100
Kasakkung: panuekhoeh
1 Talai taminaw pueng BAWIPA teh pholen awh.
2 BAWIPA thaw hah lunghawi laihoi tawk awh.
A hmalah la sak laihoi tho awh.
3 BAWIPA teh Cathut doeh tie hah panuek awh.
Ahni ni maimouh na sak toe.
Maimouh teh amae lah o awh.
Maimouh teh amae tami lah o awh,
ama koe ka pâ e tuhu lah o awh.
4 Lunghawilawkdeinae lahoi longkha dawk kâen awh,
pholen laihoi a takhang dawk kâen awh.
Ama koe lunghawi awh nateh,
a min hah yawhawi poe awh.
5 Bangkongtetpawiteh, BAWIPA teh ahawi,
a pahrenlungmanae teh a yungyoe a kangning,
yuemkamcunae teh a yungyoe a cak.