26
Moabʼgi-bukwa Israel-dulemar-ebislesad
1 Bukidar-Israel-dulemar-burgwismalad-sorbali, Bab-Jehová Moisésʼga, degi, Eleazarʼga sunmakded. Eleazarʼde dule-irwa-Bab-Dummadse-goled-Aarón-e-machid. Amarga weyob sogded:
2 “Israel-dulemar birga-dulagwen-nikamalad (20), degi, birga-dulagwen-obine-nikamalad (20+) sunna nabir bila-onomalad be ebismalo. Amar be na e-gwenad-e-gwenadganba ebismaloed.”
3 Moisés, dule-irwa-Bab-Dummadse-goled-Eleazarʼbogwa Jordán-diwar-naba Moab-nebagan-naidgi Jericó-neggwebur-asabin, Israel-dulemarga igar-uksamalad. Ega weyob sogsamalad:
4 “Machergan birga-dulagwen-nikamalad (20), degi, birga-dulagwen-obine-nikamalad (20+) be ebismaloye, igi-Bab-Jehová, Moisésʼga igar-uksagusa, deyob imakmaloye.”
Ebichismargu, Israel-machergan Egipto-yalagi-noarmalad wemalad:
5 Israel-machi-sailagined-Rubén, a-wagan e-dadganba-ebislesmalad, wemalad:
Enoc-wagan, Falú-wagan,
6 Hezrón-wagan, degi, Carmi-wagan.
7 Wemala dad-dummad-Rubénʼgi danimalad.
Mili-dulabo-gakapaa gaka dulataled-ilagugle gaka dulagwen-gakambe (43,730) mergued.
8 Falú unnila machigwa wargwenna nikusad, Eliabʼye nugad.
9 Eliab-masmala, wemalad:
Nemuel, Datán, Abiram.
We-Datán, Abiram-ebogwa Israel-dulemarga binsaed-dakega gusmaladid.
Wemala, Coré, Moisésʼgi, Aarónʼgi, degi, Bab-Jehováʼgi gwisgusgu, Coréʼba akas-gusmalad. Wemarde Bab-Jehováʼgi gwisgusmogad.
10 Degidbali napa-argadgu, Coréʼmala napa-yaba ammurud gusmarmogad. Dulemar-dulataled-ilabo gaka dulabo-gakambe (250) Coréʼba-nanaimalad soogi-gummakar burgwis gusad. Bela Coréʼba-nanaimalad burgwisgusmalad. We-ibmar-gusadi, Israel-dulemar-odurdakega deyob gusad, adi, Bab-Dummad-dobee nanamalagar.
11 Coré-wagandi burgwissurmalad.
12 Dad-dummad-Simeónʼgi-danimalad-ebislesmalad wemalad:
Nemuel-wagan, Jamín-wagan, Jaquín-wagan,
13 Zera-wagan, degi, Saúl-wagan.
14 Wemala, dad-dummad-Simeónʼgi danimalad.
Mili-dulagwen-gakabo gaka dulataled-ilabo (22,200) mergued.
15 Dad-dummad-Gadʼgi-danimalad-ebislesmalad wemalad:
Zefón-wagan, Hagui-wagan, Suni-wagan,
16 Ozni-wagan, Eri-wagan,
17 Arod-wagan, degi, Areli-wagan.
18 Wemala, dad-Gadʼgi danimalad.
Mili-dulabo gaka dulataled-ilatar (40,500) mergued.
19 Judá-masmala Canaán-yalagi mimmi-nikussuli-burgwismalad, wemalad:
Er, degi, Onán.
20 Dad-dummad-Judáʼgi-danimalad-ebislesmaladi, wemalad:
Sela-wagan, Fares-wagan, degi, Zera-wagan.
21 Faresʼgi-danimaladdi, wemalad:
Hezrón-wagan, degi, Hamul-wagan.
22 Bela wemala, dad-dummad-Judáʼgi danimalad.
Mili-dulapaa-gakambe-gakanergwa gaka dulataled-ilatar (76,500) mergued.
23 Dad-dummad-Isacarʼgi-danimalad-ebislesmalad, wemalad:
Tola-wagan, Fúa-wagan,
24 Jasub-wagan, degi, Simrón-wagan.
25 Bela wemala, dad-dummad-Isacarʼgi danimalad.
Mili-dulapaa-gakabake gaka dulataled-ilapaa (64,300) mergued.
26 Dad-dummad-Zabulónʼgi-danimalad-ebislemalad, wemalad:
Sered-wagan, Elón-wagan, degi, Jahleel-wagan.
27 Bela wemala, dad-dummad-Zabulónʼgi danimalad.
Mili-dulapaa gaka dulataled-ilatar (60,500) mergued.
28 Dad-dummad-Joséʼgi-danimalad-ebislesmalad, wemalad:
Manasés-wagan, degi, Efraín-wagan.
29 Manasés, wargwenna machi nikusad.
A-machigwade, Maquirʼye nugad.
Agine, Maquir-wagan danikid.
Maquir, wargwenna machi nikusmogad.
A-machigwade, Galaadʼye nugad.
Agine, Galaad-wagan danikid.
30 Dad-Galaadʼgi-danimalad-ebislesmalad, wemalad:
Jezer, degi, e-wagan, Helec-wagan,
31 Asriel-wagan, Siquem-wagan,
32 Semida-wagan, degi, Hefer-wagan.
33 Hefer-machi-Zelofehad masmala-nikussulid, unnila bunamalabi nikusad. A-bunamala-ebislesmalad, wemalad:
Maala, Noa, Hogla, Milca, degi, Tirsa.
34 Bela wemala, dad-dummad-Manasésʼgi danimalad.
Mili-dulabo-gakambe-gakabo gaka dulataled-ilagugle (52,700) mergued.
35 Dad-dummad-Efraínʼgi-danimalad-ebislesmalad, wemalad:
Sutela-wagan, Bequer-wagan, degi, Tahán-wagan.
36 Sutelaʼgi-danimalad, wemalad:
Erán-wagan.
37 Bela wemala, dad-dummad-Efraínʼgi danimalad.
Mili-dulagwen-gakambe-gakabo gaka dulataled-ilatar (32,500) mergued.
Bela wemala sogabobela, dad-dummad-Joséʼgi danimalad.
38 Dad-dummad-Benjamínʼgi-danimalad-ebislesmalad, wemalad:
Bela-wagan, Asbel-wagan, Ahiram-wagan,
39 Sufam-wagan, Degi, Hufam-wagan.
40 Belaʼgi-danimalad, wemalad:
Ard-wagan, degi, Naamán-wagan.
41 Bela wemala, dad-dummad-Benjamínʼgi danimalad.
Mili-dulabo-gakatar gaka dulataled-ilanergwa (45,600) mergued.
42 Dad-dummad-Danʼgi-danimalad-ebislesmalad, wemalad:
Súham-wagan.
43 Wemala, dad-dummad-Danʼgi danimalad.
Mili-dulapaa-gakabake gaka dulataled-ilabake (64,400) mergued.
44 Dad-dummad-Aserʼgi-danimalad-ebislesmalad, wemalad:
Imna-wagan, Isúi-wagan, degi, Bería-wagan.
45 Beríaʼgi-danimalad wemalad:
Heber-wagan, degi, Malquiel-wagan.
46 Dad-dummad-Aser, bunagwa wargwen nikusbalid, a-bunagwa Seraʼye nugad.
47 Bela wemala dad-dummad-Aserʼgi danimalad.
Mili-dulabo-gakambe-gakapaa gaka dulataled-ilabake (53,400) mergued.
48 Dad-dummad-Neftalíʼgi-danimalad-ebislesmalad, wemalad:
Jahzeel-wagan, Guni-wagan,
49 Jezer-wagan, degi, Silem-wagan.
50 Wemala, Dad-dummad-Neftalíʼgi danimalad.
Mili-dulabo-gakatar gaka dulataled-ilabake (45,400) mergued.
51 Belamakar-machergan-ebislesmaladi weyob mergued: Mili-dulataled-ilanergwa gaka gwensak gaka dulataled-ilagugle gaka dulagwen-gakambe (601,730) mergued.
Yar-mimilesokalidga igar-uklenaid
52 Bab-Jehová Moisésʼga sunmakded, ega sogded:
53 “Be dulemar-ebichismaladga, na e-dula-mergumaladba we-yarmar be mimioed.
54 Na dadgan-wargwengi dulemar-bur-melu-nikale, amarga yala bur dumma be ukoed. Na dulemar-bur-ichee-nikardi, amarga yala senii be ukoed. Na emar-mergu-ebislesmaladba ega yala be ukoed.
55 Degi-inigwele, wilubdakar ega yarmala be mimioed. Na e-dad-dummaganba-ebislesmaladba yarmar nikumaloed.
56 Dulemar-mergumaladba ega yarmar wilub-daklear uklegoed.”
Leví-wagan-ebislesmalad
57 Dad-dummad-Levíʼgi-danimalad-ebislesmalad, wemalad:
Gersón-wagan, Coat-wagan, degi, Merari-wagan.
58 Dad-dummad-Leví-wagangi-danimarmogad, wemarmogad:
Libni-dulemar, Hebrón-dulemar, Mahli-dulemar,
Musi-dulemar, degi, Coré-dulemar.
Coat, machi-wargwen-Amramʼye-nugad nikusad.
59 Amramʼde Leví-wagwa-Jocabedʼye-nugad nikusad. Jocabedʼde, Egipto-yalagi gwalulesad. Amram, Jocabedʼbo mimmigan warbaa nikusmalad. Amala, wemalad:
Aarón, Moisés, degi, e-bun-María.
60 Aarón masmala-nikunonimogad. Amar, wemalad:
Nadab, Abiú,
Eleazar, degi, Itamar.
61 Degi-inigwele, Nadab, Abiú-ebogwa Bab-Jehová-ega-igar-uksasulidba soo-isgana Bab-Jehováʼga-ogasmargu, burgwismalad.
62 Wemala Dad-dummad-Levíʼgi danimalad, mili-dulagwen-gakapaa (23,000) mergued. Nii-wargwen-nikamaladse-bakar ebislesad. Wemardi, Israel-dulemar-baiganba bular ebislessulid. Ar we-dulemargardi yar uklessulid.
63 We-nugmala Moisés, dule-irwa-Bab-Dummadse-goled-Eleazarʼbogwa ebichismaladid. Deunni, Jordán-diwar-naba Moab-nebagan-naidgi Jericó-neggwebur-asabin-bukwamargu ebislesad.
64 Degine, Moisés, dule-irwa-Bab-Dummadse-goled-Aarónʼbogwa, Sinaí-nega-dulesulidgangi, gebe-dulemar-ebichisgusad-nugmardi wemar-ebislesmalad-imbagi naisulid.
65 Ar ade, Bab-Jehová sogsagusad: We-dulemala, nega-dulesulidganba burgwemaloye. Unnila Jefone-machi-Calebʼbi, degi, Nun-machi-Josuéʼbi dula-gudii gusad. Baigandi bela burgwisad.