16
Yuemkamcu ngaihawinae
Kathutkung: Devit
1 Oe Cathut, na roum sak haw.
Bangkongtetpawiteh, nang doeh na kângue.
2 Oe ka hringnae, Jehovah koe nang teh ka Bawipapa doeh,
nang laipateh ka hawinae hah banghai bang hoeh lah ao telah dei haw.
3 Talaivan kaawm e tami kathoungnaw hanelah,
ahnimouh teh tami kahawi katang,
ka konawmnae pueng onae doeh telah ka ti.
4 Karangpoung lah cathut louk hnukkâbangnaw teh,
rucatnae moi a khang awh han. Awi hane thuengnae thi hah ka poe mahoeh.
Ka pahni hoi a min hai ka dei mahoeh.
5 Oe BAWIPA, nang teh ka ham hoi ka manang lah na o teh,
ka ham hah na cak sak.
6 Ka khori teh, kai hanlah kahawipoung e ram dawk a kâen.
Kahawi katang e râw teh ka coe han.
7 Pouknae na kapoekung BAWIPA teh ka pholen han.
Karum hai ka lungthin ni kahringnae a hroecoe.
8 BAWIPA teh kahma lah pou ka hruek.
Ama teh aranglae kut lah ao dawkvah, ka kâhuen mahoeh.
9 Hatdawkvah, ka lungthin a lunghawi teh, ka bawilennae teh a konawm.
Ka takthai hai ngaihawinae hoi a kâhat han.
10 Bangkongtetpawiteh, ka muitha teh phuen vah na cettakhai mahoeh.
Na tami kathoung teh pawklawi e na pasoung mahoeh.
11 Hringnae lamthung na hmu sak han.
Nang koe konawmnae ka kuep teh ao.
Nange aranglae kut dawk a yungyoe nawmnae teh ao.