6
ឞ្រាសយេឆូ នតីមានាវវៃតានាររាលូ
(មថ ១២:១-៨; មក ២:២៣-២៨)
1 គែសទូនារឆាបាត់ អីនាររាលូផូងអីឆ្រាអែល ឞ្រាសយេឆូ នទ្រែលអ៝សម៝នពាង់ហាន់គ្លាត់រ៝ៈមីរឞាព្រាង់ ទោលឞ្រោៈរ៝ៈមីរអីនៃមពោលអ៝សម៝នពាង់រ៝យ្សឞាត្រ៝មាឆា។
2 ជេសរីគែសផូងផារីឆី អាបាៈឆៃជានកើតនៃ លាសខាន់ពាង់៖ “ម៝សកោៈខាន់មៃជានការតានារឆាបាត់ នៃមេស? ឞ៝លលាសខាន់មៃរ៝យ្សដេៈៗកើតនៃ ហោមអែកើបតីសដាសនាវវៃមានាររាលូផូងឞ៝ន់ដ៝ង់”។
3 ឞ្រាសយេឆូ អោបរាលឹខាន់ពាង់៖ “លាសនទ្រីខាន់មៃលែៈច្វេលបាស នាវខាន់មៃវៃរ៝ៈតានាវកោរាញឞ្រាសងើយ? នោកដាវីត អេហ៝ៈជេងកាដាច់ ពាង់ នទ្រែលមាឞូនុយ្សគុនទ្រែលពាង់ជីង៝ត
4 ជេសរីពាង់លាប់តាត្រោមនតុកចូនឞ៝កកោរាញឞ្រាស ឆ៝ៈឆានុមពាង់អីឞូតេៈញហើរអ៝ន់កោរាញឞ្រាសនៃ នហ៝មាពាៈឞូនុយ្សអីគុនទ្រែលពាង់នៃឆាដ៝ង់។ ឞូមោដ៝ង់លាសពាង់ឞ៝លលាសតឹងមានាវវៃគែសមពោលជានឞ្រាសទើមទើយឆានុមពាង់អីនៃ”។
5 ឞ្រាសយេឆូ លាសតៃ៖ “គ៝ប់អីក៝នឞូនុយ្សតាៈឞើសកោរាញឞ្រាសទែញជ្វាល់ នទ្រីទឹងគ៝ប់ជេងកោរាញមានារឆាបាត់ អីនាររាលូម៝សនទើអីទើយអ៝ន់ឞូជាន មោលាសមោទើយអ៝ន់ឞូជានតានារអីនៃ”។
ឞ្រាសយេឆូ ជានឞាសទូហ្វេឞូនុយ្សឆ្យារ់តីតានាររាលូ
(មថ ១២:៩-១៤; មក ៣:១-៦)
6 គែសទូនារឆាបាត់ អេងជឹត ឞ្រាសយេឆូ លាប់នតីឞូតាញីសរាបុនផូងអីឆ្រាអែល ។ តានតុកនៃគែសទូហ្វេឞូក្លោឆ្យារ់តីឞើសមា។
7 គែសផូងនើមនតីនាវវៃផូងអីឆ្រាអែល នទ្រែលមាផូងផារីឆី ក៝ប់អ្វាញ់ឞ្រាសយេឆូ ។ ផូងអីនៃអុចជ៝យនាវមានតោនឞ្រាសយេឆូ ងខេបលាសពាង់ជានឞាសឞូនុយ្សជីតានារឆាបាត់ យ៝រលាសខាន់ពាង់នតីតានាវវៃផូងអីឆ្រាអែល មោអ៝ន់អោសជានឞាសឞូនុយ្សជីតានារឆាបាត់ នទ្រីទឹងខាន់ពាង់អ្វាញ់ជឹតពាង់លែរងែរងាន់។
8 យើនលាសឞ្រាសយេឆូ គឹតនូយ្សនហ៝ម់នាវមឹនខាន់ពាង់ ជេសរីពាង់លាសមាឞូនុយ្សឆ្យារ់តីនៃ៖ “ហើយអ៝ស មៃទ៝ក់ហាន់តាងក្លាងឞូត៝!” ឞូនុយ្សឆ្យារ់តីអីនៃទ៝ក់រ៝។
9 ជេសរីឞ្រាសយេឆូ អោបខាន់ពាង់៖ “គ៝ប់អោបខាន់មៃ តឹងនាវវៃផូងឞ៝ន់តានារឆាបាត់ ឞូនុយ្សទើយជាននទើអ្វែសមោលាសនទើអ្យើស? ទើយរាក្លាយ្សនាវរេសឞូនុយ្សមោលាសងខឹតពាង់?”
10 ឞ្រាសយេឆូ អ្វាញ់ជឹតទឹងលែៈឞូនុយ្សអីគុតានៃ យើនមាមោគែសអោសទូហ្វេអើស ជេសរីលាសមាឞូនុយ្សរាវែនតីនៃ៖ “ល៝ង់មៃរ៝កតីមៃនៃហ៝ម់”។ ជេសរីពាង់រ៝ក តីពាង់ឞាសកើតអើមរ៝។
11 ផូងអីអុចជ៝យនាវមានតោនឞ្រាសយេឆូ នៃជីនូយ្សទុតហោ ជេសរីតឹមញច្រាៈឞាល់គៃមាលើសឞ្រាសយេឆូ ។
ឞ្រាសយេឆូ កើយ្ស ១២ នុយ្សអ៝សម៝ន
(មថ ១០:១-៤; មក ៣:១៣-១៩)
12 នោកនៃឞ្រាសយេឆូ ហាវកាលើយោកគៃមាមឞើសឆើម។ ពាង់មឞើសឆើមមាកោរាញឞ្រាសតានតុកនៃទូនាង់រាអាង។
13 កាសអាងអោយតៃពាង់ក្វាល់រាគូមមពោលអីវៃតឹងពាង់វាច់តារី ជេសរីកើយ្ស ១២ នុយ្សឞូក្លោ អីពាង់ក្វាល់លាស«កោរាញអ៝សម៝ន»ពាង់។
14 តានៃគែសរាញាឆីមោន ជេសរីឞ្រាសយេឆូ ក្វាល់រាញាមហែពាង់ ពេត្រោស នទ្រែលមាអីអ៝សពាង់រាញាអ៝ន់ទ្រេ ជេសរីឞូនុយ្សអាបាៈអេងជឹតរាញាយាកើ រាញាយោហាន រាញាផីលីប រាញាបារថោលោមេ
15 រាញាមាថាយ រាញាថោមាស រាញាយាកើ អីក៝នអាល់ផាយ រាញាឆីមោន អីឞូក្វាល់«គើយ្ស»
16 រាញាយូដាស អីក៝នយាកើ នទ្រែលមារាញាយូដាស-អីឆាការីយោត ជេងឞូនុយ្សញជុនឞ្រាសយេឆូ អ៝ន់មាផូងរាលាង់ពាង់តានារជឹតនាប់តៃ។
ឞ្រាសយេឆូ នតីប៝នលាន នទ្រែលមាជានឞាសនាវជី
(មថ ៤:២៣-២៥)
17 ជេសរីឞ្រាសយេឆូ នទ្រែលមាមពោលអ៝សម៝នពាង់ជុរឞើសលើយោកនៃ ហាន់ត៝ត់តានតុកល៝ង់រី។ តានតុកនៃគែសអ៝ក់មពោលអ៝សម៝នអ្យាត់នាវពាង់ នទ្រែលមាផូងប៝នលានអ៝ក់ងាន់ ខាន់ពាង់តាៈឞើសប៝នក្វ៝ង់យេរូឆាលឹម នទ្រែលមាឞើសប៝នអេងៗតាឞ្រីយូដា ឞើសឞ្រីរាគ៝ៈទាកវាច់ទាកវារ់ទាច់កេងប៝នក្វ៝ង់តីរុស ប៝នក្វ៝ង់ឆីដោន ។
18 ខាន់ពាង់វាច់គូមតារីអ៝ក់ងាន់ គៃគុអ្យាត់នាវឞ្រាសយេឆូ នតី នទ្រែលមាអ៝ន់ពាង់ជានឞាសនាវជីក្វែតខាន់ពាង់នើមដ៝ង់។ ឞូនុយ្សអីឞ្រាសអ្យើសលើស កើតលាសឞូនុយ្សឞ្រុតនទ្រាង់វាច់តារី ជេសរីឞាសដ៝ង់។
19 លែៈឞូនុយ្សតឹមមពែតងាន់រានពាសឞ្រាសយេឆូ ជេសរីឞូឞាសទាទេ យ៝រលាសពាង់គែសនាវឞ្រាសតាឆាក់ពាង់នើម។
នាវដាប់មពាន់
(មថ ៥:១-១២)
20 ជេសរីឞ្រាសយេឆូ អ្វាញ់ជឹតមពោលអ៝សម៝នពាង់ពាង់លាស៖
“អ្វែសមអាកងាន់មាខាន់អៃមៃឞូនុយ្សក្រ៝អ៝អាច
យ៝រលាសកោរាញឞ្រាសម៝ត់អ្វាញ់ខាន់អៃមៃ។
21 អ្វែសមអាកងាន់មាខាន់អៃមៃអាបៃអ្យាគុតានាវជីង៝ត
យ៝រលាសជឹតនាប់តៃខាន់អៃមៃហើមងាន់។
អ្វែសមអាកងាន់មាខាន់អៃមៃគុតានាវញហ្យាង់ញុមអាបៃអ្យា
យ៝រលាសជឹតនាប់តៃខាន់អៃមៃគែសនាវរាម់មអាក។
22 អ្វែសមអាកងាន់មាខាន់អៃមៃ លាសគែសឞូរាងឹឞូឞ្យាញ់មោរ៝មខាន់អៃមៃ មោលាសរាកឆ្វាយ អាចមាខាន់អៃមៃអ្យាត់តឹងនាវគ៝ប់អីក៝នឞូនុយ្សតាៈឞើសកោរាញឞ្រាស។
23 នោកកាល់អែនើសតឹមឞានកើតនៃដ៝ង់ អូចែមពោលរាងឹឞ្យាញ់អីនៃជានអ្យើសមាមពោលឞូនុយ្សនតើយ្សនាវងើយកោរាញឞ្រាស។ លាសគែសកើតនទ្រីរាម់នត្លោៈហ៝ម់ រាម់មអាកហ៝ម់ យ៝រលាសជឹតនាប់តៃខាន់អៃមៃគែសនាវងខោមក្វ៝ង់ងាន់រ៝តាប៝នអ្វែសតាកាលើ។
24 តីសមារេសរាញាល់ងាន់មាខាន់អៃមៃអីឞូនុយ្សលែៈនទ្រ៝ង់ក្វ៝ង់អាបៃអ្យា
យ៝រលាសខាន់អៃមៃអាបៃអ្យាលែៈគែសជេសនាវរាម់មអាក។
25 រេសរាញាល់ងាន់មាខាន់អៃមៃអាបៃអ្យាលែៈហើមជេស
ខាន់អៃមៃតៃគែសនាវជីង៝តជីហីររ៝។
រេសរាញាល់ងាន់មាខាន់អៃមៃអាបៃអ្យាលែៈគែសនាវរាម់មអាក
ខាន់អៃមៃតៃគែសនាវងក្ល៝ន់រាង៝តរាវៃ ជេសរីនាវញហ្យាង់ញុមរ៝។
26 រេសរាញាល់ងាន់មាខាន់អៃមៃអីគែសអ៝ក់ឞូនុយ្សរានេ យ៝រមាអូចែខាន់ពាង់លែៈរានេមាឞូនុយ្សនតើយ្សងក្លាៈនាវងើយកោរាញឞ្រាសកាល់អែនើសដ៝ង់”។
រ៝ង់មាផូងរាលាង់
(មថ ៥:៣៨-៤៨; ៧:១២)
27 ជេសរីឞ្រាសយេឆូ ងើយជឹត៖ “ល៝ង់ទឹងលែៈឞូនុយ្សអីអ្យាត់នាវគ៝ប់គ៝ប់ដាៈខាន់អៃមៃរ៝ង់មាឞូនុយ្សរាលាង់ ជេសរីជានអ្វែសមាឞូនុយ្សឞ្យាញ់ដាសខាន់អៃមៃដ៝ង់។
28 អ៝ន់ខាន់អៃមៃទាន់កោរាញឞ្រាសអ៝ន់គែសជេងមាឞូនុយ្សរាកឆ្វាយខាន់អៃមៃ ជេសរីមឞើសឆើមទាន់កោរាញឞ្រាសជានអ្វែសមាឞូនុយ្សអីជានជេរមាខាន់អៃមៃ។
29 លាសឞូតាបតឹមឞ៝មខាន់អៃមៃទូទីង ជេសរីរាលែអ៝ន់ឞូតាបតៃទូទីងជឹត។ លាសឞូឆ៝ៈអាវក្វ៝ង់លើយអោសឞ្វៃមោអ៝ន់ឞូឆ៝ៈអាវជេៈជឹត។
30 ម៝សនទើឞូទាន់ខាន់អៃមៃ អ៝ន់នទើអីនៃមាឞូ លាសគែសឞូឆ៝ៈនទ៝សនទើខាន់អៃមៃលើយហោមមព្លឹអោស។
31 ម៝សនាវអុចអ៝ន់ឞូជានមាខាន់អៃមៃ អ៝ន់ខាន់អៃមៃជានមាឞូល៝រ។
32 លាសខាន់អៃមៃរ៝ង់ទើមមាឞូនុយ្សរ៝ង់ខាន់អៃមៃល៝រ កោរាញឞ្រាសមោអោសរានេខាន់អៃមៃ យ៝រលាសឞូនុយ្សតីសឞ្លាវតឹមរ៝ង់នទ្រាង់ឞូនុយ្សតីសដ៝ង់។
33 លាសខាន់អៃមៃជានអ្វែសទើមមាឞូនុយ្សជានអ្វែសដាសខាន់អៃមៃ កោរាញឞ្រាសមោអោសរានេខាន់អៃមៃ យ៝រលាសឞូនុយ្សតីសឞ្លាវជានអ្វែសនទ្រាង់ឞូនុយ្សតីសដ៝ង់។
34 លាសខាន់អៃមៃអ៝ន់ឞូមាញទ្រាប់ មោលាសព្រាក់មាឞូនុយ្សអីទើយនត្រ៝ៈទើម កោរាញឞ្រាសមោអោសរានេខាន់អៃមៃ យ៝រលាសឞូនុយ្សតីសតឹមអ៝ន់មាញហោមតឹមត្រ៝ៈដ៝ង់។
35 កើតនទ្រីគ៝ប់អុចអ៝ន់ខាន់អៃមៃជានតីសឞាល់ដាសខាន់ពាង់។ អ៝ន់ខាន់អៃមៃរ៝ង់មាឞូនុយ្សរាលាង់ ជានអ្វែសមាពាង់ នទ្រែលមាអ៝ន់ពាង់មាញទ្រាប់នទើ ជេសរីលើយហោមអោសងកាសតោរមាទ្រាប់នទើអីនៃ។ លាសជាននទ្រីខាន់អៃមៃតៃគែសនាវងខោមក្វ៝ង់ នហ៝មាជេងក៝នកោរាញឞ្រាសនើមអីឞ្រាសទុតក្វ៝ង់ យ៝រលាសកោរាញឞ្រាសជានអ្វែសដ៝ង់មាឞូនុយ្សមោគឹតតោរមាពាង់ នទ្រែលមាឞូនុយ្សអ្យើស។
36 លាសនទ្រីអ៝ន់ខាន់អៃមៃគែសនាវយោៈនអាច តឹមឞានមាកោរាញឞ្រាសឞឹខាន់អៃមៃតាកាលើត្រោកពាង់គែសនាវយោៈនអាចមាខាន់អៃមៃ”។
លើយផាតនាវតីសឞូ
(មថ ៧:១-៥)
37 “ជេសរីលើយអោសអ្វាញ់នាវតីសឞូ គៃមាលើយអ៝ន់កោរាញឞ្រាសអ្វាញ់នាវតីសខាន់អៃមៃ។ លើយផាតទោយ្សឞូ គៃមាលើយអ៝ន់កោរាញឞ្រាសតេៈទោយ្សខាន់អៃមៃ។ អ៝ន់ខាន់អៃមៃយោៈនអាចនាវតីសឞូ នទ្រីទឹងកោរាញឞ្រាសយោៈនអាចនាវតីសខាន់អៃមៃដ៝ង់។
38 អ៝ន់នទើមាឞូ ជេសរីកោរាញឞ្រាសអ៝ន់នទើមាខាន់អៃមៃ ពាង់ឆ៝ល់ញឆ្រោស ជេសរីតេៈឞេងរាមែសមាខាន់អៃមៃដ៝ង់ យ៝រលាសទាសអ៝ក់ខាន់អៃមៃអ៝ន់មាឞូ កោរាញឞ្រាសអ៝ន់កើតនៃដ៝ង់”។
39 ឞ្រាសយេឆូ ងើយនាវនតឹតទូនាវអេងជឹតមាខាន់ពាង់ដ៝ង់៖ “លាសគែសឞារហៃឞូនុយ្សចែសមាត់តឹមតេកនទ្រាង់ខាន់ពាង់នើម ឞ្លាវដ៝ង់លាសមោ? ពាង់តុបតាត្រោមនតូលែៈឞារហៃរ៝។
40 មោគែសអោសផូងនតីគឹតរាលាវមានើមនតី យើនមាលាសពាង់នតីលែៈអាប់ផ្យៅ ពាង់ជេងតឹមឞានមានើមឆើមនតីពាង់ដ៝ង់។
41 នាវតីសឞ៝ន់ជេងតឹមឞានមានទើតាត្រោមមាត់ មើមខាន់អៃមៃអ្វាញ់ឆៃនទ្រុយ្សតាត្រោមមាត់អ៝សនោខាន់អៃមៃទើម តីសមាអ្វាញ់មោឆៃម៝ង់រាលាតតាត្រោមមាត់ខាន់អៃមៃនើម?
42 លាសមោទើយឆៃម៝ង់រាលាតតាត្រោមមាត់ខាន់អៃមៃនើម មើមទើយលាសមាអ៝សនោ៖ «អ៝ន់គ៝ប់ងខែៈនទ្រុយ្សនៃ»? អើឞូនុយ្សមរោស! អ៝ន់ឆ៝ៈរាលាតតាត្រោមមាត់ខាន់អៃមៃនើមនៃល៝រប៝ត់ រីមើឆៃនហេលនទ្រុយ្សតាត្រោមមាត់អ៝សនោ ទឹងឞ្លាវងខែៈនទ្រុយ្សនៃ”។
តើមឆីអ្វែស ជេសរីតើមឆីមោអ្វែស
(មថ ៧:១៦-២០; ១២:៣៣-៣៥)
43 “មោព្រ៝តអោសគែសតើមឆី អីតើមអ្វែស អីព្លៃមោអ្វែស មោលាសអីតើមមោអ្វែស អីព្លៃអ្វែស។
44 ឞូទើយគឹតនាល់តើមឆីយ៝រមាព្លៃពាង់។ ឞូមោព្រ៝តពែៈព្លៃងលែឞើសតើមរាឆ៝ប់ ព្លៃយុងយារប៝នឞើសតើមនាម។
45 ឞូនុយ្សកើតនទ្រីដ៝ង់ ឞូនុយ្សអ្វែសពាង់ជានម៝សនតីលនទើអ្វែស យ៝រលាសតានូយ្សនហ៝ម់ឆាក់ជាន់ពាង់នើសអ្វែស តីសលាសឞូនុយ្សអ្យើស ពាង់ជាននតីលនទើអ្យើស យ៝រលាសតានូយ្សនហ៝ម់ឆាក់ជាន់ពាង់នើសអ្យើស នទ្រីទឹងលែៈនតីលឞ៝រ់មឞូងឞូនុយ្សងើយ នទ្រែលមានទើពាង់ជាន លោសតាៈឞើសនូយ្សនហ៝ម់ឆាក់ជាន់ពាង់នើម”។
ឞារហៃឞូនុយ្សជានជៃ
(មថ ៧:២៤-២៧)
46 “មើមខាន់អៃមៃក្វាល់គ៝ប់ «អើកោរាញ! អើកោរាញ!» តីសមាមោជានតឹងនាវគ៝ប់ដាៈ?
47 គ៝ប់មឞើសអ៝ន់ខាន់អៃមៃ៖ ឞូនុយ្សអីឞ្រោៈអ្យាត់នាវគ៝ប់ងើយ ជេសរីជានតឹងនាវគ៝ប់លាស ឞូនុយ្សអីនៃមើមជេងតឹមឞានមាពាង់?
48 ឞូនុយ្សអីនៃជេងតឹមឞានមាឞូនុយ្សជានជៃ។ ពាង់កុយ្សនតូជ្រូ ជេសរីពាង់តាម់មែសតាត្រោមនតូនៃ លាសគែសទាកក្វ៝ង់ហ៝ចថាង់រ៝ៈជៃអីនៃក៝ៈមោទើយរាងោញដ៝ង់ យ៝រលាសលែៈជានទុតន៝ប់។
49 ឞូនុយ្សអីតាង់នាវគ៝ប់ ជេសរីមោជានតឹងនាវគ៝ប់លាស ឞូនុយ្សអីនៃជេងតឹមឞានមាឞូនុយ្សជានជៃងគ៝ន់ទើមតាកាលើនែស។ លាសត៝ត់គែសទាកក្វ៝ង់ហ៝ចថាង់រ៝ៈនៃ ជៃអីនៃរាល៝ម់ នហ៝មាអ្យើសលែៈផ្យៅរ៝”។