15
ពើសនុយ្សតោងពារ់គែសពើសអឹងានអីគែសនាវជេរ
1 ជេសរីគ៝ប់ឆៃនាវគឹតមឞេនង្វាយជឹតតាកាលើត្រោក នាវគឹតមឞេនអីនៃទុតក្វ៝ង់នទ្រ៝ត់ហីសរាហ៝ល់ងាន់ គែសពើសនុយ្សតោងពារ់ញអោតពើសអឹនាវជេរងគ្លែៈទុត ជេងនាវជេរងគ្លែៈទុត យ៝រលាសតានាវជេរអីនៃនាវកោរាញឞ្រាសជីនូយ្សតេៈទោយ្សមាទឹងលែៈឞូនុយ្សតានែសនតូអ្យាលែៈលោចជេស។
2 ជេសរីគ៝ប់ឆៃទាកវាច់ទាកវារ់រាឆាងតឹមឞានមាលុងលាងតឹមលាយដាសអុញ ជេសរីឞូម៝សអីលែៈទើយដាសមពោមពា(ឆ្យុម)អីទុតជាញអីនៃ ដាសរូបពាង់ យ៝រលាសខាន់ពាង់មោអោសយើកមឞាសមាមពោមពា(ឆ្យុម)អីនៃ នទ្រែលមាមោអោសអ៝ន់ឞូតេៈមឞេនមរោរាញាពាង់តាឆាក់ខាន់ពាង់នើម ខាន់ពាង់ទ៝ក់តាមែងទាកវាច់ទាកវារ់អីនៃ នអ៝ប់មាញអោតគ៝ងរេងអីកោរាញឞ្រាសលែៈអ៝ន់មាខាន់ពាង់នើស។
3 ជេសរីខាន់ពាង់មព្រើនាវមព្រើមោឆេ អីនើមឆើមកើលជានការមាកោរាញឞ្រាស នទ្រែលមានាវមព្រើក៝នឞែឞ្យាប់នើមកើតនអា៖
“អើកោរាញឞ្រាស មៃទុតគែសនាវទើយមាទឹងលែៈនតីលនទើ
នទើមៃនើមជានទុតក្វ៝ង់
ជេសរីទុតនាវងាន់!
មៃអីកាដាច់ទឹងលែៈឞ្រីទាកអើយ
ទឹងលែៈនទើមៃជានលែៈឆ៝ង់ លែៈទីទាទេងាន់!
4 អើកោរាញឞ្រាស! ទឹងលែៈឞូនុយ្សក្លាចយើកមាមៃទាទេ!
ទឹងលែៈឞូនុយ្សរានេមៃទាទេ
យ៝រលាសគែសទូហ្វេមៃទើមអីក្ល៝សអ្វែស។
ទឹងលែៈឞូនុយ្សទឹងលែៈឞ្រីទាកមរាហាន់យើកមឞាសមាមៃទាទេ
យ៝រលាសខាន់ពាង់ឆៃនហេលនាវមៃជានឆ៝ង់ងាន់”។
5 ឞើសកើយនៃជឹត គ៝ប់អ្វាញ់ឆៃមពោងញីសជានឞ្រាសមាកោរាញឞ្រាសតាកាលើត្រោកជេងចូនឞ៝កជានឞ្រាសពើកឞ៝ង់រាបឺក។
6 ជេសរីពើសនុយ្សតោងពារ់លោសឞើសញីសជានឞ្រាសអីនៃ ញអោតពើសអឹនាវជេរ គែសញឆ៝សងគូតមាឞ៝កលាយ្សងលាងក្ល៝សអាងងាន់ ជេសរីគែសរាឆែមាយ្សក៝ត់តានតាងនតើសដ៝ង់។
7 គែសទូហ្វេនទើតាព្វាន់នុយ្សនទើអីគែសនាវរេសអីនៃ អ៝ន់ងានមាយ្សពើសអឹមាពើសនុយ្សតោងពារ់នៃ។ តាត្រោមងានមាយ្សនៃគែសឞេងមានាវកោរាញឞ្រាសតេៈទោយ្ស កោរាញឞ្រាសអីគុរេសបាបើនហ៝រ៝។
8 តាត្រោមញីសជានឞ្រាសរីគែសឞេងមានាវញហូកថុលនាវច្រេកលើបកោរាញឞ្រាសនើម នទ្រែលមានាវទើយកោរាញឞ្រាសនើម មោអោសគែសទូហ្វេទើយលាប់តាត្រោមនៃ នហ៝មាលែៈលោចពើសអឹនាវជេរអីតាៈឞើសពើសនុយ្សតោងពារ់មើទើយលាប់។