4
នាវយើកមឞាសតាកាលើត្រោក
1 ជេសនៃគ៝ប់ឆៃទូមល៝ម់មពោងពើកតាកាលើត្រោករី ជេសរីនតែសឞ៝រ់អីគ៝ប់តាង់អាល៝រនើសតឹមឞានមានតែសនុង លាសមាគ៝ប់៖ “ហាវអាអ្យាហ៝ម់ គ៝ប់អុចញហើអ៝ន់មៃឆៃម៝សនទើអីគែសជឹតនាប់តៃ”។
2 ទូនហ៝ម់តានៃទោមាឞ្រាសហ្វេងអ្វែសឆ៝ៈគ៝ប់។ ជេសរីគ៝ប់ឆៃទូមល៝ម់រានើលកាដាច់តាកាលើត្រោករី គែសទូហ្វេគុតារានើលអីនៃ។
3 នើមអីគុតារានើលកាដាច់នៃ អ្វាញ់អាងច្រាតតឹមឞានមាលុខ្លៃមោនី នទ្រែលមាតឹមឞានមាលុខ្លៃតោតឹម ជេសរីជុមរានើលកាដាច់អីនៃគែសតឹមឞានមាឞេសចុងតឹង តឹមឞានមាលុខ្លៃអឹរម៝រកុត ។
4 ញជ្វែងជុមរានើលកាដាច់អីនៃគែសរានើលកាដាច់ ២៤ អឹជឹត ជេសរីគែសមពោលកោរាញ ២៤ នុយ្សគុតារានើលអីនៃ ញឆ៝សងគូតឞ៝កអាវងលាងទាទេ នទ្រែលមានទោមោកកាដាច់មាយ្សតាឞោក។
5 លោសឞើសរានើលកាដាច់អីតាងក្លាងងគូលអីនៃគែសលើបងលាយ្ស គែសនតែសនត៝រ់មីស នអ៝ប់មាគែសងលាយ្ស។ ឞើសនាប់រានើលកាដាច់អីនៃគែសពើសអឹអុញរាទ៝ ជេងឞ្រាសហ្វេងអ្វែសកោរាញឞ្រាសនើម។
6 ឞើសនាប់រានើលកាដាច់អីនៃ គែសដ៝ង់នទើតឹមឞានមាទាកវាច់ទាកវារ់ រាឆាងតឹមឞានមាកាច៝កងលាង។ ញជ្វែងជុមទាច់កេងរានើលកាដាច់អីនៃ គែសព្វាន់នុយ្សនទើគែសនាវរេស អីគែសត្រោមមាត់លាមឆាក់ នអ៝ប់មាឞើសនាប់ឞើសកើយ។
7 នទើត៝ល់ង្វាយអីគែសនាវរេសនៃ តឹមឞានមាយៅមុរ នទើត៝ល់ឞារអីគែសនាវរេសតឹមឞានមានទ្រោកងក្វ៝ង់ នទើត៝ល់ពែអីគែសនាវរេសមុសមាត់តឹមឞានមាឞូនុយ្ស នទើត៝ល់ព្វាន់អីគែសនាវរេសតឹមឞានមាក្លាងមឞូកមឞ៝កមពារ់។
8 ព្វាន់នុយ្សនទើគែសនាវរេសអីនៃ គែសព្រាវអឹនារទាទេ នទ្រែលមាគែសត្រោមមាត់លាមឆាក់ នអ៝ប់មាកាលើនារតាន៝ម់នារ។ ខាន់ពាង់អីនៃមោរាលូអោសទឹងមាង់ទឹងនារលាស៖
“ក្ល៝សអ្វែស ក្ល៝សអ្វែស ក្ល៝សអ្វែស
ជេងកោរាញឞ្រាសអីទុតគែសនាវទើយមាទឹងលែៈនតីលនទើ
ពាង់លែៈអើមគុរេសនើស ពាង់គុរេសអាបៃអ្យា ជេសរីពាង់មរាវាច់”។
9 នើមអីគុតារានើលកាដាច់នៃគុរេសបាបើនហ៝រ៝។ អាប់តឹព្វាន់នុយ្សនទើអីគែសនាវរេសអីនៃរានេនាវច្រេកលើប យើក នទ្រែលមាលាសអ្វែសពាង់
10 ជេសរីមពោលកោរាញអី ២៤ នុយ្សនៃលែវឞាល់ពាន់អានែសទាទេ ពាន់ឞើសនាប់នើមអីគុតារានើលកាដាច់នៃ យើកមឞាសមាពាង់អីគែសនាវរេសបាបើនហ៝រ៝ នហ៝មាទ្រ៝សមោកកាដាច់ខាន់ពាង់នើមឞើសឞោកតេៈឞើសនាប់រានើលកាដាច់ ជេសរីលាស៖
11 “អើកោរាញឞ្រាសអីកោរាញផូងហេន
មៃទីងាន់មាវើតទើននាវច្រេកលើប នទ្រែលមានាវយើក យ៝រលាសមៃគែសនាវទើយទុតក្វ៝ង់។
មៃនើមអីញជេងទឹងលែៈនតីលនទើគែសទាទេនើស
ជេសរីគែសយ៝រមាមៃនើមអុច”។