13
Niŋ tɛkʋɣʋ kɛ Tɑcɑɑ
1 Tɑfiiti yontu nti tə wɛ yonyoolɑɑ
nyʋɣʋ tʋ yontunɑɑ tɑɑ tɔɣɔlɔ.
2 Hɑɩ, Tɑcɑɑ, wɑɑtʋ wei kɛ́ n kɑ yele
mɑ tɔɔ sɔɔʋ kɛ tɑm kɛ́ mpʋ?
Nɑ ń yele-m nyɑ́ tɩ ŋmɛsʋɣʋ?
3 Ləmɑɣɑsɛɛ nɑ nəɣəsɛɛ kʋɣʋ-m tɑm kɛ́.
Nɑ mɑ kolontu nɑ́ɑ́ tɔkɩ mɑ tɔɔ.
4 Hɑɩ, Tɑcɑɑ mɑ Ɩsɔ,
nyənɩ-m nɑ ń cɔ-m,
nɑ ń cɛ mɑ ɩsɛntɔɔ.
Nɑ mɑ́ tɑɑ too səm tom.
5 Nɑ mɑ kolontunɑɑ ɩ́ tɑɑ tɔ sɩ pɑ kəlɑɑ,
nɑ mɑ pɑtɑnɑɑ nɑ́ɑ́ pɑɑnɑ mɑ cɛŋlʋɣʋ.
6 Nyɑ́ kʋpɑntʋ kɛ mɑ tɛɛləɣɩ,
nɑ mɑ yɔɔləɣənɑ nyɑ́ wɑɑsʋɣʋ.
Tɑcɑɑ mɑɑ yoo-ŋ yontu kɛ
kʋpɑntʋ nti n lɑpɑ-m tɔ tə tɔɔ.