វែសអ៝ន់ខាន់អៃមៃតឹងកើត។
10 នោកហេនហោមគុនទ្រែលខាន់អៃមៃនើស ហេនលែៈនតិញជេសមាខាន់អៃមៃ៖ «ឞូម៝សអីមោអុចជានការ ឞូនុយ្សអីនៃមោអ៝ន់ពាង់ឆោងដ៝ង់»។
11 យ៝រលាសហេនតាង់គែសឞូនុយ្សអាបាៈតាផូងខាន់អៃមៃគុរេសប្លាវទើម ខាន់ពាង់គែសងើយបោចបោរទើមមាមឞូង តីសមាមោអោសជានការ។
12 ហេននតិញដាៈមាឞូនុយ្សអីកើតនៃតារាញាកោរាញយេឆូក្រីស អ៝ន់ជានការអ៝ន់អ្វែស ឆោងឆាតាៈឞើសឞ្រាត់ឆ្វានអីនើមជានហ៝ៈ។
13 អើអ៝សនោ ខាន់អៃមៃលើយអោសទឹលជាននទើអ្វែស។
14 លាសឞូម៝សអីមោអ្យាត់អោសនាវហេនញចីសតាឆ៝ម់បុតអ្យា អ៝ន់ខាន់អៃមៃគឹតមាឞូនុយ្សអីនៃ ជេសរីលើយអោសតឹមរាង្លាប់មាពាង់អីនៃ គៃមាអ៝ន់ពាង់គែសនាវដីតព្រេង។
15 យើនមាលើយអោសកើបពាង់ជេងឞូនុយ្សរាលាង់ អ៝ន់ងកាសពាង់ជេងតឹមឞានមាអ៝សនោហ៝ៈ។
16 ទាន់កោរាញយេឆូ អីតើមនាវដាប់មពាន់ អ៝ន់នាវដាប់មពាន់អាប់នតីលមាខាន់អៃមៃអាប់ម៝ងអាប់នារ! ទាន់ពាង់គុនទ្រែលមាទឹងលែៈខាន់អៃមៃ។
17 នាវអោបអ្វែសលាង់អ្យា គ៝ប់ពោល ញចីសមាតីគ៝ប់នើម។ ត៝ត់ឆៃនាវញចីសអ្យា ខាន់អៃមៃនាល់គ៝ប់អីតើមញចីស យ៝រមាទឹងលែៈឆ៝ម់បុតគ៝ប់ញចីសនើស គែសនាវញចីសកើតនៃទាទេ។
18 ទាន់នាវអ្វែសឞ្រាសយេឆូក្រីស អីកោរាញឞ៝ន់គុតាទឹងលែៈខាន់អៃមៃ!៚