8
Nguma ya Mlungu na ishima ya mutu
Kpwa chilongozi wa aimbadzi. Kuhumira sauti ya Gitithi. Zaburi ya Daudi.
1 Mwenyezi Mlungu na Mtawala wehu,
ukuluo unaoneka kosi duniani!
Sifwazo nkufika
hadi dzulu mlunguni.
2 Wafundza anache adide na atsanga
kukulika,
ili unyamaze avihao
na atu alondao kudziriphiza.
3 Nlolapho ko mlunguni,
kazi za mikonoyo,
mwezi na nyenyezi
ambazo waziika phatu ziripho,
4 mutu ni chitu chani, hata umuririkane,
na mwanadamu ni ani hata umjali?
5 Uwe wahenda anadamu akale tsini chidide kuriko Malaika
na uchiapha utukufu na ishima.
6 Uchiahenda atawale vitu vyosi urivyoviumba;
uchiika vyosi tsini ya utawala wao:
7 mangʼondzi, ngʼombe,
na nyama a tsakani;
8 nyama a mapha,
ngʼonda,
na viumbe vyosi vya baharini.
9 Ee Mwenyezi Mlungu, Mwenyezi Mlungu wehu,
ukuluo unaoneka kosi duniani!