☰ MITIYEGEC 134
134
Maraiac dedengerec yegec
Hombannu kekenggac yegec.
1 KEBUAC kingang ngic KEBUAC amau tofocnac nangandae, ngeni sasawango hadacma KEBU kenehebisia.* 2 Ngeni maringina miacma amabangec kpetiac, imohaigeng maringina sinema KEBU kenehebisia.
3 KEBUNGO kurumeng nga bangec meficgeec, yeng Sionnu kecma kenecgubeso.
* 134:1 Anutungo meficnunuu nenang bangecngicngacnec yumia kecma Anutuac kenecyoac debisina, yoac imoc mitikibiu homac fede nga yeng faka imocac negenu ngereeude. (Fingec fingec 9:26, 14:20, 24:48, Mitiyegec 16:7, 26:12, 103:22 nga goa homac fede.)
☰