35
1 Hahoi Elihu ni a pathung e teh,
2 Heteheh, a lan telah na pouk maw,
Cathut lannae hlak ka lan telah na dei maw.
3 Bangkongtetpawiteh, ka yonnae hah pap boipawiteh,
hot teh, nang hanelah bangmaw a hawinae, meknae hoe ka hmu telah na ti.
4 Nama koe kaawm e naw hoi na pathung han.
5 Kalvan lah moung nateh khenhaw! khenhaw!
nang hlak hoe ka rasang e tâmainaw hah,
6 Yonnae na sak pawiteh, ama taranlahoi bangmaw hoe na kuepcing sak,
nahoeh pawiteh kâtapoenae hah pap pawiteh, ama hanelah bangmaw na sak,
7 Tamikalan lah na awm pawiteh, ama hah bangmaw na poe,
Nahoeh pawiteh, ama ni na kut dawk hoi bangmaw a hmu.
8 Na hawihoehnae ni nang patetlah kaawm e tami hah a ratet,
na lannae ni tami capa buet touh a ratet.
9 Hnephnap e a pap kecu dawkvah a hramki awh,
athakaawme taminaw e rektapnae kecu dawkvah,
kabawpnae a panki hoi a hram awh.
10 Hateiteh, apinihai nâmaw kasakkung Cathut,
karum lah la sak han ka poe e hah ao telah dei awh hoeh.
11 Talai e sarang hlak hai apinimaw na cangkhai awh.
Kalvan e tava hlak lung na ang sak awh.
12 Tamikathoutnaw a kâoup kecu dawk,
hawvah a hram awh ei, pathung awh hoeh.
13 Banghai bang hoeh e lawk hah Cathut ni khoeroe thai mahoeh,
Athakasaipounge, ni hai banglahai noutna mahoeh.
14 Ama teh na hmawt hoeh telah na dei nakunghai,
amae hmalah lannae ao teh, ama teh na ring raw na ring han.
15 Bangkongtetpawiteh, atuvah a lungkhueknae dawk hoi na rek hoeh niteh,
pathunae hnonaw pueng hah pâkuem hoeh.
16 Hatdawkvah, Job ni a khuekhaw awm laipalah,
a pahni a ang teh, panuenae laipalah lawk a pap sak.