108
Tɑnɑŋ yontu
(Kʋkɑlətʋ 2-6: Yontu 57:8-12,7-14; Yontu 60:7-14)
1 Tɑfiiti yontu nti tə wɛ yonyoolɑɑ
nyʋɣʋ tʋ yontunɑɑ tɑɑ tɔɣɔlɔ.
2 Hɑɩ, mɑ Ɩsɔ, mɑ tɛmɑ mɑ tɑɑ sɩ
mɑ́ yoo-ŋ yontu nɑ mɑ lotu tənɑɣɑ.
3 Mɑ cəməŋ ɩ́ fe, mɑɑ fe nɑ pə́cɔ pə nyɑɑlɩ.
4 Tɑcɑɑ, mɑɑ sɛɛ-ŋ yəlɑɑ tɑɑ,
nɑ mɑ́ yoo-ŋ yontu kɛ piitimnɑɑ tɑɑ.
5 Nyɑ́ pɛɛlɛɛ kəlɑ ɩsɔtɔnʋɣʋ kɛ kʋlʋɣʋ,
nɑ nyɑ́ kʋpɑntʋ nɑ́ɑ́ kɑləsənɑ hɑtoo ɩsɔtɑɑ.
6 Hɑɩ, Ɩsɔ, hʋlɩ nyɑ́ tɔɔməŋ kɛ ɩsɔtɑɑ.
Nyɑ́ teu ɩ́ nɑ́ tɛtʋ tənɑ tɔɔ.
7 Lɑ mpʋ ɩlɛnɑ pə hɛtɩ nyɑ́ kʋsɔɔllɑɑ.
Wɑɑsɩ-m nɑ nyɑ́ niŋ ntɔɣɔŋ.
Mʋ tɑ́ sələmʋɣʋ.
8 Ɩsɔ yɔɣɔtɑ ɩ kutuluɣu nɑŋŋ nyəŋkʋ tɑɑ sɩ:
Mɑ́ɑ́ tɔɣɔnɑ ɑkɑɩtʋ nɑ mɑ́ tɑlɑ Sikɛm ɩcɑtɛ.
Mɑɑ mɑɣɑsɩ Sukɔtɩ tɛtɛkəlɛ nɑ ŋmənɑɣɑ.
9 Mɑ́ tənnɑ Kɑlɑɑtɩ nɑ Mɑnɑsee.
Ɩfəlɑyim kɛlɛ mɑ nyəɣəlʋɣʋ kɑhukɑ.
Yutɑ kɛlɛ mɑ kɑwulɑɣɑ kpɑ́tʋɣʋ.
10 Mowɑpʋ tɛtʋ ntɛ́ mɑ lʋm kʋsɔsɔm tətʋlɛ.
Ɩtɔm nyəntʋ kɛ mɑ ntɑŋkpɑlɑ təsɩɩlɛ.
Ɩlɛnɑ mɑ́ kiisiɣi yoou kɑkiisɑsɩ kɛ Filiisi nyə́mɑ tɔɔ.
11 Awe kɑ́ ponɑ-m Ɩtɔm?
Awe kɑ́ tʋ-m Ɩtɔm koluŋɑ ɩcɑtɛ tɑɑ?
12 Pə tɑɣɑ Ɩsɔ nyɑ́?
Pəyele nyɑ́ lɔnɑ-tʋ,
nn tɑsəɣɩ tɑ́ yoolɑɑ kɛ təŋʋɣʋ.
13 Kɔɔ nɑ ń yɑ-tʋɣʋ kolontu tɔm tɑɑ,
yʋlʋ wɑɑsʋɣʋ wɛ kpɛtɛ kɛ́.
14 Ɩsɔ toŋ tɑɑ tɩɩ lɑ kookɑlənɑɑ kɛ́.
Ɩnɩ ɩ kɑ́ nɑŋtənɑ tɑ́ kolontunɑɑ.