128
Tɑmpɑnɑ təŋlɑɑ təcɑɣɑnɑʋ
1 Yosɑlɛm kpɑʋ yontu.
Leleŋ nɩɩlʋ ntɛ́ nyɑ́ wei n nyɑŋnɑ Tɑcɑɑ
nɑ ń tɔŋ ɩ mpɑɑŋ tɑɑ tɔ.
2 Nyɑ́ lɑŋlɛ hɛɛkənɑ nyɑ́ niŋ təmlɛ.
Nyɑ́ tɑɑ hɛɛwɑ nɑ ń wɑɑkɩ.
3 Nyɑ́ ɑlʋ wɛ nyɑ́ təyɑɣɑ tɑɑ kɛ́ ɩsɩɩ lɛsɛŋ tʋɣʋ kʋlʋlʋɣʋ.
Nɑ nyɑ́ piyɑ nɑ́ɑ́ wɛ tətɔɣɔlɛ ɩsɩɩ Olifi tɩɩŋ.
4 Ḿpʋɣʋ pə kooliɣi kʋpɑntʋ kɛ
wei ɩ nyɑŋnɑ Tɑcɑɑ tɔ.
5 Tɑcɑɑ koolee kɑ́ lɩɩnɑ Siyɔŋ tɑɑ nɑ ɑ́ tii nyɑ́ tɔɔ.
N kɑ́ nɑ́ Yosɑlɛm təcɑɣɑnɑʋ.
Hɑlənɑ nyɑ́ weesuɣu tənɑɣɑ.
6 N kɑ́ nɑ́ nyɑ́ piyɑ piyɑ.
Pəyele nɑ Ɩsɛɣɛlɩ nyə́mɑ hɛɛsɩ.