124
Tɑcɑɑ wɛ tɑ wɑɑlɩ
1 Tɑfiiti Yosɑlɛm kpɑʋ yontu.
Ɩsɛɣɛlɩ nyə́mɑ ɩ́ tisi sɩ:
Ye Tɑcɑɑ ń tɑɑ wɛɛ tɑ́ wɑɑlɩ.
2 Ye Tɑcɑɑ ń tɑɑ wɛɛ tɑ́ wɑɑlɩ,
ɑwe kɑ wɑɑsɑ-tʋɣʋ wɑɑtʋ wei
yəlɑɑ kotɑ tɑ́ tɔɔ tɔ.
3 Pɑɑ lipɑ tɑ́ tənɑɣɑ nɑ tɑ́ ɩsɛ kɛ wɑɑtʋ wei
pɑ pɑ́ɑ́nɑ́ huu tɑ́ tɔɔ tɔ.
4 Ye Tɑcɑɑ ń tɑɑ wɛɛ tɑ́ wɑɑlɩ.
Pusi lʋm kɑ lipɑ-tʋɣʋ nɑ pə holɑ tɛɛnɑ-tʋ.
5 Holɑ toŋ nyənɑ ɑnɩ
ɑ kɑ tɔɣɔ-tʋɣʋ.
6 Tə́ sɛɛ-ŋ Tɑcɑɑ n tɑ tʋ-tʋɣʋ
pɑ kelɑ tɑɑ ɩsɩɩ tɔɣɔnɑɣɑ tɔ.
7 Tə fitɑɑ kɛ́ ɩsɩɩ sumɑɣɑ fituɣu
kɑ kpɑlʋ ɑpɑɩ tɑɑ tɔ.
Apɑɩ pɛlɑɑ nɑ tɑ́ɑ́ fiti.
8 Tɑcɑɑ nyɑ́ ŋmɑwɑ ɑtɛ nɑ ɩsɔtɑɑ.
Nyɑ́ wɑɑsənɑ-tʋ.