12
Mosi ni a tâ e siangpahrangnaw
1 Jordan palang kanîtholah Arnon palang hoi kamtawng teh, Hermon mon totouh, Kanîtholae tanghling pueng, Isarelnaw ni a thei teh, ram a la awh e kaukkung siangpahrangnaw teh,
2 Arnon kho teng e, Armor kho, palang tangawn, Gilead ram tangawn, Ammon ram tangawn, Jakop palang totouh,
3 Kanîtholah tanghling koehoi kamtawng teh, Khinneroth tuipui totouh, Sodom kanîtholah, Bethjeshimoth kho lah ceinae lam, Pisgah kho, teng akalah hoi thonae lam totouh ka uk niteh, Heshbon kho kaawmnaw Armor siangpahrang Sihon,
4 Hermon mon hoi Salkah ram, Geshurnaw, Maakathnaw, a onae ram totouh,
5 Bashan ram pueng, Heshbon siangpahrang, Sihon ni a uknaeram totouh, Gilead ram tangawn, a uk e a ram totouh, Edrei kho kaawm e miphun kalenpounge thung dawk hoi kaawm e Bashan siangpahrang Og,
6 Hote siangpahrang kahni touh roi hah Cathut e san Mosi hoi Isarelnaw ni a thei teh, BAWIPA e san Mosi ni ahnimae ram teh, Reubennaw, Gadnaw, Manasseh tangawn hah a poe.
7 Jordan palang kanîloum koe Lebanon tanghling koe kaawm e Baalgad kho hoi kamtawng teh,
8 Seir lam koe lah kaawm e Halak mon totouh, mon dawk, tanghling dawk, palang dawk, kahrawng dawk, akalae, Hitnaw, Amornaw, Kanaannaw, Periznaw, Joshua hoi Isarelnaw ni a thei teh, Joshua ni Isarel miphunnaw koung a poe e ram hah, ka uk e siangpahrangnaw teh,
9 Jeriko siangpahrang buet touh, Bethel kho teng e Ai siangpahrang buet touh,
10 Jerusalem siangpahrang buet touh, Hebron siangpahrang buet touh,
11 Jarmuth siangpahrang buet touh, Lakhish siangpahrang buet touh,
12 Eglon siangpahrang buet touh, Gezer siangpahrang buet touh,
13 Debir siangpahrang buet touh, Geder siangpahrang buet touh,
14 Hormah siangpahrang buet touh, Arad siangpahrang buet touh,
15 Libnah siangpahrang buet touh, Adullam siangpahrang buet touh,
16 Makkedah siangpahrang buet touh, Hepher siangpahrang buet touh,
17 Tappuah siangpahrang buet touh, Hepher siangpahrang buet touh,
18 Aphek siangpahrang buet touh, Lasharon siangpahrang buet touh,
19 Madon siangpahrang buet touh, Hazor siangpahrang buet touh,
20 Shimron buet touh, Merom siangpahrang buet touh, Akshaph siangpahrang buet touh,
21 Taanakh siangpahrang buet touh, Megiddo siangpahrang buet touh,
22 Kedesh siangpahrang buet touh, Karner mon e Jokneam siangpahrang buet touh,
23 Dor ram e Dor siangpahrang buet touh, Gilgal ram e Goiim siangpahrang buet touh,
24 Tirzah siangpahrang buet touh, siangpahrang abuemlah 31 touh a pha.