1
JHN
DJON
DJESUWURUY DHÄWU DJONGUŊ WUKIRRIWUY
1 Baman'ma ŋätjilim bilanyamiyu waluyu banha ŋangawulmu dhaŋum munatham' waŋgala maḻŋ'thuwan, ŋätjilin gayŋan waŋgany yana nyenan ŋunhalam God-Waŋarrwuḻin wanydji'ŋa yäkum nhan banha Dhäruk, ŋarru nhan banha dharaŋanda yana bitjuwayiŋ God-Waŋarrnha Morin;' rrambaŋin yana dhupal ŋangawulnha ŋunhuŋ bärrkuwaḻ.
2 Yo bilanyamiyum ŋätjilim nhan gayŋan banha Dhärukma nyenan ŋunhal God-Waŋarrwuḻ yana,
3 ga ŋärrun gayŋan banha ŋunhuŋ nhäm malany maḻŋ'thuwan yalalan. Ŋarru nhäm mala bukmakma gayŋan banha maḻŋ'ṯhuwan nhangurumurrun Dhärukkurumurrun, ga ŋangawulnha banha ŋunhuŋ nhä waŋganyma nhanguŋum meṉgunhara. Yo djämam dhupal gayŋan banha rrambaŋi nhän Dhärukthu ga God-Waŋarryu.
4 Yo nhnbayim banha Dhärukma yäku wälŋami, ga biyapul nhan banha wälŋa-guŋandami, ga bayiŋuyan banha nhangurun wälŋayu yolŋum warray bayiŋ gayŋa banha nyena baḏayala'ŋam.
5 Ga bayiŋuya baḏayala'yu bayiŋ gayŋa banha djeŋarra'yumana buku-munham, ga ŋangawulnha ŋarru banha buku-munhayum djuḻkthuman banhayam baḏayalany.
6 Waŋgany yolŋu gayŋan nyenan banhalaya dhäwu rakaranhami God-Waŋarrwu yäkum nhan banha Djon.
7 Ga ŋarranam nhan gayŋan banha banhayam yolŋu maŋuti-marŋgin bayikuyan baḏayala'wun rakaranharawu, mä ŋarru banha bukmakma yolŋu warra mä-wulitjim nhangurumurrun
8 Nhanmam banha Djonma ŋangawul baḏayala', nhanmam banha yän bitjuwayiŋ maḻŋ'thuwan bayikuyan baḏayala'wun rakaranhawu dhunupayumandawu.
9 Ŋarru gulitjma banha baḏayala nhanbayin yana banha nhan ŋarran räli bitjuwayiŋ munatha'ḻi waŋgalaḻi ga nhännha bayiŋ gayŋa banha djeŋarra'yumanma bukmaknham yolŋuny warrany ŋayaŋum dhaŋu nyena gayŋa munatha'ŋa waŋgalaŋa.
10 Yo djinalan nhan gayŋan banha munatha'ŋan waŋgalaŋa nyenanam Dhärukma yäku. Ga nhanmam banha God-Waŋarryum bokmanam dhaŋum munatham' waŋgala nhangurumurrun banha Dhärukkurumurrun, ga bitjanya bili djäma yolŋunham warrany bukmaknha yana. Ŋarru dhanalim banha ŋangawul nhanany Dhäruknham dharaŋgan bitjuwayiŋ yolŋuyum warrayu, be nhä rakaran dhanalim nhanany yana warri nhanmam ŋunhuŋ yolnha yolŋu.
11 Yo ŋarranam nhan banha rälim dhambalam ŋirrimaḻi bili nhanguŋ mu dhaŋum munatham' waŋgala djämawuy. Ŋarru dhanalim banha yolŋuyum warrayu banha nhanbay bitjuwayiŋ dhanaliŋgu ŋuyulkŋu dhanalim nhanany ŋangawulnha warraṯthuwan.
12 Ŋarru waripuyum yolŋuyu warrayu nhanany banha bili bitjuwayiŋ warraṯthuwanan Dhäruknham, bala yana dhanal nhangu mä-wulitjmiyinan, bala nhan dhanaliny warraṯthuwanan ga nyenanam dhanal gayŋan banha nhanguwaynha yana God-Waŋarrwun yana yumurrkum'
13 'Ŋarru yaka dhanal banha gulŋiyan God-Waŋarrwuḻim yarraṯaḻi bayiŋum banha dhanal gayŋan maḻŋ'thuwan munatha'wuywuŋ ŋäṉḏi'miŋuwuŋ ga mori'miŋuwuŋ, gulitjma dhanal banha ŋayaŋum wälŋayin banha dhanal waŋgala-wuyaŋin God-Wärrwuḻin wälŋayu bilanyamiyun waluyu banha dhanal mä-wulitjmiyinan nhangun Dhärukkun.
14 Yo, Dhärukma banha yolŋuyinan, ga yolŋun yana rumbalma gayŋan nyenan djinalam munatha'ŋam ŋanapiliŋguḻim, ga ŋanapum gayŋan nhäŋalan nhangu djeŋarra'mim rom. Dharaŋgandana nhan banha yulŋum bitjuwayiŋ nhanbayin yana God-Waŋarrnha Morin djeŋarra'min, bili nhan banha waŋgany yana Gäthu'miŋu nhangu God-Waŋarrwu. Ŋanapum nhanany gayŋan banha nhäŋalan ga romma nhangu gayŋan banha ŋirrimbuwan buḻaŋgitj marimi ga mä-ŋuwatjinyarami ga gulitj yana mä-yunupa.
15 Djondhum gayŋan banha rakaranam dhunupamiŋganam nhananhan Dhäruknham bitjanan, 'Dhaŋun nhan banhayam yolŋu banha ŋaya gayŋan rakaran nhumaliŋgu nhanguruy bitjan, 'Yolŋu ŋarru barkthu waythu dhurputj nhänany ŋapa-munguyu. Ga dhuwaniyam banha yolŋu biyapulnha wal'ŋu djuḻkthumana gayŋa nhänanham, bili nhanma bewaḻi yan bili ŋurruŋu gayŋan nyenan ŋätjilim ŋärrun ŋayam maḻŋ'thuwan dhä-gandarrmurrun.'” Yo bitjanan nhan gayŋan banha Djondhum rakaran nhanany.
16 Nhanmam ŋunha Dhärukma mä-ŋuwatjinyami ga ŋuwakurru yana dhika, nhangurum mä-ŋuwatjinyarayu ŋarru ŋarra dhaŋaŋguman ŋalmalinham, bala nhan yana guŋanminan nhanapinya nhan ŋalmaliŋgun.
17 God-Waŋarryum banha bili mu romma guŋan yolŋuwum warrawu nhanguḻin Mawtjitjkuḻin ŋarambiya'ḻi. Ŋarru murrukayma banha marimim mä-ŋuwatjinyara maḻŋ'thuwan ŋalmaliŋgum Djesuwurumurrun banha nhan Maŋutji-Dhunupayumandan.
18 Ŋangawul dhaŋu ŋunhuŋ yolthu waŋganydhu yolŋuyu nhäŋal God-Waŋarrnha. Nhanbayin gayŋa ŋunha Gäthu'miŋun nyena God-Waŋarrwuḻim wanydji'ŋa, ga nhännha banha God-Waŋarrnham dhawaṯthuman ŋalmaliŋguḻim.
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51