26
Ratang nahanelah ratoumnae
Kathutkung: Devit
1 BAWIPA, nang ni kai lawk na ceng haw,
lungcaknae hoi ka cei teh
BAWIPA nang na kâuep dawkvah ka kâhuen mahoeh.
2 Kai hah na noumcai nateh, oe BAWIPA,
ka lung ni a ngai e naw hoi ka pouknae hah na khen pouh haw.
3 Ka cak e na lungpatawnae lamthung kai na patue haw,
yuemkamcunae ni pou na hrawi.
4 Dumyennae hoi cungtalah ka hmawng hoeh.
Tami kahawihoehnaw hai ka hmawng hoeh.
5 Tami kahawihoehnaw e kamkhuengnae hah ka hmuhma,
Tamikathoutnaw hoi reirei ka tahung hoeh.
6 Ka kut heh thoungnae hoi ka pâsu teh
BAWIPA namae thuengnae ka lawngven.
7 Lunghawilawkdeinae la ka sak teh
kângairu hno na sak e hah ka dei.
8 BAWIPA na onae im hah kai lungpataw teh
na bawilennae hmuen hah kai ni ka ngai.
9 Tamikayonnaw koe kai mek thei sin hanlah
tami kathetnaw koe kai na tâkhawng sin hanh.
10 Ahnimouh teh hawihoehnae yungyoe a sak awh.
Tadawnghno ka ngai e taminaw doeh.
11 Kai teh hnokahawi hoeh e ka sak,
na pahren nateh na rungngang haw.
12 Hnâroumcalah tanghling dawk ka kangdue teh
maya a kamkhuengnae koe BAWIPA nang na pholen.